ដើម្បី​ការពារ​ជំងឺកូវីដ-១៩ និង​កូវី​ដ​បម្លែង​ខ្លួន ពលករ​សូមកុំ​ទាន់​មក​លេង​ស្រុក អំឡុង​​ពេលចូល​ឆ្នាំ​ខ្មែរ
Connect with us
Helistar Cambodia - Helicopter Charter Services

ព័ត៌មានជាតិ

ដើម្បី​ការពារ​ជំងឺកូវីដ-១៩ និង​កូវី​ដ​បម្លែង​ខ្លួន ពលករ​សូមកុំ​ទាន់​មក​លេង​ស្រុក អំឡុង​​ពេលចូល​ឆ្នាំ​ខ្មែរ

Published

on

​លោក​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល​ បាន​ធ្វើការ​អំពាវនាវ​ដ​ល់ ពលករ​ខ្មែរ ដែល​កំពុង​ធ្វើការ​នៅ​ប្រទេស​ថៃ​ សូម​កុំ​សម្រុក​មកលេង​ស្រុកកំណើត ក្នុង​រដូវ​បុណ្យចូលឆ្នាំ​ប្រពៃណី​ជាតិ​ខាងមុខ ដើម្បី​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​១៩​។

ការអំពាវនាវ​នេះ​ បាន​ធ្វើ​ឡើង​កាលពី​រសៀល​ថ្ងៃ​ទី​១៦​ ខែ​កុម្ភៈ ​ឆ្នាំ​២០២១ ​ខណៈ​ពេលដែល​លោក​អញ្ជើញ​ចុះ​ពិនិត្យ​ស្ថានភាព​មណ្ឌល​ច​ត្តា​ឡី​ស័ក ស្រុក​កំរៀង ខេត្តបាត់ដំបង​។ ​លោក​រដ្ឋមន្ត្រី​បាន​មានប្រសាសន៍ថា​«​សម្រាប់​អ្នក​ចង់​មកលេង​ស្រុកកំណើត នាឱកាស​បុណ្យចូលឆ្នាំ​ប្រពៃណីជាតិ​ខាងមុខ បើ​គ្រាន់តែ​ចង់​មកលេង​សប្បាយ​ជួបជុំ​គ្រួសារ​ក្នុង​ពិធីបុណ្យ​ទេ គួរ​កុំ​ទាន់​មកលេង​អី ​ដើម្បី​ចូលរួម​ទប់ស្កាត់​ការ​រីក​រាលដាល​នូវ​ជំងឺ​កូ​វីដ​១៩​នេះ »​។

​​លោក​រដ្ឋមន្ត្រី​បាន​បន្ត​ថា ​ក្នុង​វិបត្តិ​នៃ​ជំងឺ​កូ​វីដ​១៩ ពលក​រ​រដ្ឋ​គួរ​ស្វែងរក​ការងារ​ធ្វើ​ក្នុងស្រុក​ឲ្យ​អស់​លទ្ធភាព​សិន មុននឹង​ធ្វើការ​ចំណាកស្រុក​ទៅ​ក្រៅ​ប្រទេស ដើម្បី​ចៀសវាង​ការ​ឆ្លង​រីក​រាលដាល​នៃ​ជំងឺ​នេះ ព្រោះ​រាជរដ្ឋាភិបាល​តាមរយៈ​ក្រសួង​ការងារ និង​បណ្ដុះបណ្ដាល​វិជ្ជាជីវៈ​ក៏បាន​រៀបចំ​នូវ​ការងារ និង​បង្រៀន​ជំនាញ​ខ្លីៗ​ដល់​ពលករ ដែល​បាន​បាត់បង់​ការងារ​ធ្វើ​ ផង​ដែរ​។ លោក​រដ្ឋមន្ត្រី​បាន​បន្ថែមថា​ ចំពោះ​អ្នកមាន​ដីស្រែ​ចម្ការ គួរ​បង្កបង្កើនផល​តា​ម​លទ្ធភាព​របស់​ខ្លួន កុំ​ចេញចូល​ឆ្លងដែន​ទៅ​ប្រទេស​ថៃ ព្រោះ​ប្រទេស​មួយ​នេះ កំពុង​មាន​ឆ្លង​ជំងឺ​កូ​វីដ​១៩​ខ្លាំង​ នៅ​ក្នុង​សហគមន៍ តាម​ខេត្ត​មួយ​ចំនួន​។ ជាមួយគ្នានេះ លោក​រដ្ឋមន្ត្រី បានស្នើ​ដល់​អាជ្ញាធរខេត្ត​ជាប់​ព្រំដែន បន្ត​ជួយ​ចាត់វិធានការ​ឲ្យ​បាន​តឹងរ៉ឹង នូវ​ពួក​មេខ្យល់​ដែល​លួច​នាំ​ពលករ​ឆ្លងដែន​ខុសច្បាប់ ហើយ​គេចវេះ​ពី​ការធ្វើ​ច​ត្តា​ឡី​ស័ក​។ លោក​រដ្ឋមន្ត្រី​ បាន​អំពាវនាវ​ដល់​ពលរដ្ឋ បន្ត​អនុវត្ត​វិធានការ​អនាម័យ តាម​ការណែនាំ​របស់​ក្រសួងសុខាភិបាល ខណៈ​កម្ពុ​ជាមាន​អ្នក​ឆ្លង​ជំងឺ​កូ​វីដ​១៩ នៅសល់​តិចតួច​និង​កំពុង​គ្រប់គ្រង​បាន។

​គួរ​បញ្ជាក់​ថា ​ចាប់ពី​មានការ​ផ្ទុះ​រីក​រាលដាល​នៃ​ជំងឺ​កូ​វីដ​១៩ ក្នុង​សហគមន៍​ខេត្ត​សាមុត​សា​ខន ប្រទេស​ថៃ មាន​ពលករ​ឆ្លងដែន​តាម​ច្រក​នានា​ជាប់​ខេត្តបាត់ដំបង មាន​ជាង ៧០០០​នាក់ និង​បានបញ្ចប់​ការធ្វើ​ច​ត្តា​ឡី​ស័ក​ជិត ៤០០០​នាក់ កំពុង​ធ្វើ​ច​ត្តា​ឡី​ស័ក​ជាង ៣០០០​នាក់ ខណៈ​នៅ​ថ្ងៃទី​១៦ ខែកុម្ភៈ ឆ្នាំ​២០២១ មាន​ពលករ​ឆ្លងដែន​ពី​ថៃ មាន​ជាង ៣០០​នាក់៕​

អត្ថបទ៖ សំអឿន​

សូមចុចអាន៖ គិតត្រឹមថ្ងៃទី១៦កុម្ភៈអ្នកមកទទួលវ៉ាក់សាំងកូវីដ១៩នៅមន្ទីរពេទ្យអង្គឌួងចំនួនជាង ៤០០ នាក់

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ5 mins ago

ពិធីចូលឆ្នាំខ្មែរនៅតែប្រារព្ធ​ក្រោមវិធានការសុវត្ថិភាព

ព័ត៌មានជាតិ10 mins ago

អ្នកពាក់ព័ន្ធ​ជាមួយ​ស្ត្រី​វៀតណាម​២​នាក់​ឆ្លង​កូ​វីដ​១៩​នៅ​ស្វាយរៀង​ជិត​៤០​នាក់​លទ្ធផលតេស្ត​លើក​ទី​១​អវិជ្ជមាន​ទាំងអស់​

ព័ត៌មានអន្ដរជាតិ42 mins ago

សួនសត្វសហរដ្ឋអាមេរិកចាក់វ៉ាក់សាំងការពារកូវីដដល់ស្វាឪ

ព័ត៌មានជាតិ45 mins ago

ផ្អាកផ្ទះ​ជួល​មួយ​កន្លែង​​ទៀត​នៅ​ព្រះសីហនុ ក្រោយ​រក​ឃើញ​​​អ្នក​ស្នាក់​នៅ​វិជ្ជមាន​កូវីដ១៩​

ព័ត៌មានជាតិ59 mins ago

ថ្នាក់ដឹកនាំ​ខេត្តតាកែវ​អញ្ជើញ​ចុះសួរសុខទុក្ខ និង​នាំយក​គ្រឿងឧបភោគ​មួយចំនួនធំ ជូន​កងកម្លាំង​ឈរជើង​នៅតាម​បន្ទាត់​ព្រំដែន កម្ពុជា​-​វៀតណាម​

Sokha Hotels

ព័ត៌មានពេញនិយម

Helistar Cambodia - Helicopter Charter Services