ព័ត៌មានជាតិ
លោកជា ចាន់តូ ណែនាំដល់ពលរដ្ឋត្រូវថែរក្សាការពារសុខសន្តិភាពនិងស្ថេរភាពនយោបាយឲ្យបានគង់វង្ស
លោក ជា ចាន់តូ សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជានិងប្រធានក្រុមការងារថ្នាក់ជាតិចុះជួយស្រុកស្ទោងបានណែនាំដល់ប្រជាជាតិខ្មែរត្រូវនាំគ្នាថែរក្សាការពារសុខ សន្តិភាពនិងស្ថេរភាពនយោបាយឲ្យបានស្ថិតស្ថេរនិងគង់វង្សដើម្បីរួមគ្នាបន្តអភិវឌ្ឍន៍ប្រទេសជាតិយើងទទួលបានការរីកចម្រើនថ្មីៗបន្ថែមទៀត។
លោក ជា ចាន់តូ បានមានប្រសាសន៍នៅក្នុងឱកាសដែលលោកអញ្ជើញជាអធិបតីភាពក្នុងពិធីផ្សព្វផ្សាយខ្លឹមសាររបាយការណ៍របស់គណអចិន្ត្រៃយ៍នៃគណកម្មាធិការកណ្ដាលស្ដីពីសភាពការណ៍ទូទៅនិងការងារបក្សឆ្នាំ២០២០និងទិសដៅភារកិច្ចឆ្នាំ២០២១ដល់ថ្នាក់ដឹកនាំមន្ត្រីថ្នាក់ស្រុក ឃុំ និងក្រុមយុវជនគណបក្សទូទាំងស្រុកស្ទោងថា«កាលណាយើងមានការសាមគ្គីភាព ការឯកភាពគ្នាជាធ្លុងមួយនិងមានសុខសន្តិភាពហើយគឺយើងពិតជាមានលទ្ធភាពគ្រប់គ្រាន់សម្រាប់ការអភិវឌ្ឍប្រទេស។ ដូចនេះសុខសន្តិភាពនិងកក្តាសាមគ្គីភាពមានតម្លៃធំធេងណាស់ជាងអ្វីៗទាំងអស់ដែលត្រូវរួមគ្នាថែរក្សាការពារឲ្យគង់វង្ស»។
លោក ជា ចាន់តូ បានលើកឡើងទៀតថា «អ្វីដែលកាន់តែកោតសរសើរទៀតនោះនៅក្នុងស្ថានភាពដែលកម្ពុជាខិតខំការពារទប់ស្កាត់ការរីករាលដាលនៃជំងឺកូវីដ១៩ទោះបីកម្ពុជាជួបករណីខ្លះៗពិតមែនប៉ុន្តែចំនួននេះតិចតួចណាស់បើប្រៀបធៀបនឹងប្រទេសជិតខាងនិងពិភពលោកទាំងមូល»។
លោកបានបន្ថែមទៀតថា កក្តានេះបានមកដោយសារប្រជាជនយើងម្នាក់ៗសុទ្ធតែមានស្មារតីសាមគ្គីភាពនិងមានការចូលរួមព្រមគ្នាៗព្រមទាំងមានការយល់ដឹងច្បាស់ចេះទទួលយកតាមការអំពាវនាវរបស់ប្រមុខរាជរដ្ឋាភិបាលនិងការណែនាំរបស់ក្រសួងសុខាភិបាល។
លោកបានបញ្ជាក់ថា នៅក្នុងឆ្នាំ២០២០កន្លងទៅនេះ ទោះបីកម្ពុជាទទួលរងនូវវិបត្តិសកលនេះយ៉ាងណាក៏ដោយក៏កម្ពុជានៅតែសម្រេចបាននូវសមិទ្ធផលជាផ្លែផ្កាច្រើនដដែលដូចជាការរក្សាបានស្ថេរភាពនយោបាយ សុខសន្តិភាព ការរក្សាបានស្ថេរភាពម៉ាក្រូសេដ្ឋកិច្ចនិងអតិផរណា, ការរក្សាតម្លៃប្រាក់រៀលនិងតម្លៃទំនិញជាដើម»។
លោកបានបញ្ជាក់ថា«ជារួម រាល់សមិទ្ធផលដែលកម្ពុជាសម្រេចបានកន្លងមកពិសេសក្នុងឆ្នាំ២០២០ដែលជាឆ្នាំដ៏លំបាកដោយការរីករាលដាលនៃជំងឺកូវីដ១៩តែកម្ពុជានៅតែរក្សាបានល្អ។ដូចនេះយើងជាប្រជាជាតិខ្មែរត្រូវនាំគ្នាថែរក្សាការពារសុខសន្តិភាព និងស្ថេរភាពនយោបាយឲ្យបានស្ថិតស្ថេរនិងគង់វង្សដើម្បីរួមគ្នាបន្តអភិវឌ្ឍន៍ប្រទេសជាតិយើង ឲ្យទទួលបានការរីកចម្រើនថ្មីៗបន្ថែមទៀត»។
ទោះជាយ៉ាងនេះក៏ដោយលោកបានអំពាវនាវឲ្យមន្ត្រីថ្នាក់មូលដ្ឋានគ្រប់លំដាប់ថ្នាក់ត្រូវបន្តការខិតខំបម្រើនិងផ្ដល់សេវាសាធារណៈជូនប្រជាជនឲ្យបានល្អសក្តិសមជាអ្នកបម្រើប្រជាជនពិតៗហើយត្រូវលះបង់ភាពឆ្មើងឆ្មៃនៅក្នុងការបំពេញការងារ។
ជាមួយនេះដែរលោក ជា ចាន់តូក៏បានជំរុញដល់ថ្នាក់ដឹកនាំស្រុក ឃុំយកចិត្តទុកដាក់លើកការពង្រីកនិងកសាងកម្លាំងយុវជនដែលជាអ្នកបន្តវេនផងដែរក្នុងនោះត្រូវផ្ដល់អាទិភាពដល់កម្លាំងយុវជនជាស្ត្រីឲ្យបានច្រើន៕
អត្ថបទ ៖ សំអឿន
តុលាការឧក្រិដ្ឋកម្មទីក្រុងបាងកក កាត់ទោសមនុស្សជិត ៧០នាក់ពាក់ព័ន្ធនឹងការតវ៉ាដ៏ធំ កាលពីឆ្នាំ ២០០៨
រដ្ឋបាលខណ្ឌប្ញស្សីកែវ ឆ្លើយតបចំពោះការផ្សព្វផ្សាយព័ត៌មានមិនពិត ប៉ះពាល់ដល់រដ្ឋបាលខណ្ឌ
អភិបាលរងខេត្តស្វាយរៀងថា ធនធានមនុស្សជំនាញ ជួយជំរុញទាក់ទាញដល់អ្នកវិនិយោគ
កម្ពុជា នឹងកែក្រមទាំង៤ឡើងវិញឱ្យត្រូវនឹងបញ្ហាសង្គមបច្ចុប្បន្ន ដោយប្រើកូនខ្មែរសុទ្ធសាធ លែងពឹងបរទេស
បារាំង សុំជំនួយប៉ូលិសបរទេសជាង ២ ពាន់នាក់ មកជួយធានាសន្តិសុខព្រឹត្តិការណ៍កីឡាអូឡាំពិក
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១ សប្តាហ៍ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៤ ថ្ងៃ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore