ព័ត៌មានជាតិ
ស្នាក់នៅ Eden Beach Resort គឺជាជម្រើសដ៏ល្អបំផុត សម្រាប់អ្នកកម្សាន្តនៅ កោះរ៉ុងសន្លឹម
ជាមួយសម្រស់ទេសភាពដ៏ស្រស់ត្រកាល នៃឆ្នេរសមុទ្រដ៏ស្រស់ស្អាត មិនចាញ់តំបន់ទេសចរណ៍ល្បឺៗ នៅក្នុងតំបន់ និងនៅលើពិភពលោក កោះរ៉ុងសន្លឹម របស់ប្រទេសកម្ពុជាបានក្លាយទៅជាគោលដៅទេសចរណ៍ដ៏ពេញនិយម សម្រាប់ប្រជាជនកម្ពុជា ក៏ដូចជាភ្ញៀវទេសចរណ៍បរទេស ផងដែរ ជាពេលបច្ចុប្បន្ន។
សម្រាប់លោកអ្នកដែលមានគម្រោងសម្រាកលំហែកាយ នៅលើកោះរ៉ុងសន្លឹម នាពេលចុងសប្ដាហ៍ ឬនៅថ្ងៃឈប់សម្រាកនៃពិធីបុណ្យផ្សេងៗ។ ថ្ងៃនេះ កម្ពុជាថ្មី សូមណែនាំជូនលោកអ្នក នូវទីកន្លែងស្នាក់នៅដ៏ល្អសាកសមបំផុត ទើបបើកថ្មីមួយកន្លែង ដែលមានឈ្មោះថា “Eden Beach Resort”។
ហេតុអ្វីបានជា “Eden Beach Resort” គឺជាជម្រើសដ៏ល្អបំផុត?
មានកន្លែងស្នាក់នៅជាច្រើន នៅលើកោះរ៉ុងសន្លឹម តែ “Eden Beach Resort” គឺជាជម្រើសដ៏ល្អ បើយោងទៅលើតម្លៃនៃការស្នាក់នៅ, សេវាកម្ម និងភាពសម្បូរបែប ដែលផ្ដល់ជូនសម្រាប់ភ្ញៀវ ដែលអញ្ជើញមកស្នាក់នៅ។ មានទីតាំងប្របនឹងឆ្នេរសមុទ្រ Eden Beach Resort ហាក់ដូចលេចត្រដែត ទាក់ទាញភ្នែកអ្នកផងទាំងពួង ដោយសារតែស្ថាបត្យកម្ម មានការរចនាខុសប្លែកពីគេ អមដោយការតុបតែងស្របទៅតាមការពេញនិយម និងនិន្នាការនានៃការអភិវឌ្ឍន៍នាពេលបច្ចុប្បន្ន។
ទើបតែបើកដំណើរការមែនពិត តែ Eden Beach Resort ទទួលបានការគាំទ្រយ៉ាងច្រើនពីភ្ញៀវក្នុងស្រុកនាពេលបច្ចុប្បន្ននេះ ដោយសារតែមានតម្លៃស្នាក់នៅសមរម្យបំផុត អាចទទួលយកបាន នៅក្នុងចំណោមកន្លែងស្នាក់នៅផ្សេងៗទៀត នៅលើកោះមួយនេះ។
គ្រប់បន្ទប់ទាំងអស់ សុទ្ធតែបំពាក់ទៅដោយសម្ភារៈថ្មីៗ ទំនើបៗ មានដូចជា ទូរទស្សន៍ LED ដែលអាចទស្សនាបានគ្រប់ប៉ុស្តិ៍, ទឹកដៅទឹកត្រជាក់, មីនីបា, ទូសុវត្ថិភាព, ទូព្យួរខោអាវ, ប្រព័ន្ធអ៊ឺនធើណែតល្បឿនលឿន។ល។ ដែលមិនចាញ់សណ្ឋាគារលំដាប់ផ្កាយឡើយ។
បន្ថែមពីលើនេះទៅទៀតនោះ Eden Beach Resort មានអាងហែលទឹក ដែលមើលឃើញទេសភាពមាត់សមុទ្រ សម្រាប់ភ្ញៀវងូតលេងកម្សាន្ត បន្ទាប់ពីងូតទឹកសមុទ្ររួចផងដែរ។ មិនឆ្ងាយពីអាងហែលទឹក មានខ្ចុះ និងកៅអីសម្រាប់សម្រាកលំហែកាយស្ដាប់សំឡេងទឹកសមុទ្រ និងស្រូបយកខ្យល់បរិសុទ្ធនៃមាត់សមុទ្រ បកមករំភើយមិនដាច់គ្រប់ពេល ផងដែរ។
ជាមួយភាពរួសរាយរាក់ទាក់ របស់បុគ្គលិកនៅ Eden Beach Resort ភ្ញៀវដែលអញ្ជើញមកស្នាក់នៅ អាចទទួលបានការសេវាកម្មកម្សាន្តផ្សេងៗ ដូចជាការៀបចំអាហារពេលល្ងាចនៅអាងហែលទឹក (Pool Party) ឬនៅលើឆ្នេរខ្សាច់មាត់សមុទ្រ, ការរៀបចំសម្រាប់គូស្នេហ៍មកក្រេបទឹកឃ្មុំ, ការរៀបចំជិះទូកកម្សាន្តទៅឆ្នេរផ្សេងៗទៀតនៅជុំវិញកោះ ស្ទូចត្រី មើលផ្កាថ្ម និងមើលផ្លេនតុន ជាដើម។
ដំណើរកម្សាន្តមកកាន់កោះរ៉ុងសន្លឹម របស់លោកអ្នកនឹងកាន់តែមានភាពសប្បាយរីករាយជាមួយការស្នាក់នៅ Eden Beach Resort។ សូមទំនាក់ទំនងមកកាន់លេង 071 5222 610 ឬ 071 5222 611 សម្រាប់ការកក់បន្ទប់ និងព័ត៌មានលម្អិតផ្សេងៗទៀត៕
អត្ថបទពាណិជ្ជកម្ម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)