ព័ត៌មានជាតិ

ចូលគាស់ផ្ទះលួចអីវ៉ាន់ទាំងថ្ងៃ ត្រូវម្ចាស់មកឃើញ រត់សឹងមិនទាន់ចូលព្រៃបាត់

បានផុស

៣ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

មានករណីចោរលួចចាក់សោចូលក្នុងផ្ទះប្រជាពលរដ្ឋ យកសម្ភារៈពេលម្ចាស់មិននៅផ្ទះបង្កឲ្យមានការភ្ញាក់ផ្អើលដល់ប្រជាពលរដ្ឋនៅតាមដងផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងកាលពីវេលាម៉ោង១១និង០០នាទី ថ្ងៃទី៨ ខែកុម្ភៈ ឆ្នាំ២០២១ត្រង់ចំណុចផ្ទះជនរងគ្រោះឈ្មោះ គីម សុង ភេទប្រុស អាយុ៣៨ឆ្នាំ ជនជាតិខ្មែរ មុខរបរធ្វើចម្ការ មានទីលំនៅភូមិ៤ សង្កាត់កាចាញ ក្រុងបានលុង ខេត្តរតនគីរី។

លោក សួន សាវុធ នាយប៉ុស្តិ៍រដ្ឋបាលសង្កាត់កាចាញបានឲ្យដឹងថា ក្នុងនោះសម្ភារៈដែលបាត់បង់រួមមាន៖ ប៉ុស្តិ៍ផ្សារដែកចំនួន១, ម៉ូទ័រស្វានចំនួន១ ហើយជនសង្ស័យមានគ្នាចំនួន៣នាក់ និងម៉ូតូចំនួន២គ្រឿង ក្រោយពីធ្វើសកម្មភាពរួច ម្ចាស់ផ្ទះក៏បានមកដល់ទាន់ ហើយស្រែកឲ្យគេជួយ ពេលនោះប្រជាពលរដ្ឋ ដែលកំពុងធ្វើដំណើរនៅតាមដងផ្លូវ បានបើកឡានទៅកៀរម៉ូតូឲ្យធ្លាក់ទៅចិញ្ចើមផ្លូវ ហើយពួកចោរក៏ផ្តួលម៉ូតូចុះរត់គេចខ្លួនចូលទៅក្នុងព្រៃបាត់ស្រមោល។

លោក សួន សាវុធ បានបន្តថា ចោរទាំងនោះបានបន្សល់ទុកនៅម៉ូតូ១គ្រឿង ម៉ាកវ៉េវឆ្លាម កែច្នៃ ពណ៌ក្រហមខ្មៅ អត់ស្លាកលេខ កាបូបស្ពាយពណ៌ខ្មៅ និងសម្ភារៈនៅក្នុងកាបូបដូចជា៖ គូមពាក់ក្បាល ១, អាវដៃវែងពណ៌ក្រឡា ស ខ្មៅ១, ទូរសព្ទដៃខូច១គ្រឿង និង កំប៉ុងហ្គាសតូច១ផងដែរ។ បច្ចុប្បន្នសម្ភារៈវត្ថុតាង ត្រូវបាននគរបាលប៉ុស្តិ៍សង្កាត់កាចាញយកមករក្សាទុកនៅប៉ុស្តិ៍ ដើម្បីរៀបចំធ្វើការបញ្ជូនបន្តទៅអធិការដ្ឋាននគរបាលក្រុងបានលុងចាត់ការតាមនីតិវិធី។ ដោយឡែកជនសង្ស័យកម្លាំងប៉ុស្តិ៍ កំពុងធ្វើការស្រាវជ្រាវរកមុខសញ្ញាយកមកផ្ដន្ទាតាមផ្លូវច្បាប់៕

អត្ថបទ៖ វុធឦសាន

សូមចុចអាន៖ ព្រះសង្ឃមួយអង្គលង់ទឹកសុគតពេលស្រង់ទឹកនៅភ្នំគូលេន