អាជ្ញាធរបាត់ដំបងត្រៀមមណ្ឌលចត្តាឡីស័ក ខណៈកំណើនពលករមកពីថៃកាន់តែច្រើន
Connect with us
Helistar Cambodia - Helicopter Charter Services

ព័ត៌មានជាតិ

អាជ្ញាធរបាត់ដំបងត្រៀមមណ្ឌលចត្តាឡីស័ក ខណៈកំណើនពលករមកពីថៃកាន់តែច្រើន

Published

on

អាជ្ញាធរខេត្តបាត់ដំបងត្រៀមរៀបចំមណ្ឌលចត្តាឡីស័កបន្ថែមទៀតនៅស្រុកកំរៀងដោយសារចំនួន​ពលករមកពីថៃនៅតែបន្តកើនឡើងជាបន្តបន្ទាប់។

អភិបាលស្រុកកំរៀង ខេត្តបាត់ដំបង លោក សុខ គឹមខុនបានឲ្យដឹងថាពលករឆ្លងដែនពី​ប្រទេស​ថៃតាមច្រកជាប់ស្រុកកំរៀងមានជារៀងរាល់ថ្ងៃដោយបច្ចុប្បន្នក្នុងស្រុកមានមណ្ឌលចត្តាឡីស័កចំនួន៣អាចដាក់ចំណុះពលករបានជាមធ្យម ៦០០នាក់ ខណៈមានអ្នកបញ្ចប់ការធ្វើចត្តាឡីស័កបានចេញជាបណ្ដើរៗប៉ុន្តែកំណើនចូលវិញក៏មានចំនួនច្រើន។


លោកបន្តថា ក្នុងការដោះស្រាយបញ្ហានេះ មានក្រុមហ៊ុនឯកជនមួយបានផ្តល់សម្បទានដីរបស់ខ្លួនប្រមាណ២ហិកតា ក្នុងស្រុកកំរៀង ជិតព្រំដែនថៃដើម្បីរៀបចំជាទីតាំងធ្វើមណ្ឌលចត្តាឡីស័កចំពោះពលករដែលទើបប្រឡប់មកពីប្រទេសថៃហើយអាជ្ញាធរក៏បានពិនិត្យរួចរាល់ហើយដែរ។


លោក នាយកឧត្តមសេនីយ៍ ខេង សាម៉េតអគ្គស្នងការរងនគរបាលជាតិបានជំរុញឲ្យអាជ្ញាធរខេត្ត និងមន្ត្រីជំនាញត្រូវរៀបចំកន្លែងធ្វើ​ចត្តា​ឡីស័កបន្ថែមនេះឲ្យបានល្អ មានទាំងកន្លែងសម្រាកបង្គន់អនាម័យ និងកន្លែងចំអិនអាហារជាដើមឲ្យបានសមស្រប ពិសេសឲ្យពួកគាត់អនុវត្តនូវវិធានការទប់ស្កាត់ជំងឺកូវីដ១៩ តាមការណែនាំរបស់ក្រសួងសុខាភិបាល។
ជាមួយគ្នានោះ លោក ងួន រតនៈ អភិបាលខេត្តបាត់ដំបងបានណែនាំដល់សមត្ថកិច្ចការពារព្រំដែនទាំងអស់ត្រូវសហការជាមួយមន្ត្រីសុខាភិបាលបន្តរឹងបន្តឹងក្នុងការពិនិត្យទប់ស្កាត់កុំឲ្យពលករណាម្នាក់

អាចគេចវេសពីការពិនិត្យសុខភាព ការយកសំណាក និងការធ្វើចត្តាឡីស័កគឺមិនអាចលើកលែងក្នុងករណីអ្នកណាម្នាក់បាននោះទេ។
គួរបញ្ជាក់ថានៅដើមខែកុម្ភៈនេះក្នុង១ថ្ងៃៗមានពលករឆ្លងដែនពីប្រទេសថៃបានធ្វើដំណើរតាមច្រកនានាជាប់ខេត្តបាត់ដំបងប្រមាណជាង១០០នាក់៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ24 mins ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

ព័ត៌មានជាតិ44 mins ago

អាជ្ញាធរស្រុកកៀនស្វាយទុកពេលឲ្យពលរដ្ឋ៤ថ្ងៃរុះរើសំណង់រំលោភផ្លូវសាធារណៈ

ព័ត៌មានជាតិ48 mins ago

រក​ឃើញ​​​អ្នក​ឆ្លង​កូវីដ១៩ ចំនួន​២​នាក់​ ទៀត​នៅ​ប៉េង​ ហួត ៦០​ម៉ែត្រ​​

ព័ត៌មានជាតិ57 mins ago

គិតមក​ដល់​ល្ងាចនេះ ទីតាំង​ពាក់ព័ន្ធ​ព្រឹ​ត្តិ​ការណ៍​សហគមន៍​២០​កុម្ភៈ ចំនួន​៧៥​ទីតាំង ​ត្រូវ​បាន​អាជ្ញាធរបិទ

ព័ត៌មានជាតិ1 hour ago

ហ្វីលីពីន​អរគុណ​កម្ពុជា​ដែល​បាន​ផ្តល់​ការ​ការពារ​និង​គាំពារ​បាន​យ៉ាង​យ៉ាង​ល្អ​ដល់​ពលរដ្ឋ​ហ្វី​លីន​ធ្វើការ​និង​ស្នាក់នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services