ព័ត៌មានជាតិ
ពលរដ្ឋខ្មែរគួរដឹង តើអាចមានប្រតិកម្មអីខ្លះ ពេលចាក់វ៉ាក់សាំង Sinopharm រួច?
ក្រសួងសុខាភិបាលបានជូនដំណឹងថា វ៉ាក់សាំង Sinopharm នឹងចាប់ផ្តើមចាក់ដល់ពលរដ្ឋនៅថ្ងៃស្អែកនេះ។ យ៉ាងណា ពលរដ្ឋមួយចំនួន ចង់ដឹងពីប្រសិទ្ធភាពនិងប្រតិកម្មវ៉ាក់សាំងនេះ ក្រោយពេលចាក់រួច។
ក្នុងសន្និសីទកាសែតកាលពីម្សិលមិញនេះ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាលបានថ្លែងថា តាមការសិក្សាស្រាវជ្រាវដែលបានផ្សព្វផ្សាយលើសារព័ត៌មានអន្តរជាតិមួយចំនួន វ៉ាក់សាំង Sinopharm ក្នុងចំណោមមួយលាននាក់មានត្រឹម២ទៅ៣នាក់មានប្រតិកម្ម។ ការកើតប្រតិកម្មនេះមានតិចតួចបំផុតសឹងមិនដល់ ១ ភាគរយផង ហើយក៏មិនទាន់រកឃើញប៉ះពាល់ដល់អាយុជីវិតដែរ។
លោកជំទាវបន្តថា ប្រតិកម្មនេះជាដំណើរឆ្លើយតបរបស់វ៉ាក់សាំងទៅសរីរាង្គកាយ។ កន្លងទៅមានវ៉ាក់សាំងបង្ការជំងឺ ១១ មុខ ដែលបានចាក់រួចមកហើយ។ ជាធម្មតាអ្នកខ្លះក៏អាចមានប្រតិកម្មមួយចំនួន តែមិនបង្កឲ្យបាត់បង់ជីវិត ដោយគ្រូពេទ្យមានសមត្ថភាពគ្រប់គ្រាន់ក្នុងការជួយសង្គ្រោះ។
បើតាមលោកជំទាវ ប្រតិកម្មមានលើវ៉ាក់សាំង Sinopharm មានដូចជា ថប់ដង្ហើម ចង់ក្អួត ឈឺក្បាល ចេញកន្ទួលរមាស់។ អការៈច្រើនបំផុតគឺក្តៅខ្លួន។ ក្តៅខ្លួនជាបញ្ហាទូទៅរបស់វ៉ាក់សាំង។ ធាតុពិតវ៉ាក់សាំងកំពុងធ្វើការ ណែនាំសរីរាង្គឲ្យស្គាល់ បើមានក្តៅខ្លួន លេបថ្នាំបញ្ចុះកម្តៅ ហើយអាចបាត់ទៅវិញក្នុងរយៈពេលពីរបីថ្ងៃ។
លោកស្រី ឱ វណ្ណឌីន ក៏បញ្ជាក់ពីប្រសិទ្ធិភាពនៃការចាក់វ៉ាក់សាំងកូវីដ-១៩ ថា មកដល់ពេលនេះមិនទាន់មានការអះអាងថា មានវ៉ាក់សាំងកូវីដ១៩ណា ដែលអាចមានប្រសិទ្ធភាពរហូតពេញមួយជីវិតទេ។ វ៉ាក់សាំងទាំងអស់ដែលមានក្នុងបញ្ជី រួមទាំងវ៉ាក់សាំង Pfizer របស់សហរដ្ឋអាមេរិក ក៏អត់ទាន់មានឯកសារណា ឬក៏ការសិក្សាណាដែលបញ្ជាក់ថា មានប្រសិទ្ធិភាពបានពេញមួយជីវីតទេ។
លោកស្រី ឱ វណ្ណឌីន លើកឡើងថា អ្វីដែលអង្គការសុខភាពពិភពលោកតែងតែនិយាយ គឺសង្ឃឹមថា វ៉ាក់សាំងនេះនឹងជួយទៅដល់បុគ្គលក្រោយពីការចាក់ យ៉ាងហោចណាស់ក៏ក្នុងរយៈពេល៦ខែ ហើយគ្រប់គ្រាន់៕
អត្ថបទ៖ ប៊ុណ្ណារ៉ា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៥ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១២ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ