ច្បាប់​ស្តី​ពី​យុត្តិធម៌​អនីតិជន មាន​សារៈសំខាន់​ណាស់​សម្រាប់​ប្រែក្លាយ​ពួកគេ​ទៅជា​ពលរដ្ឋ​ល្អ​ក្នុងសង្គម – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ច្បាប់​ស្តី​ពី​យុត្តិធម៌​អនីតិជន មាន​សារៈសំខាន់​ណាស់​សម្រាប់​ប្រែក្លាយ​ពួកគេ​ទៅជា​ពលរដ្ឋ​ល្អ​ក្នុងសង្គម

Published

on

កណ្តាល ៖ ​លោក​រដ្ឋមន្ដ្រី​ក្រសួង​សង្គមកិច្ច អតីតយុទ្ធជន និង​យុវនីតិសម្បទា បាន​ថ្លែង​ថា ច្បាប់​ស្តីពី​យុត្តិធម៌​អនីតិជន ត្រូវបាន​ប្រកាស​ដាក់​ឲ្យ​អនុវត្ត​កាលពី​ខែកក្កដា ឆ្នាំ​២០១៦​។ ច្បាប់​នេះ គឺជា​ឧបករណ៍​ដ៏​មាន​សារៈសំខាន់ ដែល​មិន​ត្រឹមតែ​ផ្តល់​ការយល់ដឹង និង​ការអនុវត្ត​ឱ្យ​កាន់តែ​ប្រសើរ​ឡើង​របស់​មន្ត្រី​តុលាការ និង​មន្ត្រី​អនុវត្ត​ច្បាប់ ក្នុង​កិច្ចការពារ និង​គ្រប់គ្រង​វិស័យ​យុត្តិធម៌ ព្រហ្មទណ្ឌ សម្រាប់​អនីតិជន​ប៉ុណ្ណោះ​ទេ ច្បាប់​នេះ​ក៏បាន​គិតគូរ​ពី​វិធានការ​ទាំងឡាយ ដែល​ទាក់ទង​នឹង​ការ​ស្តារនីតិសម្បទា និង​សមាហរណកម្ម​ពួកគេ​ទៅក្នុង​សហគមន៍​វិញ ក្នុង​គោលបំណង​ប្រែក្លាយ​ពួកគេ​ទៅជា​ពលរដ្ឋ​ល្អ​ក្នុងសង្គម​។

លោក​រដ្ឋមន្ត្រី វង សូត​ថ្លែង​បែបនេះ​ក្នុង​ពេល​ដឹកនាំ​មន្ត្រី​ជាច្រើនរូប​ចុះ​ត្រួតពិនិត្យ​មើល​ពី​ដំណើរការ​សាងសង់​មណ្ឌល​យុវនីតិសម្បទា ថ្មីៗ​នេះ​ដើម្បី​ត្រៀម​រៀបចំ​បើក​ដំណើរ​ការផ្លាស់​អនីតិជន​ល្មើស​នឹង​ច្បាប់ ដែល​កំពុងស្នាក់នៅ​តាម​ពន្ធនាគារ ឱ្យមក​រស់នៅ​ដាច់ដោយឡែក​នៅ​មណ្ឌល​នេះ​វិញ​។ មណ្ឌល​យុវ​នីតិសម្បទា​ដែល​កំពុង​សាងសង់​នាពេលនេះ គឺមាន​ទីតាំងនៅ​ឃុំ​បា​គូរ ស្រុក​កណ្ដាលស្ទឹង ខេត្តកណ្ដាល​។

លោក​រដ្ឋមន្ត្រី​បានឱ្យ​ដឹង​ថា មណ្ឌល​យុវនីតិសម្បទា មាន​តួនាទី​យ៉ាងសំខាន់​ក្នុងការ​គ្រប់គ្រង​អនីតិជន ក្នុងការ​ផ្តល់នូវ​ការអប់រំ ការបណ្តុះបណ្តាល​វិជ្ជាជីវៈ ការអប់រំ​ចិត្តសាស្ត្រ ការ​ព្យាបាល ការថែទាំ ការការពារ និង​ជួយ​ឱ្យ​អនីតិជន ក្លាយជា​ពលរដ្ឋ​សុច្ចរិត និង​មាន​ប្រយោជន៍​សម្រាប់​សង្គមជាតិ​។

លោក​រដ្ឋមន្ត្រី បាន​បញ្ជាក់​ឱ្យដឹងទៀត​ថា ច្បាប់​ស្តីពី​យុត្តិធម៌​អនីតិជន ត្រូវបាន​ប្រកាស​ដាក់ឱ្យ​អនុវត្ត​កាលពី​ខែកក្កដា ឆ្នាំ​២០១៦​។ ច្បាប់​នេះ គឺជា​ឧបករណ៍​ដ៏​មាន​សារៈសំខាន់ ដែល​មិន​ត្រឹមតែ​ផ្តល់​ការយល់ដឹង និង​ការអនុវត្ត​ឱ្យ​កាន់តែ​ប្រសើរឡើង​របស់​មន្ត្រី​តុលាការ និង​មន្ត្រី​អនុវត្ត​ច្បាប់ ក្នុង​កិច្ចការពារ និង​គ្រប់គ្រង​វិស័យ​យុត្តិធម៌ ព្រហ្មទណ្ឌ សម្រាប់​អនីតិជន​ប៉ុណ្ណោះ​ទេ ច្បាប់​នេះ​ក៏បាន​គិតគូរ​ពី​វិធានការ​ទាំងឡាយ ដែល​ទាក់ទង​នឹង​ការ​ស្តារនីតិសម្បទា និង​សមាហរណកម្ម​ពួកគេ​ទៅក្នុង​សហគមន៍​វិញ ក្នុង​គោលបំណង​ប្រែក្លាយ​ពួកគេ​ទៅជា​ពលរដ្ឋ​ល្អ​ក្នុងសង្គម​។

បើ​យោង​តាម​ជំពូក​ទី​១៣ មាត្រា​ទី​៧៦ នៃ​ច្បាប់​ស្តីពី​យុត្តិធម៌​អនីតិជន បានចង្អុលបង្ហាញ​ថា ក្រសួង​ទទួលបន្ទុក​វិស័យ​សង្គមកិច្ច ត្រូវបង្កើត​ឱ្យមាន​មណ្ឌល​យុវនីតិសម្បទា នៅតាម​រាជធានី​-​ខេត្ត សម្រាប់​គ្រប់គ្រង​អនីតិជន​។

លោក ឌី​ន បូរី ប្រធាន​នាយកដ្ឋាន​យុវនីតិសម្បទា នៃ​ក្រសួង​សង្គមកិច្ច​បានលើកឡើង​បញ្ជាក់ថា មណ្ឌល​យុវនីតិសម្បទា មកទល់ពេលនេះ​សម្រេចបាន​ប្រមាណ​៨០% ហើយ​អាច​បញ្ចប់​ការសាងសង់​ក្នុង​កំឡុង​ខែមីនា និង​អាច​ចាប់ផ្ដើម​ដំណើរការ​ក្នុងពេល​ឆាប់ៗ​។ លោក​បាន​បន្តថា នេះ​ជា​លើក​ទី​១ ដែល​កម្ពុជា​សាងសង់​មណ្ឌល​នេះ​ឡើង គឺ​អនុលោម​តាមច្បាប់​យុត្តិធម៌​អនីតិជន សម្រាប់​ដាក់​អា​នីតិជន​ល្មើស​ដោយ​ផ្ទេរ​ចេញពី​ពន្ធនាគារ​វិញ ហើយ​ក្នុង​ឆ្នាំ​ទី​១​នេះ គ្រោង​ដាក់​អនីតិជន​ល្មើសច្បាប់​ចំនួន​៥០០​នាក់ និង​អាចមាន​លទ្ធភាព​ផ្ទុក​សរុប​ចំនួន ២០០០​នាក់​។

ប្រធាន​នាយកដ្ឋាន​យុវនីតិសម្បទា បញ្ជាក់​ដែរ​ថា ​សម្រាប់​ម​ណ្ឌ​ល​នេះ នឹងមាន​ការបណ្ដុះបណ្ដាល​ជំនាញ​ជាច្រើន ដែល​ស្របទៅនឹង​តម្រូវការ​ទីផ្សារ​ពេល​បច្ចុប្បន្ន ក្នុង​នោះ​អាច​មាន​ជំនាញ​ដូចជា ជួសជុល​ទូរស័ព្ទ អគ្គិសនី និង​ធ្វើ​ម៉ាស៊ីនត្រជាក់​ជាដើម ដើម្បី​ប្រែក្លាយ​ពួកគេ​ឱ្យ​ក្លាយជា​ធនធាន​ល្អ មាន​សមត្ថភាព​ប្រកប​របរ​ចិញ្ចឹម​បន្ទាប់ពី​បញ្ចប់​ទោសទណ្ឌ​។ តាមច្បាប់​យុត្តិធម៌​អា​នីតិជន គឺ​អនុ​ញ្ញា​ត្ត​អនីតិជន​ល្មើស​ច្បាស់ រស់​នៅ​ក្នុង​មណ្ឌល​នេះ​រហូតដល់​អាយុ ២៤​ឆ្នាំ ក្នុងករណី​នៅសល់​ទោសទណ្ឌ គឺ​ត្រូវ​ផ្ទេរ​ទៅ​ស្នាក់នៅ​ពន្ធនាការ​វិញ​។

គួរបញ្ជាក់​ផងដែរ​ថា សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​ឯកភាព​ជា​គោលការណ៍​តាម​សំណើសុំ​បង្កើត​មណ្ឌល​យុវនីតិសម្បទា របស់​លោក​វង សូត រដ្ឋមន្ត្រីក្រសួង​សង្គមកិច្ច អតីតយុទ្ធជន និង​យុវនីតិសម្បទា​។ មណ្ឌល​យុវនីតិសម្បទា​នេះ មាន​អគារ​សរុប​ចំនួន​១៧​ខ្នង ដែល​អគារ​ត្រូវ​ជួសជុល​ចំនួន​១២​ខ្នង និង​អគារ​ត្រូវ​សាងសង់​ថ្មី​ចំនួន ៥​ខ្នង​៕

ដោយ ៖ វិមាន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ7 hours ago

ថ្ងៃស្អែក​សូម​គ្រួសារ​ក្រីក្រ​និង​ជន​ងាយ​រងគ្រោះ​ដែលមាន​ប័ណ្ណ​សមធម៌ អញ្ជើញ​ទៅ​បើកប្រាក់​ឧបត្ថម្ភ​ទាំងអស់គ្នា

ព័ត៌មានជាតិ8 hours ago

លំអិត​ទីតាំង​ដែល​ត្រូវ​ជាប់​ពាក់ព័ន្ធនឹង​ព្រឹត្តិការណ៍​សហគមន៍២០កុម្ភៈ​ ចំនួន៦២កន្លែង​

ព័ត៌មានជាតិ9 hours ago

បន្ទាន់!! រក​ឃើញ​ទីតាំង​ពាក់​ព័ន្ធនឹង​ព្រឹត្តិការណ៍​សហគមន៍​២០កុម្ភៈ រហូតដល់​៦២កន្លែង​ឯណោះ

ព័ត៌មានជាតិ9 hours ago

ខេត្តកណ្តាល ​មាន​អ្នក​ឆ្លង​កូ​វីដ​១៩​ ពាក់ព័ន្ធ​នឹង​ព្រឹត្តិការណ៍​២០​កុម្ភៈ​ចំនួន​១៨​នាក់

ព័ត៌មានជាតិ10 hours ago

អភិបាល​រាជធានី សួរសុខទុក្ខ​ក្រុម​គ្រូពេទ្យ នៅ​មណ្ឌល​សុខភាព​ចាក់អង្រែ​ក្រោម និង​មន្ទីរ​ពេទ្យរុស្ស៊ី​

Sokha Hotels

ព័ត៌មានពេញនិយម

Helistar Cambodia - Helicopter Charter Services