ព័ត៌មានជាតិ
អតីតសិស្សប្រាំនាក់ដែលរងបណ្តឹងពីនាយកវិទ្យាល័យឈើទាលជ្រុំ មិនបានមកបំភ្លឺនៅសាលាដំបូងខេត្តទេ
អតីតសិស្ស៥នាក់ដែលកំពុងរងពាក្យបណ្តឹងពីនាយកសាលាវិទ្យាល័យឈើទាលជ្រុំ ឃុំក្រាំងលាវ ស្រុកបាទី ខេត្តតាកែវ មិនមានវត្តមានមកបំភ្លឺក្តីនៅសាលាដំបូងខេត្តតាកែវ នៅថ្ងៃទី០៩ ខែកុម្ភៈ ឆ្នាំ២០២១ នេះទេ ក្រោយពួកគាត់ត្រូវបានឲ្យចូលខ្លួនមកបំភ្លឺ តាមពាក្យបណ្តឹងពីលោក ប៉ាន់ ពុទ្ធារ៉ា នាយកវិទ្យាល័យឈើទាលជ្រុំ ពីបទបរិហាកេរ្តិ៍ជាសាធារណៈ ព្រោះបានចូលទៅសរសេរសារ បញ្ចេញមតិរិះគន់លើវីដេអូផឹកស្រាបៀដែលបង្ហោះលើហ្វេសប៊ុក។
ក្រឡាបញ្ជីលោក ទេព មុនិន្ទ តំណាងអយ្យការអមសាលាដំបូងខេត្តតាកែវ បានឲ្យដឹងនៅព្រឹកថ្ងៃទី១០ ខែកុម្ភៈនេះថា ជនទាំង៥រូបដែលត្រូវបានអញ្ជើញឲ្យចូលមកបំភ្លឺពាក់ព័ន្ធនឹងបណ្តឹងបរិហាកេរ្តិ៍ លើលោកនាយកវិទ្យាល័យឈើទាលជ្រុំ គឺមិនបានចូលខ្លួនមកបំភ្លឺនៅសាលាក្តីទេនៅថ្ងៃទី០៩ ខែកុម្ភៈ ម្សិលមិញនេះ។
ចំណែកលោក ស៊ន សារិទ្ធ ដែលជាម្ចាស់គណនេយ្យហ្វេសប៊ុកឈ្មោះ «Sorn Sarith» ដែលបានបញ្ចេញវីដេអូនាយកវិទ្យាល័យឈើទាល់ជ្រុំហូបគ្រឿងស្រវឹងកាលពីពេលកន្លងទៅនោះបានឲ្យដឹងកាលពីព្រឹកថ្ងៃទី០៨ ខែកុម្ភៈ ឆ្នាំ២០២១នេះថា សំណុំរឿងនេះបានទៅដល់ដៃតុលាការហើយ មានតែធ្វើអញ្ចឹងព្រោះពួកគាត់ទាំង៥នាក់មិនបានចូលខ្លួនមកដោះស្រាយនៅសាលារៀន ក៏ដូចជានៅប៉ុស្តិ៍រដ្ឋបាលឃុំ។
សូមរំលឹកថា កាលពីថ្ងៃទី០៨ ខែមករា ឆ្នាំ២០២១ មានវីដេអូបង្ហាញពីសកម្មភាពផឹកស្រាបៀរមួយឃ្លីប ត្រូវបានបង្ហោះលើគណនេយ្យហ្វេសប៊ុកឈ្មោះ «Sorn Sarith» ដែលគេស្គាល់ថា ជានាយករងវិទ្យាល័យឈើទាលជ្រុំ ដោយមានការច្រៀងលេងកម្សាន្តផងនោះ ត្រូវបានម្ចាស់គណនេយ្យបង្ហោះដោយសរសេររៀបរាប់ថា «សូមបងប្អូន សណ្តាប់កម្សាន្ត! ច្រៀងដោយបង ធារ៉ា ( ថ្ងៃសម្រាកម្សឹលមិញ ០៧ មករា ២០២១). ពិរោះទេ បងប្អូន មិត្តទាំងអស់គ្នា! សុំ Like ម្នាក់មួយមកបាទ»។ បន្ទាប់ពីវីដេអូនេះត្រូវបានបង្ហោះចេញ មានអតីតសិស្សដែលធ្លាប់រៀននៅវិទ្យាល័យនេះ បានចូលទៅសរសេរបញ្ចេញមតិយោបល់បង្ហាញពីការមិនពេញចិត្តចំពោះការបង្ហាញសកម្មភាពផឹកស៊ីជាសាធារណៈរបស់ថ្នាក់ដឹកនាំវិទ្យាល័យ។ ជាពិសេសបានសម្តៅចំលើនាយកវិទ្យាល័យឈើទាល់ជ្រុំតែម្តង។ ក្រោយឃើញសារសរសេររិះគន់មកលើសកម្មភាពផឹកស៊ីរបស់ខ្លួន លោក ប៉ាន់ ពុទ្ធារ៉ា បានដាក់ពាក្យបណ្តឹងយុវជន៥រូប ដែលគេស្គាល់ថាជាអតិតសិស្សនៅវិទ្យាល័យមួយនេះទៅតុលាការ ពីបទបរិហាកេរ្តិ៍ជាសាធារណៈ បើទោះបីជាពួកគេបានលុបសារសរសេររិះគន់នោះចេញវិញយ៉ាងណាក៏ដោយ។
ករណីនេះដែរ តំណាងអយ្យការអមសាលាដំបូងខេត្តតាកែវ លោក ទេព មុនិន្ទ បានកោះហៅអតីតសិស្សទាំង៥រូប ឲ្យចូលបំភ្លឺកាលពីថ្ងៃទី០២ ខែកុម្ភៈ តែត្រូវបានក្រុមមេធាវីដែលស្ម័គ្រចិត្តការពារក្តីឲ្យសិស្សទាំង៥រូបនេះ ដាក់ពាក្យសុំពន្យារពេល ហើយនៅថ្ងៃទី០៩ កុម្ភៈម្សិលមិញនេះ ក៏នៅតែអវត្តមានពួកគេមកបំភ្លឺដដែល៕
អត្ថបទ ៖ វីរៈ
តួឯករឿង “កូនពស់កេងកង” ទទួលមរណភាពភាពយប់មិញ ក្រោយរងជំងឺសើស្បែកធ្ងន់ធ្ងរអស់ ៥ ឆ្នាំ
មន្ត្រីជាន់ខ្ពស់ការងារ អំពាវនាវកម្មកររោងចក្រស្បែកជើងរងគ្រោះអគ្គិភ័យ រក្សាភាពស្ងប់ស្ងាត់ រង់ចាំការដោះស្រាយពីរោងចក្រ
ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម
ត្រឹមមួយថ្ងៃ នគរបាលក្រសួងមហាផ្ទៃបង្ក្រាបបទល្មើសគ្រឿងញៀន ២១ករណី ឃាត់ខ្លួនមនុស្ស ៥៣នាក់
លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរជាតិសាសន៍ខ្លួន
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៦ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ