ព័ត៌មានជាតិ
មន្ត្រីក្រសួងការពារជាតិ នឹងចាក់វ៉ាក់សាំងកូវីដ១៩នៅមន្ទីរពេទ្យកេតុមាលា ថ្ងៃស្អែក
មន្ត្រីក្រសួងការពារជាតិ នឹងចាក់វ៉ាក់សាំង Sinohpharm នៅថ្ងៃស្អែក នៅមន្ទីរពេទ្យកេតុមាលា។ មន្ត្រីទាំងនោះរួមមាន ថ្នាក់ដឹកនាំ ប្រធានស្ថាប័នចំណុះក្រសួងការពារជាតិ ព្រមទាំងអគ្គបញ្ជាការដ្ឋាន នៃកងយោធពលខេមរភូមិន្ទ ដែលមានអាយុចាប់ពី១៨ ឆ្នាំរហូតដល់អាយុលើសពី៥៩ ឆ្នាំ។
បើតាមក្រសួងការពារជាតិ ការចាក់វ៉ាក់សាំង SARS-Cov-2″ Sinopharm” ជូនចំពោះនាយទាហាន នាយទាហានរង និងពលទាហានតាមស្ថាប័នកងឯកភាព ក្នុងកងយោធពលខេមរភូមិន្ទ ក្រុមវ៉ាក់សាំងកូវីដ-១៩ ក្រសួងការពារជាតិ នឹងជូនដំណឹងពីកាលបរិច្ឆេទ និងទីតាំងជាក់លាក់នៅពេលក្រោយ។
ជាមួយគ្នានោះ ក្រសួងការពារជាតិ បានអញ្ជើញថ្នាក់ដឹកនាំនាយទាហាន នាយទាហានរង និងពលទាហាន ក្នុងកងយោធពលខេមរភូមិន្ទ ចូលរួមក្នុងយុទ្ធនាការចាក់វ៉ាក់សាំង ដោយស្ម័គ្រចិត្តនេះផងដែរ ដើម្បីគាំទ្រគោលដៅរបស់រាជរដ្ឋាភិបាលក្នុងការការពារសុខភាព និងលើកកម្ពស់សុខមាលភាពរបស់កងទ័ព។
គួរបញ្ជាក់ថា ការចេញសេចក្តីប្រកាសព័ត៌មានខាងលើ បានធ្វើឡើង ដោយអនុវត្តតាមប្រសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងក្រោមការដឹកនាំផ្ទាល់របស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិក្រសួងការពារជាតិ។
វ៉ាក់សាំងបង្ការជំងឺកូវីដ-១៩ ចំនួន៦០ម៉ឺនដូស ដែលជាជំនួយរបស់ចិន បានមកកម្ពុជា តាមជើងយន្តហោះយោធា Y-20 កាលពីវេលាម៉ោងម៉ោងប្រមាណជាង៤រសៀលថ្ងៃទី៧ ខែកុម្ភៈ ហើយសម្ដេចតេជោ ហ៊ុន សែន បានអញ្ជើញទទួលនៅព្រលានយន្តហោះអន្តរជាតិភ្នំពេញ។
សម្តេចតេជោ ហ៊ុន សែន បានចាត់ទុកជំនួយវ៉ាក់សាំងរបស់ចិននេះថា ជាសក្ខីភាពថ្មីដ៏សំខាន់មួយទៀត ដែលឆ្លុះបញ្ចាំងពីចំណងមិត្តភាពដែកថែប និងកិច្ចសហប្រតិបត្តិការដ៏រឹងមាំរវាងប្រទេស និងប្រជាជនទាំង២ (កម្ពុជា-ចិន) នៅក្នុងក្របខ័ណ្ឌនៃទំនាក់ទំនងកិច្ចសហប្រតិបត្តិការជាយុទ្ធសាស្ត្រគ្រប់ជ្រុងជ្រោយ និងការកសាងសហគមន៍វាសនារួមគ្នា។
សម្តេចបញ្ជាក់ថា ការទទួលបានវ៉ាក់សាំងពីប្រទេសចិន ដោយសារតែយើងមានកិច្ចសហប្រតិបត្តិការល្អ បើគ្មានកិច្ចសហប្រតិបត្តិការល្អទេ យើងនឹងពុំទទួលបានវ៉ាក់សាំង សម្រាប់ប្រជាជនយើងនៅថ្ងៃនេះទេ៕
អត្ថបទ៖កោះកែវ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ