ថ្នាក់ដឹកនាំ​សាលាដំបូង​ខេត្តតាកែវ ជំរុញ​មន្ត្រី​ក្រោម​ឳ​វាទ​ត្រូវ​ពន្លឿន​និង​ដោះស្រាយ​សំណុំរឿង​កុំ​ឲ្យ​កកស្ទះ​
Connect with us
Helistar Cambodia - Helicopter Charter Services

ព័ត៌មានជាតិ

ថ្នាក់ដឹកនាំ​សាលាដំបូង​ខេត្តតាកែវ ជំរុញ​មន្ត្រី​ក្រោម​ឳ​វាទ​ត្រូវ​ពន្លឿន​និង​ដោះស្រាយ​សំណុំរឿង​កុំ​ឲ្យ​កកស្ទះ​

បានផុស

នៅ

បើទោះបីជា​យុទ្ធនាការ​ដោះស្រាយ​ការកកស្ទះ​សំណុំរឿង នៅតាម​សាលាដំបូង​រាជធានី​ខេត្ត​របស់​រដ្ឋមន្ត្រីក្រសួង​យុត្តិធម៌​ត្រូវបាន​បិទ​បញ្ចប់​យ៉ាងណា​ក៍ដោយ ក៏ព្រះរាជអាជ្ញា​អម​អយ្យការ​សាលា​ដំ​បូង​ខេត្ត​ និង​លោក​ប្រធានសាលាដំបូង​ខេត្តតាកែវ បាន​ក្រើនរំលឹក​ទៅដល់​ចៅក្រម ព្រះរាជអាជ្ញារង ក្រឡាបញ្ជី និង​មន្ត្រី​លេខាធិការដ្ឋាន​រដ្ឋបាល ត្រូវពន្លឿននិង​ដោះស្រាយ​សំណុំរឿង​កុំ​ឲ្យ​កកស្ទះ ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​នៅក្នុង​សន្និបាត​បូកសរុប​ការអនុវត្ត​ការងារ​ឆ្នាំ​២០២០ និង​លើក​ទិសដៅ​អនុវត្ត​ការងារ​បន្ត​ឆ្នាំ​២០២១​របស់​សាលាដំបូង និង​អយ្យការ​អម​សាលាដំបូង​ខេត្តតាកែវ នៅ​ព្រឹក​ថ្ងៃទី​០៤ ខែកុម្ភៈ ឆ្នាំ​២០២១​នេះ លោក ជីវ ចាន់តារា ព្រះរាជអាជ្ញា​អម​អយ្យការ​សាលាដំបូង​ខេត្ត បាន​មានប្រសាសន៍ថា កិច្ចការងារ​ពន្លឿ​ន និង​ដោះស្រាយ​សំណុះ​រឿង​មិន​ឲ្យ​មាន​ភាពយឺតយ៉ាវ ក៏ដូចជា​ឆាប់​បញ្ចប់​សំណុំ​រឿង​នីមួយៗ​ កុំ​ឲ្យ​នៅ​យូរ វា​ជា​តួនាទី​របស់​យើង ក្នុងនាម​ជា​ព្រះរាជអាជ្ញា ក្រឡាបញ្ជី រួមទាំង​មន្ត្រី​ពាក់ព័ន្ធ​ទាំងអស់ ធ្វើយ៉ាងណា​ឲ្យ​ការងារ​នេះ ក្លាយជា​ការងារ​ដែល​យើង​អនុវត្ត​ឲ្យ​បានជា​រៀង​រាល់​ថ្ងៃ និង​ឆាប់រហ័ស ពោលគឺ​ជំនុំជម្រះ​រឿងក្តី​ឲ្យ​បាន​ចប់​សព្វ។​

លោក ជីវ ចាន់​តារា បាន​បន្តថា ការអនុវត្ត​កិច្ចការងារ​លើ​ការ​ពន្លឿន​ និង​ដោះស្រាយ​សំណុំរឿង​កុំ​ឲ្យ​កកស្ទះ​នេះ សូម​ឲ្យ​អ្នកពាក់ព័ន្ធ​ទាំងអស់គ្នា យកចិត្តទុកដាក់​អនុវត្ត​ឲ្យ​បានល្អ ក្នុង​ស្មារតី​ទទួល​ខុស​ត្រូវ​និង​ម្ចាស់ការ ដើម្បី​ឲ្យ​ការងារ​របស់​យើង​បាន​ពន្លឿន ដោះស្រាយ​សំណុំរឿង ប្រកបដោយ​ភាព​ត្រឹមត្រូវ យុត្តិធម៌ តម្លាភាព​ចំពោះ​ភាគី​ដើមបណ្ដឹង​និង​ចុង​បណ្ដឹង​។ ជាមួយគ្នានេះដែរ លោក​ក៏បាន​ណែនាំ​បន្ថែមទៀត​ទៅដល់ ព្រះរាជអាជ្ញារង ក្រឡាបញ្ជី និង​មន្ត្រី​ទាំងអស់​ដែល​បម្រើការ​នៅ​សាលា​ដំបូង ត្រូវ​ប្រកាន់​ភ្ជាប់​នូវ​អកប្បកិរិយា​ថ្លៃថ្នូរ និង​មាន​ក្រមសីលធម៌​វិជ្ជាជីវៈ​ខ្ពស់ ទាំង​នៅក្នុងពេល​បំ​ពេញការងារ និង​នៅក្រៅ​ការងារ ព្រោះ​យើង​ម្នាក់ៗ​ជា​មន្ត្រីរាជការ ជា​អ្នកអនុវត្ត​ច្បាប់ ត្រូវ​ប្រកាន់​ភ្ជាប់​នូវ​សីលធម៌ និង​សេចក្តីថ្លៃថ្នូរ​ខ្ពស់ ។​

ក្នុងឱកាស​នោះដែរ លោក អ៊ាក ផល្លា ប្រធាន​សាលាដំបូង​ខេត្តតាកែវ ក៏បាន​ក្រើនរំលឹក ក៏ដូចជា​ណែនាំ​បន្ថែមទៀត​ផងដែរ ទៅដល់​ចៅក្រម ក្រឡាបញ្ជី ក៏ដូចជា​មន្ត្រី​នៅ​លេខាធិការដ្ឋាន​រដ្ឋបាល ត្រូវ​បម្រើសេវា​ជូន​ប្រជាពលរដ្ឋ​ដែលជា​ភាគី​កូនក្តី ឲ្យ​បាន​ត្រឹមត្រូវ​ទៅតាម​តួនាទី ឋានៈ​ដែល​ច្បាប់​បានកំណត់ ពិសេស​មិនត្រូវ​ធ្វើការ​ដោយ​ភាពលំអៀង​ជាដាច់ខាត ត្រូវធ្វើ​ដោយ​ស្មើ​ភាព ត្រឹមត្រូវ​តាម​នីតិវិធី​ច្បាប់​ជា​ធរមាន​៕

អត្ថបទ ៖ វីរៈ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services