សម្តេចតេជោ ហ៊ុន សែន៖ ក្តីបារម្ភធំរបស់កម្ពុជា គឺការឆ្លង​កូវីដ១៩ «ក្លែងភេទ​» ​ក្នុង​សហគម​​​​ន៍ប្រទេសវៀតណាម
Connect with us
Helistar Cambodia - Helicopter Charter Services

ព័ត៌មានជាតិ

សម្តេចតេជោ ហ៊ុន សែន៖ ក្តីបារម្ភធំរបស់កម្ពុជា គឺការឆ្លង​កូវីដ១៩ «ក្លែងភេទ​» ​ក្នុង​សហគម​​​​ន៍ប្រទេសវៀតណាម

Published

on

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងសារពិសេស នៅរសៀលថ្ងៃព្រហស្បតិ៍នេះបញ្ជាក់ថា ការព្រួយបារម្ភធំរបស់កម្ពុជា​គឺការផ្ទុះឡើងនូវការឆ្លងសហគមន៍ក្នុងប្រទេសវៀតណាម  ដែលចាប់ផ្តើមពីភាគខាងជើង ភាគកណ្តាល ហើយដល់ភាគខាងត្បូងដែលមេរោគនោះ មានការក្លែងភេទផងដែរ។

សម្តេចតេជោបន្តថា នេះជាកង្វល់ដ៍ធំ ដែលសម្តេចបានប្រកាសឲ្យបណ្តាខេត្ត ដែលនៅជាប់ព្រំដែន​កម្ពុជាវៀតណាមទាំងអស់ ចាប់ពីខេត្តកំពតរហូត ទៅដល់ខេត្តរតនៈគិរី ចាត់វិធានការបន្ទាន់ទប់ស្កាត់កុំឲ្យមានការឆ្លងទៅឆ្លងមករបស់ប្រជាជន ទាំងប្រជាជនកម្ពុជា និងប្រជាជនវៀតណាម។

សម្តេចនាយករដ្ឋមន្ត្រីបន្តថា ប្រជាជនកម្ពុជា ដែលឆ្លងចូលទៅក្នុងប្រទេសវៀតណាម ក៏ត្រូវធ្វើចត្តាឡីស័ក ដោយអាជ្ញាធរវៀតណាម ដូចដែលធ្លាប់ធ្វើកន្លងទៅ ឯប្រជាជនវៀតណាម ដែលឆ្លងចូលមកម្ពុជា ក៏ត្រូវតែធ្វើចត្តាឡីស័កនៅក្នុងប្រទេសកម្ពុជាផងដែរ។

សម្តេច តេជោ ហ៊ុន សែន នាយករដ្ឋមន្ត្រីកម្ពុជា

សម្តេចបញ្ជាក់ថា ប្រជាជនកម្ពុជា ដែលមកពីប្រទេសវៀតណាមចូលមកម្ពុជា ក៏ត្រូវធ្វើចត្តាឡីស័កផងដែរ ដែលប្រការនេះ ពឹងអាស្រ័យទាំងស្រុងទៅលើអាជ្ញាធរខេត្ត ដឹកនាំការងារជាមួយកងកម្លាំងប្រដាប់អាវុធ បិទខ្ទប់ឲ្យខាងតែបាន តាមច្រករបៀងតាមព្រំដែន ឲ្យបានម៉ត់ចត់ និងតម្រូវឲ្យរៀបចំតំបន់ធ្វើចត្តាឡីស័កឲ្យបានរឹងមាំបំផុត។

បើតាមសម្តេចនាយករដ្ឋមន្ត្រីអាជ្ញាធរ មិនត្រូវយោគយល់អាធ្យាស្រ័យដូចវិធានការ ដែលអនុវត្តកន្លងមកនៅគ្រប់ទីកន្លែង ចត្តាឡីស័កត្រូវតែធ្វើ ១៤ ថ្ងៃ ដែលខានមិនបាន។

សម្តេចក៏ដាក់ចេញបទបញ្ជាបន្ទាន់ ឲ្យអាជ្ញាខេត្តនៅតាមព្រំដែន ជាមួយស្ថាប័នពាក់ព័ន្ធ នៅជាប់ព្រំដែនកម្ពុជាវៀត​ណាម ទប់ស្កាត់ប្រជាជនដែលឆ្លងពីវៀតណាមមកម្ពុជា ឬកម្ពុជាឆ្លងទៅវៀតណាម។

សម្តេចតេជោបញ្ជាក់ថា អ្វីដែលព្រួយបារម្ភគឺការឆ្លងទៅឆ្លងមក នៃការចូលឆ្នាំចិន និងចូល​ឆ្នាំវៀតណាមខាងមុខនេះ ដែលអាជ្ញាធរត្រូវតែពង្រាយកម្លាំងជាបន្ទាន់ ដើម្បីទប់​ស្កាត់​ការ​ចចេញចូលរបស់ប្រជាជនតាមច្រករបៀង។

ដោយឡែការសម្របសម្រួលការដឹកទំនិញចេញចូល នៅតែត្រូវធ្វើឡើងជាធម្មតា ដូចដែលបានព្រមព្រៀងកន្លងមក។ សម្តេចបញ្ជាក់ថា ប្រសិនបើកម្ពុជាមានកាធ្វេសប្រហែស នោះប្រទេសនិងខ្ទេចខ្ទាំ ទៅដោយកូវីដ១៩ ដែលរុញច្រានពីប្រទេសថៃមកផង និងរុញច្រានពីប្រទេសវៀតណាមមកផង។

សម្តេចដាក់បទបញ្ជាយ៉ាងម៉ឹងម៉ាត់ ឲ្យកងកម្លាំងប្រដាប់អាវុធ កងទ័ពតាមព្រំដែនវៀតណាម ត្រូវត្រួតពិនិត្យឲ្យបានតឹងរឹងបំផុត។

ហើយក្រសួងសុខាភិបាល ត្រូវផ្តល់ជំនួយរៀបចំកន្លែងធ្វើចត្តាឡីស័កឲ្យបានគ្រប់គ្រាន់ ដែលសម្តេចអះអាងថា នេះជាវិធានការដើម្បីសុវត្ថិភាពប្រជាជន ដែលកំពុងហ៊ុំព័ទ្ធពីប្រទេសថៃ និងវៀតណាម៕

អត្ថបទ៖ ឡេង ដេត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ40 mins ago

​Breaking News រដ្ឋបាល​ខេត្ត​ព្រះ​សីហនុ​ ប្រកាសរក​អ្នក​បើក​រថយន្ត​ដឹក​ភ្ញៀវ​ សណ្ឋាគារ​ហ័ង​ហ្គ័នជាយី​ ទៅ​ធ្វើ​តេស្ត​កូវីដ១៩ ក្រោយ​រក​ឃើញ​ស្ត្រីជន​ជាតិចិន​មាន​វិជ្ជមាន​កូវីដ១៩

ព័ត៌មានជាតិ1 hour ago

រាជរដ្ឋាភិបាល​អាណត្តិ​ទី​៦ ​បន្ត​ជំរុញ​សិទ្ធិ​អាទិភាព​សម្រាប់​ស្រី្ត​មាន​ផ្ទៃពោះ​និង​កុមារ​អាយុ​ក្រោម​២​ឆ្នាំ​

កីឡា2 hours ago

គ្រូបង្វឹក​ឃី​ក​បុក​សី​ង​បង្ហាញ​ផែនការ​ត្រួសៗ​អំពី​គោលដៅ​សម្រាប់​ឆ្នាំ​២០២១ ពេល​ចាប់ផ្ដើម​ហ្វឹកហាត់​ផ្លូវការ

ព័ត៌មានជាតិ2 hours ago

ជិត​២០​នាក់​នៅ​កោះកុង ពាក់ព័ន្ធ​ព្រឹត្តិការណ៍​សហគមន៍​២០​កុម្ភៈ រក​មិនឃើញ​វិជ្ជា​មាន​កូ​វីដ​

ព័ត៌មានជាតិ3 hours ago

រក​ឃើញ​៥ទីតាំងនៅ​បុរី​ ប៉េង ហួតបឹងស្នោ ​ប្រឈម​នឹង​ជំងឺ​កូ​វិដ​១៩​

Sokha Hotels

ព័ត៌មានពេញនិយម

Helistar Cambodia - Helicopter Charter Services