ព័ត៌មានជាតិ
អាជ្ញាធររាជធានីភ្នំពេញ នឹងប្រមូលផ្តុំដោះស្រាយបញ្ហាប្រឈមនានា នៅឆ្នាំ២០២១នេះ ដើម្បីផលប្រយោជន៍ពលរដ្ឋ
ពីមួយឆ្នាំទៅមួយឆ្នាំ អាជ្ញាធររាជធានីភ្នំពេញ ក្រោមការដឹកនាំរបស់លោក ឃួង ស្រេង ជាអភិបាលបានខិតខំបំពេញនិងដោះស្រាយការងារបានយ៉ាងច្រើនសន្ធឹកសន្ធាប់ ធ្វើឲ្យរាជធានីភ្នំពេញ ដែលជាបេះដូងនៃប្រទេសជាតិកាន់តែមានភាពរីកចម្រើនជាបន្តបន្ទាប់។ ប៉ុន្តែទន្ទឹមនឹងលទ្ធផលទាំងនេះក៏នៅមានចំណុចអវិជ្ជមាន និងបញ្ហាប្រឈមមួយចំនួន ដែលត្រូវប្រមូលផ្តុំដោះស្រាយផងដែរ។
យោងតាមរបាយការណ៍របស់រដ្ឋបាលរាជធានីភ្នំពេញ បានឲ្យដឹងថា នៅក្នុងឆ្នាំ២០២០ ក្រោមការដឹកនាំផ្ទាល់របស់រាជរដ្ឋាភិបាល និងក្រសួងមហាផ្ទៃ អាជ្ញាធររាជធានីភ្នំពេញ បានខិតខំជម្នះពុះពាររាល់ការលំបាកស្មុគស្មាញ អនុវត្តគ្រប់វិធានការ ពិសេសការចាត់តាំងអនុវត្តគោលនយោបាយ “ភូមិ សង្កាត់ មានសុវត្ថិភាព” ឱ្យកាន់តែល្អប្រសើរ រក្សាបាននូវសភាពការណ៍សន្តិសុខទូទៅល្អក្នុងរាជធានីភ្នំពេញ។
ជាមួយគ្នានេះដែរ រដ្ឋបាលរាជធានីភ្នំពេញ បានចូលរួមយ៉ាងសកម្មក្នុងការអនុវត្តតាមវិធានការណែនាំរបស់រាជរដ្ឋាភិបាលកម្ពុជា ក៏ដូចជាក្រសួងស្ថាប័នពាក់ព័ន្ធ ក្នុងការទប់ស្កាត់ការរីករាលដាលមេរោគកូវីដ-១៩ បានយ៉ាងល្អប្រសើរ។
តាមរបាយការណ៍បញ្ជាក់ទៀតថា ទន្ទឹមនឹងលទ្ធផលដែលសម្រេចបានជាវិជ្ជមានខាងលើ ក៏នៅមានបញ្ហាប្រឈមមួយចំនួន ដែលត្រូវប្រមូលផ្តុំដោះស្រាយឲ្យបានល្អនាពេលខាងមុខផងដែរ ដែលមានជាអាទិ៍៖ បញ្ហាសន្តិសុខ និងសណ្តាប់ធ្នាប់សង្គម ពិសេសករណីប្លន់ប្រដាប់អាវុធ ចោរកម្ម ក្មេងទំនើង និងបទល្មើសគ្រឿងញៀន ព្រមទាំងបញ្ហាគ្រោះអគ្គិភ័យ នៅតែជាចំណុចក្តៅរបស់រាជធានីភ្នំពេញ។
បញ្ហាចរាចរណ៍ និងសណ្តាប់ធ្នាប់សាធារណៈ បញ្ហានេះ គឺជាការងារអាទិភាពដែលត្រូវយកចិត្តទុកដាក់ និងអនុវត្តជាប្រចាំដើម្បីឲ្យទទួលបានជោគជ័យ ដោយផ្តោតលើវិធានការចំនួនបីសំខាន់ៗ រួមមាន៖ សណ្តាប់ធ្នាប់ចិញ្ចើមផ្លូវ សណ្តាប់ធ្នាប់សំណង់ និងសណ្តាប់ធ្នាប់លក់ដូរ។ ប្រព័ន្ធដឹកជញ្ជូន និងប្រព័ន្ធផ្លូវ-លូ ក្នុងរាជធានីភ្នំពេញ នៅមិនទាន់បានឆ្លើយតបតាមតម្រូវការរបស់ ប្រជាពលរដ្ឋនៅឡើយ។ ការតបណ្តាញអគ្គិសនី និងបណ្តាញទឹកស្អាត ជូនប្រជាពលរដ្ឋដែលរស់នៅតាមបណ្តាសង្កាត់ជាយរាជធានីភ្នំពេញ នៅមិនទាន់បានទូលំទូលាយនៅឡើយ។ ការងារគ្រប់គ្រងសំណល់រឹង-សំរាម ប្រព័ន្ធបង្ហូរសំណល់រាវ និងអនាម័យសាធារណៈ ក្នុងរាជធានី នៅតែជាក្តីបារម្ភ និងជាអាទិភាពសម្រាប់រដ្ឋបាលរាជធានីភ្នំពេញ ដែលត្រូវខិតខំដោះស្រាយឲ្យបានឆាប់រហ័ស ជាពិសេសការផ្សព្វផ្សាយ និងអប់រំដល់ប្រជាពលរដ្ឋឲ្យបានយល់ដឹងពីការវេចខ្ចប់ ទុកដាក់សំណល់រឹង និងការបញ្ចេញចោល សំណល់ រាវគ្រប់ប្រភេទឲ្យត្រឹមត្រូវ។
សូមបញ្ជាក់ថា រដ្ឋបាលរាជធានីភ្នំពេញ គ្រោងនឹងធ្វើពិធីសន្និបាតបូកសរុបលទ្ធផលការងាររបស់ខ្លួនប្រចាំឆ្នាំ២០២០ និងលើកទិសដៅបន្តឆ្នាំ២០២១ នៅអំឡុងខែកុម្ភៈនេះហើយ៕
អត្ថបទ ៖ ស្រីរ័ត្ន
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់
ក្លិប Fenerbahce ពិចារណាដកខ្លួនពីលីគតួកគី ជុំវិញការវាយប្រហារលើកីឡាករ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ