ព័ត៌មានជាតិ
ព្រឹកនេះតុលាការបន្តកាត់ទោសសំណុំរឿងលោក រ៉ុង ឈុន
នៅព្រឹកថ្ងៃទី៣ ខែកុម្ភៈ ឆ្នាំ២០២១នេះ សាលាដំបូងរាជធានីភ្នំពេញ បានបន្តកាត់ទោសលើសំណុំរឿងលោក រ៉ុង ឈុន នឹងបក្ខពួកពាក់ព័ន្ធពីបទញុះញុងបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ដែលជាបទល្មើសមានចែងតាមមាត្រា៤៩៤ នឹង៤៩៥ នៃក្រមព្រហ្មទណ្ឌ ។
កាលពីព្រឹកថ្ងៃទី១៥ ខែមករា ឆ្នាំ២០២១ កន្លងទៅចៅក្រមសាលាដំបូងរាជធានីភ្នំពេញ បានលើកយកសំណុំរឿងរបស់ក្រុមលោករ៉ុង ឈុន បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម មកបើកសវនាការជំនុំជម្រះម្តងរួចហើយ នឹងក្រោយពីការសាកសួរដេញដោលអស់ពេលជាច្រើនម៉ោង និងចប់ម៉ោងរដ្ឋបាល ប្រធានក្រុមប្រឹក្សាបានលើកពេលបន្តសវនាការមកថ្ងៃទី៣ ខែកុម្ភៈ ឆ្នាំ២០២១នេះ ។
សវនាការលើកមុននោះមានជនត្រូវចោទចំនួន៤នាក់ ត្រូវបាននាំមកឈរមុខរង្វង់ក្រចកសេះ ដើម្បីឲ្យអង្គសវនាការធ្វើការសាកសួរដេញដោល ។ សវនាការនេះដឹកនាំដោយលោក លិ សុខា ចៅក្រមជំនុំជម្រះ និងតំណាងអយ្យការគឺលោក សេង ហៀង ព្រះរាជអាជ្ញារងអមសាលាដំបូងរាជធានីភ្នំពេញ ។ ជនត្រូវចោទ៤នាក់នោះមាន ១.លោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា នឹងជាប្រធានសហភាពសហជីពកម្ពុជា។ ទី២.លោក សួង សុភណ្ឌ ប្រធានគណៈបក្សខ្មែរ ។ ទី៣.លោក តុល និមល ។ ទី៤ អ្នកស្រី ស កណិការ ដែលជនត្រូវចោទសុទ្ធតែមានមេធាវីការពារក្តីរៀងខ្លួន នឹងក៏មានការចូលរួមតាមដានពីសំណាក់តំណាងអង្គទូត នឹងអង្គការសង្គមស៊ីវិលប្រមាណ១៥ នាក់ចូលរួមសង្កេតការ ។
លោក រ៉ុង ឈុន ប្រធានសហភាពសហជីពកម្ពុជា ត្រូវបានកម្លាំងសមត្ថកិច្ចនគរបាលក្រុងភ្នំពេញចាប់ខ្លួននៅផ្ទះរបស់លោក កាលពីយប់ថ្ងៃសុក្រទី៣១ ខែកក្កដា ឆ្នាំ២០២០ បន្ទាប់ពីគណៈកម្មាធិការចម្រុះកិច្ចការព្រំដែនរបស់រាជរដ្ឋាភិបាល បានអំពាវនាវជាសាធារណៈឱ្យអាជ្ញាធរចាត់វិធានការចំពោះ លោក រ៉ុង ឈុន ដែលបានអត្ថាធិប្បាយជុំវិញទស្សនៈកិច្ច របស់លោកទៅកាន់ព្រំដែន រវាងប្រទេសកម្ពុជា និងប្រទេសវៀតណាម កាលពីថ្ងៃទី២០ ខែកក្កដា ឆ្នាំ២០២០៕
អត្ថបទ ៖ មករា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង