ព័ត៌មានជាតិ
អតីតសិស្ស៥នាក់ដែលរងបណ្តឹងពីនាយកវិទ្យាល័យឈើទាលជ្រុំ អាចនឹងទៅបំភ្លឺនៅសាលាដំបូងខេត្តថ្ងៃទី០៩កុម្ភៈ
អតិតសិស្ស៥នាក់ ដែលកំពុងរងពាក្យបណ្តឹងពីនាយកសាលាវិទ្យាល័យឈើទាលជ្រុំ ឃុំក្រាំងលាវ ស្រុកបាទី ខេត្តតាកែវ អាចនឹងត្រូវមានវត្តមានទៅបំភ្លឺក្តីនៅសាលាដំបូងខេត្តតាកែវ នៅថ្ងៃទី០៩ ខែកុម្ភៈ ឆ្នាំ២០២១ ស្អែកនេះ តាមពាក្យបណ្តឹងពីលោក ប៉ាន់ ពុទ្ធារ៉ា នាយកវិទ្យាល័យឈើទាលជ្រុំ ពីបទបរិហាកេរ្តិ៍ជាសាធារណៈ បន្ទាប់ពីអតីតសិស្សទាំងនេះចូលទៅសរសេរសារបញ្ចេញមតិរិះគន់លើវីដេអូផឹកស្រាបៀរដែលបង្ហោះលើហ្វេសប៊ុក។
លោក សន សារិត ដែលជាម្ចាស់គណនេយ្យហ្វេសប៊ុកឈ្មោះ «Sorn Sarith» ដែលបានបញ្ចេញវីដេអូ នាយកវិទ្យាល័យឈើទាល់ជ្រុំហូបគ្រឿងស្រុវឹងកាលពីពេលកន្លងទៅនោះ បានឲ្យដឹងនៅព្រឹកថ្ងៃទី០៨ ខែកុម្ភៈ ឆ្នាំ២០២១នេះថា សំណុំរឿងនេះបានទៅដល់ដៃតុលាការហើយ ហើយបើតាមដឹងអតីតសិស្សទាំង៥នាក់នោះ អាចនឹងត្រូវទៅបំភ្លឺនៅសាលាដំបូងខេត្តតាកែវនៅថ្ងៃទី០៩ ស្អែកនេះ។ លោកបញ្ជាក់ថា មានតែធ្វើបែបនេះទេ ព្រោះពួកគាត់ទាំង៥នាក់មិនបានចូលខ្លួនមកដោះស្រាយនៅសាលារៀន ក៏ដូចជានៅប៉ុស្តិ៍រដ្ឋបាលឃុំ។
សូមរំលឹកថា កាលពីថ្ងៃទី០៨ ខែមករា ឆ្នាំ២០២១ មានវីដេអូបង្ហាញពីសកម្មភាពផឹកស្រាបៀរមួយឃ្លីប ត្រូវបានបង្ហោះលើគណនេយ្យហ្វេសប៊ុកឈ្មោះ «Sorn Sarith» ដែលគេស្គាល់ថាជានាយករងវិទ្យាល័យឈើទាលជ្រុំ ដោយមានការច្រៀងលេងកម្សាន្តផងនោះ ត្រូវបានម្ចាស់គណនេយ្យបង្ហោះដោយសរសេររៀបរាប់ថា «សូមបងប្អូន សណ្តាប់កម្សាន្ត! ច្រៀងដោយបង ធារ៉ា ( ថ្ងៃសម្រាកម្សឹលមិញ ០៧ មករា ២០២១). ពិរោះទេបងប្អូន មិត្តទាំងអស់គ្នា! សុំ Like ម្នាក់មួយមកបាទ»។
បន្ទាប់ពីវីដេអូនេះត្រូវបានបង្ហោះចេញ មានអតីតសិស្សដែលធ្លាប់រៀននៅវិទ្យាល័យនេះ បានចូលទៅសរសេរបញ្ចេញមតិយោបល់បង្ហាញពីការមិនពេញចិត្តចំពោះការបង្ហាញសកម្មភាពផឹកស៊ីជាសាធារណៈរបស់ថ្នាក់ដឹកនាំវិទ្យាល័យ។ ជាពិសេសបានសំដៅចំលើនាយកវិទ្យាល័យឈើទាល់ជ្រុំតែម្តង។ ក្រោយឃើញសារសរសេររិះគន់មកលើសកម្មភាពផឹកស៊ីរបស់ខ្លួន លោក ប៉ាន់ ពុទ្ធារ៉ា បានដាក់ពាក្យបណ្តឹងយុវជន៥រូប ដែលគេស្គាល់ថាជាអតីតសិស្សនៅវិទ្យាល័យមួយនេះទៅតុលាការ ពីបទបរិហាកេរ្តិ៍ជាសាធារណៈ បើទោះបីជាពួកគេបានលុបសារសរសេររិះគន់នោះចេញវិញយ៉ាងណាក៏ដោយ។
ករណីនេះដែរ តំណាងអយ្យការអមសាលាដំបូងខេត្តតាកែវ លោក ទេព មុនិន្ទ បានកោះហៅអតីតសិស្សទាំង៥រូបនេះ ឲ្យចូលបំភ្លឺកាលពីថ្ងៃទី០២ ខែកុម្ភៈ កន្លងទៅនេះម្តងហើយ តែត្រូវបានក្រុមមេធាវីដែលស្ម័គ្រចិត្តការពារក្តីឲ្យសិស្សទាំង៥រូបនេះ ដាក់ពាក្យសុំពន្យារពេល៕
អត្ថបទ ៖ វីរៈ
តេក្វាន់ដូITFកម្ពុជា រៀបចំការប្រកួតវិញ្ញាសាមេគុនតាមអនឡាញជាលើកដំបូង
ផ្ទុះអាវុធនៅកណ្តាលក្រុងព្រះសីហនុ៥គ្រាប់ សមត្ថកិច្ចចាប់ឃាត់ខ្លួនមនុស្សចំនួន៣នាក់
សម្តេចសខេងណែនាំឱ្យអភិបាលរាជធានីខេត្តសហការជាមួយគ.ជ.បក្នុងការពិនិត្យបញ្ជីឈ្មោះនិងការចុះឈ្មោះបោះឆ្នោតឆ្នាំ២០២១
ប្រជាពលរដ្ឋ៣ភូមិនៅសង្កាត់បឹងសាឡាងទទួលបានអំណោយពីសម្តេចទាំងទ្វេ ខណៈបិទខ្ទប់យកសំណាក
រដ្ឋបាលខេត្តស្ទឹងត្រែងរកឃើញកូវីដ១៩ បំប្លែងថ្មី(Delta)ចំនួន ២នាក់
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
សុខភាព៥ ថ្ងៃ មុនតើការចាក់វ៉ាក់សាំងដូសទី៣ នឹងត្រូវឃ្លាតយូរប៉ុណ្ណា ក្រោយចាក់ដូសទី២រួចរាល់?
-
សុខភាព៣ ថ្ងៃ មុនប្រុងប្រយ័ត្ន! មនុស្ស៤ប្រភេទនេះ ងាយឆ្លងវីរុស Delta ខ្លាំងបំផុត
-
KPT+១ សប្តាហ៍ មុនមុនចង់បង្ហោះកាតចាក់វ៉ាក់សាំងកូវីដ-១៩ នៅលើបណ្ដាញសង្គម អានផលពិបាកទាំងនេះសិន
-
ព័ត៌មានខ្លីៗ១ សប្តាហ៍ មុនសេចក្តីសម្រេច ប្រកាសហាមឃាត់ការជួបជុំផឹកស៊ីគ្រឿងស្រវឹងទូទាំងប្រទេស
-
ព័ត៌មានខ្លីៗ១ សប្តាហ៍ មុនឃាត់ខ្លួនជនជាតិថៃ ១២នាក់ ដែលបម្រុងលួចឆ្លងដែន មកធ្វើការនៅកម្ពុជា
-
ព័ត៌មានខ្លីៗ៧ ថ្ងៃ មុនលិខិតព្រមព្រៀងបញ្ជាក់ច្បាស់ពីលក្ខខណ្ឌកុមារមិនអាចចាក់វ៉ាក់សាំងកូវីដបាន
-
ព័ត៌មានខ្លីៗ១ សប្តាហ៍ មុនប្រកាសតែងតាំងជាផ្លូវការ អភិបាលក្រុងបូកគោបង្កើតថ្មី គឺជាស្រ្តី
-
ព័ត៌មានខ្លីៗ៤ ថ្ងៃ មុនកម្ពុជារកឃើញ វិរុសបំប្លែងខ្លួនថ្មីលើពលរដ្ឋ ១០៩ នាក់
