ព័ត៌មានជាតិ
យន្តហោះចិននឹងដឹកវ៉ាក់សាំងស៊ីណូហ្វាមមកដល់កម្ពុជានៅរសៀលថ្ងៃស្អែកនេះហើយ
លោកស្រី ឱ វណ្ណឌីន រដ្ឋលេខាធិការ និងអ្នកនាំពាក្យក្រសួងសុខាភិបាលបានឲ្យដឹងថា វ៉ាក់សាំងកូវីដ១៩ ឈ្មោះ Beijing Institute of Biological Products ឈ្មោះ SINOPHARM នឹងដឹកមកដល់ប្រទេសកម្ពុជានៅរសៀលថ្ងៃទី០៧ខែកម្ភៈឆ្នាំ២០២១នេះហើយ ដើម្បីត្រៀមចាក់ជួនដល់ប្រជាពលរដ្ឋដែលជាក្រុមអាទិភាព។
លោកស្រីបានបន្តថាក្រសួងសុខាភិបាលបានត្រៀមខ្លួនរួចជាស្រេចហើយ ដើម្បីចាត់ចែងវ៉ាក់សាំងនេះដល់បងប្អូនប្រជាពលរដ្ឋ ដែលស្ថិតក្នុងក្រុមអាទិភាពដែលបានចុះឈ្មោះដោយស្ម័គ្រចិត្ត។
លោកស្រីបានបន្តទៀតថា ទន្ទឹមនឹងនេះក្រសួងក៏បានត្រៀមកន្លែងរក្សាទុកដាក់វ៉ាក់សាំងនេះរួចរាល់ផងដែរដែលអាចរក្សាសីតុណ្ហភាព២+២រហូតដល់+៨អង្សារសេដែលសមស្របតាមប្រព័ន្ធរបស់ក្រសួងសុខាភិបាលដែលមានស្រាប់។
លោកស្រីបានបន្ថែមថាមុននឹងចាប់ផ្តើមចាក់វ៉ាក់សាំងស៊ីណូហ្វាមនេះដល់ប្រជាពលរដ្ឋក្រសួងបានត្រៀមលក្ខណៈគ្រប់ជ្រុងជ្រោយស្របទៅតាមលក្ខណៈបច្ចេកទេសពិសេសអនុវត្តទៅតាមគោលការណ៍ណែនាំពីប្រទេសចិនដែលបានកំណត់ថា វ៉ាក់សាំងនេះអាចចាក់ទៅលើក្រុមមនុស្សដែលមានអាយុចាប់ពី១៨ឆ្នាំដល់៥៩ឆ្នាំប៉ុណ្ណោះ។ ចំណែកក្រុមមនុស្ស ដែលមានអាយុលើសពី៦០ឆ្នាំឡើងទៅមិនអាចទទួលបានវ៉ាក់សាំងនេះទេ។
លោកស្រីបានបញ្ជាក់ថា បច្ចុប្បន្ននេះវ៉ាក់សាំងស៊ីណូហ្វាមនេះ ត្រូវបានប្រើប្រាស់នៅលើពិភពលោកចំនួន២២៣លានដូសរួចហើយក្នុងនោះនៅប្រទេសចិន១០លានដូស ប៉ាគីស្ថានទិញ៦០លានដូស ប្រទេសមជ្ឈិមបូពា៥៧លានដូសឥណ្ឌូនេស៊ី៦០លានដូសនិងបណ្តាប្រទេសផ្សេងៗទៀត។
លោកស្រីបានឲ្យដឹងទៀតថា រហូតមកដល់ពេលនេះនៅមិនទាន់មានផលប៉ះពាល់ជាលក្ខណៈអ្វីធំដុំនៅឡើយទេបន្ទាប់ពីបានប្រើវ៉ាក់សាំងនេះរួចមក។
រដ្ឋាភិបាលចិននឹងផ្តល់វ៉ាក់សាំងស៊ីណូហ្វាមដល់កម្ពុជាចំនួន១លានដូស ក្នុងនោះ៦០ម៉ឺនដូសនឹងដឹលមកដល់កម្ពុជានៅរសៀលថ្ងៃទី៧ខែកម្ភៈឆ្នា២០២១ស្អែកនេះដោយអញ្ជើញទៅទទួលដោយផ្ទាល់ពីសម្តេចតេជោនាយករដ្ឋមន្ត្រីហ៊ុនសែន។
បើតាមសម្ដេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិបានបញ្ជាក់ថា ក្នុងចំណោមវ៉ាក់សាំងចំនួន៦០ម៉ឺនដូសនោះនឹងត្រូវបានបែងចែកទៅខាងកងទ័ពចំនួន៣០ម៉ឺនដូស និងខាងក្រសួងសុខាភិបាលចំនួន៣០ម៉ឺនដូស៕
សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»