ពលរដ្ឋ​ក្រីក្រ​២៨០​គ្រួសារ​ទទួលអំណោយ​ពីសម្តេច​ក្រឡាហោម​ ស​ ខេង​ និង​លោកជំទាវ​
Connect with us
Helistar Cambodia - Helicopter Charter Services

ព័ត៌មានជាតិ

ពលរដ្ឋ​ក្រីក្រ​២៨០​គ្រួសារ​ទទួលអំណោយ​ពីសម្តេច​ក្រឡាហោម​ ស​ ខេង​ និង​លោកជំទាវ​

Published

on

តាមរយៈ​ឯកឧត្តម​ នួន សាន ​បាន​ដឹកនាំ​ក្រុមការងារ​ថ្នាក់ជាតិ​ ចុះជួយ​មូលដ្ឋាន​ឃុំ​តា​លាស់​ ​នាំយក​អំណោយ​ដ៏ថ្លៃថ្លា​របស់​សម្ដេច​ក្រឡា​ហោម​ ស ខេង​ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និង​លោកជំទាវ ​ញ៉ែម ​សា​ខន​ យកទៅ​ចែកជូន​ប្រជាពលរដ្ឋ​ដែលមាន​ជីវភាព​ខ្វះខាត​ចំនួន​២៨០​គ្រួសារ​ក្នុង​ឃុំ​តា​លាស់​ស្រុក​មោងឫស្សី​ ខេត្តបាត់ដំបង​។

​នៅក្នុង​ឱកាស​នោះដែរ​ ឯកឧត្តម​ នួន​ សាន​ ក៏បាន​ពាំនាំនូវ​ប្រសាសន៍​ផ្ដាំផ្ញើសួរសុខទុក្ខ​ នឹង​ផ្ញើ​ការ​នឹករឭក​​ពី​ប្រមុខ​រាជរដ្ឋាភិបាល​ និង​សម្ដេច​ក្រឡាហោម​ ស ​ខេង​ ប្រធាន​ក្រុមការងារ​ថ្នាក់ជាតិ​ចុះ​ជួយមូលដ្ឋានខេត្ត​បាត់​ដំបង​ ដែលជានិច្ចជាកាល សម្ដេចតែងយកចិត្តទុកដាក់អំពីសុខទុក្ខ​ប្រជាពល​រដ្ឋ​ដែល​កំពុង​ជួប​ផល​លំបាក។​​

​ក្នុងនោះដែរ​ឧ​ត្តម​ក៏បាន​សំណូមពរ​ដល់​ប្រជាពល​រដ្ឋ​ត្រូវ​បន្ត​អនុវត្ត​វិធាន​ការ​របស់​ក្រសួង​សុខាភិ​បាល ​ក៏ដូចជា​ការអំពាវនាវ​របស់​ប្រមុខ​រាជរដ្ឋាភិបាល​ឲ្យ​កាន់តែ​ល្អ​ប្រសើរ​ថែមទៀត​ដើម្បី​ចូលរួម​ទប់ស្កាត់ជំងឺ​កូ​វីដ​១៩ ​កុំ​ឲ្យ​រីក​រាលដាល​ដល់​សហគមន៍ ​ខណៈ​​អាជ្ញាធរខេត្ត​រួម​នឹង​មន្ត្រី​ពាក់ព័ន្ធ​កំពុង​ត្រូវបាន​ពង្រឹង​តាម​បន្ទាត់​ព្រំដែន​ស្រប​តាម​អនុសាសន៍​របស់​ប្រមុខ​រាជរដ្ឋាភិបាល​អំពី​លំហូរ​ពលករ​ខ្មែរ​នៅ​ប្រទេស​ថៃ​វិល​មក​ស្រុកកំណើត​វិញ ​ខ​ណៈកន្លងមក​មាន​ពលករ​មួយចំនួន​បានគេច​វេះ​ពី​ការ​ធ្វើ​ច​ត្តា​ឡី​ស័ក​។​

ឯក​ឧ​ត្ត​បាន​រំលឹក​ដល់​បងប្អូន​ប្រជាពលរដ្ឋ​ដែល​រស់នៅក្នុង​សហគមន៍​ត្រូវ​ប្រកាន់​ភ្ជាប់​នូវ​អនាម័យ​ស្អាត​ជានិច្ច​ដោយ​លាង​សម្អា​តដៃ​នឹង​អាលកុល​ឬ​ជែល ​ដោយ​រក្សា​គម្លាត​សង្គម​ពាក់​ម៉ាស​ការពារ​និង​ចៀសវាង​ចូល​ទីប្រជុំជន​ដែលមាន​មនុស្ស​ច្រើន​។​ ជាមួយគ្នានេះដែរ​ឯកឧត្តម​ក៏បាន​សំណូមពរ​ដល់​ផង​ប្អូន​ប្រជាពលរដ្ឋ​ឲ្យ​មានការ​សហការ​ជាមួយ​អាជ្ញាធរ​ឬ​សមត្ថកិច្ច ​បើសិនជា​មានបងប្អូន​សាច់​ញាតិ​ឬ​អ្នកភូមិផង​បាន​វិល​ពី​ប្រទេស​ថៃ​ហើយ​គេចវេះ​ពី​ការធ្វើ​ច​ត្តា​ឡី​ស័ក ​សូម​រាយការណ៍​ជូន​អាជ្ញាធរ​ឬ​សមត្ថកិច្ច​ជា​បន្ទាន់ដើម្បី​សេចក្តីសុខ​នៅក្នុង​សហគមន៍​របស់​បងប្អូន​ក៏ដូចជា​រក្សា​ក្តី​សុខ​ដល់​មនុស្ស​ទូទៅ​ផងដែរ​៕

អត្ថបទ​ ៖ ​សៅ សារិទ្ធ​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services