ព័ត៌មានជាតិ

ក្នុងឆ្នាំ២០២០ គ្រោះអគ្គិភ័យបានបំផ្លាញផ្ទះអស់១៦៥ខ្នង ស្លាប់មនុស្ស៦នាក់

បានផុស

៣ years មុន

នៅ

ថ្ងៃអង្គារ ២ កុម្ភៈ ២០២១

ដោយ

ក្នុងឆ្នាំ២០២០កន្លងមកនេះ គ្រោះអគ្គិភ័យបានកើតមានឡើងចំនួន១១៧លើក បានបណ្តាលឲ្យឆេះផ្ទះអស់ចំនួន១៦៥ខ្នង ធ្វើឲ្យមានមនុស្សស្លាប់ចំនួន៦នាក់ របួស១៤នាក់ ហើយក្នុងចំនួននេះ មូលហេតុដែលជាដើមចមបណ្តាលមានអគ្គីភ័យនេះ គឺកើតចេញពីការធ្វេសប្រហែសរបស់ប្រជាពលរដ្ឋចំនួន២២លើក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍បានឲ្យដឹងថា នៅរាជធានីភ្នំពេញក្នុងឆ្នាំ២០២០នេះកន្លងមកនេះ មានគ្រោះថ្នាក់អគ្គិភ័យបានកើតឡើងចំនួន១១៧លើក/៩២លើក កើនឡើង២៥លើក បើប្រៀបធៀបទៅនឹងឆ្នាំកន្លងទៅ បណ្តាលឲ្យស្លាប់៦នាក់/១នាក់, របួស១៤នាក់ បង្កឲ្យឆេះផ្ទះអស់១៦៥ខ្នង, បន្ទប់ ១៨បន្ទប់, ឃ្លាំង៣ខ្នង, រោងចក្រ៣ខ្នង, រោង៦ខ្នង, តូប ៦៧តូប, រថយន្ត ១គ្រឿង, ម៉ូតូ ១គ្រឿង និងសម្ភារប្រើប្រាស់មួយចំនួន។

របាយការណ៍ដដែលបន្តថា មូលហេតុឆ្លងចរន្ដអគ្គិសនី ៨១លើក, ធ្វេសប្រហែសភ្លើង ២២លើក, ផ្សាដំបូលធ្លាក់ផ្កាភ្លើង៣លើក, ផ្ទុះធុង ហ្គាស ៧លើក, ប្រតិកម្មសារធាតុ ៣លើក និងគ្រោះថ្នាក់ចរាចរណ៍បង្កជាអគ្គិភ័យ១លើក៕

អត្ថបទ ៖ ស្រីរ័ត្ន