ព័ត៌មានជាតិ
នគរបាលខេត្តសៀមរាប ក្រសោបជនសង្ស័យមួយគ្រួសារជំនាញខាងលួច នៅខ្នងភ្នំគូលែន
សៀមរាប ៖ កម្លាំងព្រហ្មទណ្ឌកម្រិតស្រាល បានសហការជាមួយ កម្លាំងនគរបាលនៃស្រុកស្វាយលើ ចុះស្រាវជ្រាវករណីលួចទ្រព្យសម្បត្តិរបស់ពលរដ្ឋនៅលើខ្នងភ្នំគូលែន ដោយឃាត់ខ្លួនបានក្រុមចោរបានចំនួន៣នាក់។
ការឃាត់ខ្លួននេះ ធ្វើឡើងនៅព្រឹកថ្ងៃទី១៧ ខែកុម្ភៈ ឆ្នាំ២០២១ ស្ថិតនៅលើខ្នងភ្នំគូលែន ក្នុងភូមិព្រះអង្គរធំ ឃុំ ខ្នងភ្នំ ស្រុកស្វាយលើ ខេត្តសៀមរាប។
លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌខេត្តសៀមរាប បានឲ្យដឹងថា កម្លាំងព្រហ្មទណ្ឌកម្រិតស្រាល បានសហការជាមួយ កម្លាំងអធិការនគរបាលស្រុកស្វាយលើ នឹង ប៉ុស្តិ៍នគរបាលរដ្ឋបាលខ្នងភ្នំ ចុះស្រាវជ្រាវស៊ើបអង្កេត ករណី អំពើ លួច (យកកាបូបប្រាក់នឹង គ្រឿងអលង្កា) កើតហេតុនៅថ្ងៃទី១៦ ខែកុម្ភៈ ឆ្នាំ២០២១ នៅចំណុចកើតហេតុ តុលក់ផ្លែដូង ភូមិ ព្រះអង្គរធំ ឃុំខ្នងភ្នំ ស្រុកស្វាយលើ ខេត្តសៀមរាប។
លោកបន្តថា ក្រោយពីកម្លាំងនគរបាលជំនាញ បានកំណត់មុខសញ្ញានិងបាននាំឈ្មោះសារឿន មករា ភេទប្រុស អាយុ១១ឆ្នាំ, ឈ្មោះ ឡិក លាង ភេទប្រុស អាយុ១៧ឆ្នាំ ,ឈ្មោះ ស៊ុយ ចិន្ដា ភេទស្រី អាយុ១៩ឆ្នាំ មកសួរនាំនៅប៉ុស្តិ៍នគរបាលរដ្ឋបាលខ្នងភ្នំ ក្រោយពីស្រង់ចម្លើយរួច ឈ្មោះ សារឿន មករា បានសារភាពថា រូបខ្លួន ត្រូវបាន ម្ដាយបង្កើតឈ្មោះ ទិត្យ ណាក់ បានបញ្ជាឲ្យទៅលួចកាបូបដាក់ប្រាក់របស់តាលក់ផ្លែដូង(ឈ្មោះ លឹម មុត) ហើយរូបខ្លួន ក៏បានធ្វើធ្វើសកម្មភាពលួចយកកាបូបនោះបានសម្រេច ហើយរត់ឡើងទៅផ្លូវ ខាងលើ លាក់ទុកកាបូបនៅគំនរសំបកផ្លែដូង តាមផ្លូវចុះទៅទឹកធ្លាក់ រូបគេក៏គេចខ្លួនបាត់ទៅ ហើយនៅក្នុងសកម្មភាពដែលឈ្មោះ សារឿន មករា បានធ្វើ សកម្មភាព ឈ្មោះ ឡិក លាង និងប្រពន្ធឈ្មោះ ស៊ុយ ចិន្ដា ដែលត្រូវកូន បង្កើតនឹងកូនប្រសារ របស់ឈ្មោះ ទិត្យ ណាក់។ រហូតដល់ព្រឹកថ្ងៃទី១៧ខែកុម្ភៈឆ្នាំ២០២១វេលាម៉ោង០៦និង៣០នាទីព្រឹក ពេលស្ងាត់ ទើបឈ្មោះ សារឿន មករា បានយកកាបូបនឹងសម្ភារៈដែលមានក្នុងនោះ(ខ្សែកចំនួនពីរខ្សែចិញ្ចៀន មួយវង់ នឹងប្រាក់មួយចំនួន)ដែលខ្លួនលួចបាននោះយកទៅឲ្យម្តាយទុក ហើយពេលកម្លាំងសមត្ថកិច្ចបាននាំឈ្មោះ សារឿន មករា និងម្តាយឈ្មោះ ទិត្យ ណាក់ ទៅឆែកផ្ទះ ឃើញប្រាក់រៀលចំនួន ៨០០០០០រៀល (ប៉ែតសិបម៉ឺន)រៀល ហើយ បានយកខ្សែកចំនួនពីរខ្សែ បន្តោងរូបព្រះមួយអង្គ និងចិញ្ចៀនសញ្ញា ត្រាមួយវង់យកទៅលាក់ទុកនៅចំការ ក្រោយផ្ទះ។
លោកបន្ថែមថា ករណីនេះកម្លាំងនគរបាលជំនាញបានដកហូត សម្ភារៈវត្ថុតាងទាំងអស់ខាងលើរួមមាន៖ ១ ខ្សែកធ្វើអំពីលោហធាតុ ពណ៌លឿង ចំនួនមួយខ្សែទម្ងន់១០ជី មានប្រវែង ៥៩សម។ ២ ខ្សែកធ្វើអំពើលោហធាតុពណ៌លឿងចំនួនមួយខ្សែ ទម្ងន់១០ជី និងបន្តោងរូបព្រះទម្ងន់៧ជី មួយអង្គរ មានប្រវែង ៦៣ សមទាំងបន្តោងរូបព្រះមួយ។ ៣ ចិញ្ចៀនធ្វើអំពីលោហធាតុ ពណ៌លឿងទម្ងន់៨ជី(ចិញ្ចៀនរូបត្រា)មួយវង់។ ៤ ប័ណ្ណសំគាល់ យានយន្ត (កាត់គ្រី)មួយសន្លឹកសោម៉ូតូ ចំនួនមួយគ្រាប់។៥ ប្រាក់រៀលចំនួន ៨០ ០០០០រៀល(ប៉ែតសិបម៉ឺន)រៀល ។ ៦ ស្ទិកខរ៍ (កូនបាស)ចំនួនមួយ ។ ៧កាបូប ស្ពាយចំហៀង ពណ៌ខ្មៅចំនួនមួយ។
ចំពោះសម្ភារៈវត្ថុតាងខាងលើ សមត្ថកិច្ចបានប្រគល់ឲ្យជនរងគ្រោះ ឈ្មោះ លឹម មុត វិញ។ ដោយឡែក ជនសង្ស័យ ឈ្មោះ សារឿន មករា ភេទប្រុស អាយុ១១ឆ្នាំ ដែលជាអនីតិជនអាយុ១១ឆ្នាំ កម្លាំងយើងបានធ្វើកិច្ចសន្យានឹងឲ្យ ឪពុក ធានាត្រឡប់ទៅផ្ទះវិញ ។ចំពោះជនសង្ស័យទាំងបីនាក់ ខាងលើកម្លាំងនគរបាលជំនាញកំពុងកសាងសំណុំរឿងដើម្បីចាត់ការតាមផ្លូវច្បាប់៕
ដោយ ៖ កុសល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?