ព័ត៌មានជាតិ

អាវុធហត្ថខេត្តព្រះសីហនុបញ្ជូនអតីតនាយរងសេនាធិការដ្ឋានកងអង្គរក្សនិងបក្ខពួក៣នាក់ទៅតុលាការ

បានផុស

៣ years មុន

នៅ

ថ្ងៃសុក្រ ៥ កុម្ភៈ ២០២១

ដោយ

មនុស្សចំនួន១០នាក់ដែលត្រូវបានសមត្ថកិច្ចកងរាជអាវុធហត្ថចាប់ខ្លួនពាក់ព័ន្ធបទចោទហិង្សាដោយចេតនាដែលប្រព្រឹត្តនៅភូមិគគី ឃុំបិតត្រាំង ស្រុកព្រៃនប់ កាលពីថ្ងៃទី០២ ខែកុម្ភៈ ឆ្នាំ២០២១នោះ សមត្ថកិច្ចកងរាជអាវុធហត្ថបានធ្វើការដោះលែងមនុស្សចំនួន៦នាក់ឲ្យមានសេរីភាពវិញហើយក្រោយបញ្ចប់ការសាកសួរ គឺមានតែមនុស្សចំនួន៤នាក់ប៉ុណ្ណោះ ដែលសមត្ថកិច្ចកងរាជអាវុធហត្ថសម្រេចធ្វើការចោទប្រកាន់ពីបទ ប្រើអំពើហិង្សា ដោយចេតនា និងប្រើប្រាស់អាវុធដោយខុសច្បាប់ រួមនឹងករណីគំរាមកំហែងថានិងសម្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់សង្ស័យចំនួន៤នាក់ រួមមាន .១/ ឈ្មោះ គុយ ស៊ុន ភេទប្រុស អាយុ៥៣ឆ្នាំជនជាតិខ្មែរ អតីតៈនាយរងសេនាធិការដ្ឋានកងអង្គរក្ស ត្រូវបានធ្វើការចោទប្រកាន់ចំនួន២បទល្មើស គឺហិង្សាដោយចេតនា និងប្រើប្រាស់អាវុធដោយខុសច្បាប់។ ទី២/ ឈ្មោះ ស៊ាង វណ្ណី ភេទប្រុស អាយុ៤០ឆ្នាំ ជនជាតិខ្មែរ មុខរបរគ្រូបង្រៀន ជាប់ចោទពីបទគំរាមកំហែងថានិងសម្លាប់។ ៣/ ឈ្មោះ ថឿន សុថួន ភេទប្រុស អាយុ៣៣ឆ្នាំ ជនជាតិខ្មែរមុខរបរបើកបរជាប់ចោទហិង្សាដោយចេតនា។ ៤/ ឈ្មោះ ហម រ៉ា ភេទប្រុស អាយុ៤២ឆ្នាំ ជនជាតិខ្មែរ មុខរបរកម្មករវាយថ្ម ជាប់ចោទហិង្សាដោយចេតនា។

បច្ចុប្បន្ន ជនជាប់សង្ស័យចំនួន៤នាក់ខាងលើ រួមនឹងវត្ថុតាង .រថយន្តម៉ាកស៊ីណា ពណ៌ត្រេអ៊ី ពាក់ស្លាកលេខ ខ.ម ចំនួន០១គ្រឿង- ប័ណ្ណសំគាល់យានយន្ត ចំនួន០១សន្លឹក- ម៉ូតូ ចំនួន០៣គ្រឿង – ទូរស័ព្ទដៃចំនួន០៣គ្រឿង – អាវុធខ្លី ម៉ាក K៥៤ ចំនួន០១ដើម , បង់០១,គ្រាប់០៨ .ត្រូវបានកម្លាំងការិយាល័យព្រហ្មទណ្ឌ មន្ទីរស្រាវជ្រាវនិងបង្ក្រាបបទល្មើស កងរាជអាវុធហត្ថខេត្តព្រះសីហនុកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនិតិវិធីច្បាប់ នៅរសៀលថ្ងៃទី០៤ ខែកុម្ភៈឆ្នាំ២០២១នេះហើយ។

គួរបញ្ជាក់ថា ជនជាប់សង្ស័យខាងលើនេះ រួមនឹងបក្ខពួកត្រូវកម្លាំងសមត្ថកិច្ចកងរាជអាវុធហត្ថខេត្តព្រះសីហនុចាប់ឃាត់ខ្លួននាព្រឹកថ្ងៃទី០២ខែកុម្ភៈ ឆ្នាំ២០២១ ពាក់ព័ន្ធបទចោទប្រើអំពើហិង្សាដោយចេតនាក្រោយពេលមន្ត្រីអាជ្ញាសាលាចុះអនុវត្តប្រកាស់ដីការសម្រេចចាត់ចែងបណ្តោះអាសន្នរបស់សាលាដំបូងខេត្តព្រះសីហនុ លេខ៦០៤ ចុះថ្ងៃទី៩ ខែកញ្ញា ឆ្នាំ២០២០ លើទីតាំង ដីទំនាស់មួយកន្លែងស្ថិតក្នុងភូមិគគី ឃុំបិទត្រាំង ស្រុកព្រៃនប់ ទំហ៊ំប្រមាណជាង២០ហិកតា ដែលមានម្ចាស់បំណុលក្រុមហ៊ុន (ហ្វូហាយអ៊ីនវេស មែនខនស្រា្តក់សិន)។ ដោយការចាប់ខ្លួនធ្វើឡើងតាមបណ្តឹង របស់ឈ្មោះ ផល សុភ័ណ្ឌ ភេទប្រុស អាយុ២៨ឆ្នាំជនជាតិ ខ្មែរមុខរបរអ្នកយាមដីឲ្យក្រុមហ៊ុន ហ្វូហាយ៕

អត្ថបទ ៖ កោះពស់

Related Topics:ខេត្តព្រះសីហនុ