ព័ត៌មានជាតិ
ទ័ពកងមួកខៀវ១៨៤នាក់ មកពីលីបង់ ត្រូវធ្វើចត្តាឡីស័ក១៤ថ្ងៃ នៅវិទ្យាស្ថានហ្វឹកហ្វឺនខេត្តកំពង់ស្ពឺ
កងទ័ពមួកខៀវ នៃកងកម្លាំងវិស្វកម្មពហុជំនាញចំនួន ១៨៤នាក់ ក្នុងនោះមានកម្លាំងនារី២៤នាក់ ដែលទើបវិលត្រឡប់មកពីប្រទេសលីបង់ក្រោយបញ្ចប់បេសកកម្មអង្គការសហប្រជាជាតិ
ត្រូវបានបញ្ជួនទៅធ្វើចត្តាឡីស័ករយៈពេល១៤ថ្ងៃ នៅមណ្ឌលចត្តាឡីស័កនៅក្នុងវិទ្យាស្ថានហ្វឹកហ្វឺនកងកម្លាំងរក្សាសន្តិភាព នាស្រុកឧដុង្គ ខេត្តកំពង់ស្ពឺ។
ថ្លែងក្នុងពិធីទទួលកងកម្លាំងទ័ពមួកខៀវទាំង១៨៤នាក់ កាលពីរាត្រីថ្ងៃទី០១ ខែមករា ឆ្នាំ២០២១ នៅអាកាសយានដ្ឋាន អន្តរជាតិភ្នំពេញ នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាពបានឲ្យដឹងថា កងកម្លាំងមួកខៀវទាំងនេះជាកងលើកទី១០ ដែលកម្ពុជាបានបញ្ជូនកម្លាំង ទៅកាន់សាធារណរដ្ឋលីបង់ ដើម្បីស្វែងរកសន្តិភាពកាលពីខែមករា ឆ្នាំ២០២០ ខណៈយើងទើបបានបញ្ជូនកម្លាំងថ្មីទៅដល់លីបង់កាលពីថ្ងៃទី៣១ ខែមករា ឆ្នាំ២០២១ កន្លងទៅដើម្បីផ្លាស់ប្តូរកម្លាំងចាស់។
នាយឧត្តមសេនីយ៍ មានប្រសាសន៍បន្តទៀតថា«ចំពោះកម្លាំងទ័ពមួកខៀវ ធ្វើមាតុភូមិនិវត្តន៍នៅថ្ងៃនេះ គឺបញ្ជូនទៅធ្វើចចត្តាឡីស័ក១៤ នៅមណ្ឌលចត្តាឡីស័ក ក្នុងវិទ្យាស្ថានហ្វឹកហ្វឺនកងកម្លាំងរក្សាសន្តិភាព នាស្រុកឧដុង្គ ខេត្តកំពង់ស្ពឺហើយយកសំណាកដើម្បីធ្វើតេស្តរកកូវីដ១៩»។ នាយឧត្តមសេនីយ៍ បានបន្ថែមថា ពួកគេត្រូវយកសំណាក់ចំនួន២លើក ដែលលើកទី១ពេលដែលពួកគេមកដល់និងលើទី២នៅថ្ងៃទី១៣ នៃការធ្វើចត្តាឡីស័ក។ បើលទ្ធផលតេស្តអវិជ្ជមានវីរុសកូវីដ១៩ ទើបយើងអនុញ្ញាតឲ្យត្រឡប់ទៅជួបជុំក្រុមគ្រួសារវិញ។ នាយឧត្តមសេនីយ៍ បានបញ្ជាក់ថា ក្នុងបេសកកម្មអង្គការប្រជាជាតិ នៅសាធារណៈរដ្ឋលីបង់ គឺទ័ពមួកខៀវកម្ពុជា គឺមានជំនាញវិស្វកម្ម និងជំនាញបោសសម្អាតមីន ដែលមានការកោតសរសើរ អង្គការសហប្រជាជាតិ និងបណ្តាលប្រទេស បានចូលរួមបេសកកម្មជាមួយគ្នា។
គួរបញ្ជាក់ថា ចាប់តាំងពីឆ្នាំ២០០៦មកកម្ពុជា បានបញ្ជូនកម្លាំង ចំនួនសរុបជាង៧៣០០នាក់ ក្នុងនោះមានស្ត្រីចំនួនជាង៤៥០នាក់ ទៅចូលរួមបេសកកម្មរបស់អង្គការសហប្រជាជាតិ។បច្ចុប្បន្នកម្ពុជាមានកម្លាំងចំនួនជិត១០០០នាក់ ដែលកំពុងបំពេញបេសកកម្មនៅប្រទេសចំនួន៥ រួមមាន ប្រទេសស៊ូដង់ ស៊ូដង់ខាងត្បូង អាហ្វ្រិកកណ្តាល លីបង់ និងម៉ាលី៕
អត្ថបទ៖ សំអឿន
សូមចុចអាន៖ ពលករខ្មែរម្នាក់ស្លាប់ ក្រោយត្រឡប់មកពីប្រទេសថៃបានជាង ១០ ថ្ងៃ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ