ព័ត៌មានជាតិ
អាជ្ញាធរខេត្តរតនគិរី បន្តចាត់វិធានការតឹងរឹងតាមព្រំដែន ខណៈវៀតណាមកំពុងផ្ទុះកូវីដ១៩ នៅតាមសហគមន៍
អាជ្ញាធរខេត្តរតនគិរី បានបន្តចាត់វីធានការតឹងរឹង ក្នុងការទប់ស្កាត់ការឆ្លងកូវីដ១៩ នាឱកាសបុណ្យចូលឆ្នាំចិន-វៀតណាម ខណៈដែលប្រទេសវៀតណាមបានកំពុងនិងផ្ទុះជំងឺនេះឆ្លងចូលសហគមន៍គួរអោយព្រួយបារម្ភ។
លោក ថង សាវុន អភិបាលនៃគណៈអភិបាលខេត្តរតនគិរី អមដំណើរ ដោយលោក លោកជំទាវ ជាអភិបាលរងខេត្តប្រធានមន្ទីរអង្គភាពពាក់ព័ន្ធ និងលោកមេបញ្ជាការ មេបញ្ជាការរងកងកម្លាំងប្រដាប់អាវុធទាំងបីប្រភេទ នៅព្រឹកថ្ងៃទី១៣ ខែកុម្ភៈ ឆ្នាំ២០២១នេះ បានអញ្ជើញចុះទៅច្រកទ្វារព្រំដែនអន្តរជាតិអូរយ៉ាដាវ ដើម្បីជួបប្រជុំពិភាក្សាជាមួយសមត្ថកិច្ចជំនាញដាក់ចេញនូវវិធានការត្រួតពិនិត្យមើលកងកម្លាំង ដែលកំពុងឈរជើងតាមព្រំដែនរវាងខេត្តរតនគិរី នៃព្រះរាជាណាចក្រកម្ពុជា និងខេត្តយ៉ាឡាយ, ខេត្តកន្ទូម នៃសាធារណរដ្ឋសង្គមនិយមវៀតណាម និងពិនិត្យមើលកន្លែងធ្វើចត្តាឡីស័កក្នុងការទប់ស្កាត់ការរីករាលដាលជំងឺកូវីដ-១៩ ។
លោកបាននធ្វើការណែនាំដល់មន្រ្តីនគរបាល និងទាហានការពារព្រំដែនទាំងអស់ត្រូវអនុវត្តន៍បទបញ្ជារបស់ប្រមុខរាជរដ្ឋាភិបាល សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដែលបានដាក់ចេញនូវបទបញ្ជាក្នុងការទប់ស្កាត់ការរីករាលដាលនៃជំងឺកូវីដ ១៩ នៅតាមព្រំដែនជាពិសេសរវាងព្រំដែនកម្ពុជា-វៀតណាមដែលថ្មីៗនេះប្រទេសវៀតណាមកំពុងតែរងការរាតត្បាតដោយជំងឺកូវីដ-១៩ ក្នុងសហគមន៍ ដែលបណ្ដាលអោយមានមនុស្សស្លាប់ និងមានអ្នកឆ្លងជាច្រើននាក់ ដោយសារជំងឺនេះ។
លោកអភិបាលខេត្តរតនគិរីមានប្រសាសន៍បន្តថា នៅក្នុងអំឡុងបុណ្យចូលឆ្នាំចិន វៀតណាមនេះ អាចនឹងមានភ្ញៀវទេសចរណ៍ រឺប្រជាពលរដ្ឋទាំងសងខាងឆ្លងកាត់បន្ទាត់ព្រំដែន ដែលបញ្ហានេះកម្លាំងឈរជើងនៅច្រកទ្វារអន្តរជាតិអូរយ៉ាដាវ-ឡេថាញ់ក៏ដូចជាតាមច្រករបៀងនានា ជាពិសេសខាងវីរៈការពារព្រំដែនទាំងនគរបាល និងយោធារួមនិងអាជ្ញាធរស្រុកជាប់ព្រំដែនត្រូវបន្តយកចិត្តទុកដាក់ ពង្រឹងការលួចធ្វើដំណើរឆ្លងកាត់របស់ប្រជាពលរដ្ឋទាំងខ្មែរ និងវៀតណាមអោយបានដាច់ខាត។
លោក អភិបាលខេត្ត ក៏បានឲ្យកងកម្លាំងទាំងនគរបាល និងយោធាត្រូវថែទាំសុខភាពខ្លួនឯង ឲ្យបានល្អត្រូវប្រកាន់ខ្ជាប់នូវគោលការណ៍អនាម័័យក្នុងការរស់នៅប្រចាំ ជាពិសេសត្រូវសហការជាមួយកងកម្លាំងភាគីវៀតណាម និងអាជ្ញាធរមូលដ្ឋានធ្វើការអប់រំ ណែនាំដល់ប្រជាពលរដ្ឋនៅក្នុង មូលដ្ឋានរៀងៗខ្លួន កុំឲ្យឆ្លងចូលទៅវិញទៅមកក្នុងកាលៈទេសៈនេះ។ ដោយឡែកចំពោះបុគ្គលិកក្រុមហ៊ុនវៀតណាមដែលបានទៅលេងស្រុកក្នុងពិធីបុណ្យចូលឆ្នាំរបស់ខ្លួនជាង៦០០នាក់ ពេលត្រឡប់មកវិញគឺត្រូវដាក់អោយនៅធ្វើចត្តាឡីស័កជាដំណាក់នៅច្រកទ្វារដែលខេត្តបានរៀបចំមាន ១០៤បន្ទប់ ដោយមិនអនុញ្ញាតឲ្យចូលមកក្រុមហ៊ុនវិញដោយមិនបានធ្វើចត្តាឡីស័កនោះឡើយ។
សូមបញ្ជាក់ថា អគារស្នាក់នៅចំនួន១០៤បន្ទប់សម្រាប់កន្លែងធ្វើចត្តាលីស័កជារបស់លោក ឧកញ៉ា ទ្រី ភាពចូលរួមចំណែកជាមួយអាជ្ញាធរខេត្តផ្តល់ជាកន្លែងសម្រាប់ធ្វើចត្តាឡីស័ក។ ហើយនៅក្នុងឱកាសនេះដែរលោក ឧកញ៉ា ទ្រី ភាព បានឧបត្ថម្ភប្រេង៨០០លីត្រ មី១០កេសធំ ទឹកសុទ្ធ៥០កេសនិងបានសន្យាផ្តល់ប្រេងក្នុង១ខែ៨០០លីត្រដល់កងកម្លាំងទាំងនគនរបាលនិងយោធារហូតដល់ចប់យុទ្ធនាការទប់ស្កាត់ជំងឺកូវីដ-១៩នេះ។
ដោយឡែកលោកអភិបាលខេត្តក៏បានឧត្តម្ភជូនកងកម្លាំងនូវសម្ភារៈមួយចំនួនរួមមាន ស្រោមដៃ ម៉ាស់ អាល់កុល និងថវិកាមួយចំនួនសម្រាប់ប្រើប្រាស់ក្នុងអំឡុងពេលឈរជើងការពារតាមចំណុចគោលដៅរៀងៗខ្លួនផងដែរ៕
វុទ្ធឦសាន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»