ក្រសួង​មហាផ្ទៃ​ប្រកាស​អនុវត្ត​គម្រោង ​គណនេយ្យ​ភាព​សង្គម​ដំណាក់​កាល​ទី​២
Connect with us
Helistar Cambodia - Helicopter Charter Services

ព័ត៌មានជាតិ

ក្រសួង​មហាផ្ទៃ​ប្រកាស​អនុវត្ត​គម្រោង ​គណនេយ្យ​ភាព​សង្គម​ដំណាក់​កាល​ទី​២

Published

on

ក្រសួងមហាផ្ទៃបានប្រកាសដាក់ឱ្យអនុវត្តគម្រោងគណនេយ្យភាពសង្គម ដំណាក់កាលទី២ដែលមានរយៈ បេល៥ឆ្នាំចាប់ពីឆ្នាំ២០១៩ដល់ឆ្នាំ២០២៣ខាងមុខនេះ ដើម្បីពង្រឹងអភិបាលកិច្ចនៅថ្នាក់ក្រោមជាតិ។

ការប្រកាសអនុវត្តគម្រោងគណនេយ្យភាពសង្គម ដំណាក់កាលទី២ នេះបានធ្វើឡើងនាព្រឹកថ្ងៃទី១៨ ខែកុម្ភៈ ឆ្នាំ ២០២១ នៅសណ្ឋាគារ រ៉ាហ្វលឡឺរ៉ូយ៉ាល់ ក្រោមអធិបតីភាពលោក ងី ច័ន្រ្ទផល រដ្ឋលេខាធិការក្រសួងមហាផ្ទៃនិងជាប្រធានគណៈកម្មាធិការគ្រប់គ្រងការអនុវត្តផែនការយុទ្ធសាស្រ្តគណនេយ្យភាពសង្គម នៅថ្នាក់ក្រោមជាតិ (គ.គ.អ.ស.)។

ថ្លែងក្នុងពិធីសម្ពោធការដាក់ឱ្យអនុវត្តគម្រោងគាំទ្រផែនការអនុវត្តគណនេយ្យភាពសង្គម ដំណាក់កាលទី២ លោក ងី ច័ន្រ្ទផល បានឱ្យដឹងថា សកម្មភាពផែនការអនុវត្តគណនេយ្យភាពសង្គម ដំណាក់កាលទី២ ស្ថិតក្នុងចំណោមសកម្មភាពរបស់រាជរដ្ឋាភិបាលកម្ពុជា ក្នុងក្របខណ្ឌកំណែទម្រង់រដ្ឋបាលសាធារណៈ។

លោកបានបញ្ជាក់ថា “ទោះបីនៅកម្ពុជាមានជំងឺកូវីដ-១៩ក៏ដោយ ប៉ុន្ដែយើងបានជំរុញការរៀបចំគោលនយោបាយ យុទ្ធសាស្ដ្រ និងជាផែនការសកម្មភាពដែលអនុវត្តនាពេលនេះ គឺជាកិច្ចការមួយនៅតែបន្តទៅមុខ។ ហើយយើង សង្ឃឹមថា កិច្ចការងារនេះ [គណនេយ្យភាពសង្គម ដំណាក់កាលទី២] នឹងចូលរួមពីអាជ្ញាធរខេត្ត និងអាជ្ញាធរមូលដ្ឋាន អាចយល់ដឹងច្រើនទៀត ដើម្បីអនុវត្តមូលដ្ឋានរបស់ខ្លួន មានភាពសកម្មជាងមុនបន្ថែមទៀត”។

លោករំពឹងថា អាជ្ញាធរខេត្ត និងអាជ្ញាធរមូលដ្ឋាន នឹងចូលរួមយល់ដឹងបន្ថែមទៀត ក្នុងការអនុវត្ត “គម្រោងគាំទ្រផែនការអនុវត្តគណនេយ្យភាពសង្គម ដំណាក់កាលទី២” ដើម្បីបម្រើសេវាសាធារណៈជូនប្រជាពលរដ្ឋឲ្យមានសកម្មភាពជាងមុន ជាពិសេស តម្លាភាព ប្រសិទ្ធិភាព និងយុត្តិធម៌។

លោក ងី ច័ន្រ្ទផល បានបន្ថែមទៀតថា សកម្មភាពផែនការអនុវត្តគណនេយ្យភាពសង្គម ដំណាក់កាលទី១ រាជរដ្ឋាភិបាល ក៏ទទួលបានបទពិសោធន៍ជាច្រើនហើយគម្រោងអនុវត្តគណនេយ្យភាពសង្គម ដំណាក់កាលទី២ ដើម្បីកែលម្អកំណែទម្រង់ផ្ដល់សេវាសាធារណៈជូនប្រជាពលរដ្ឋនៅតាមមូលដ្ឋានឲ្យកាន់តែមានប្រសិទ្ធិភាពខ្ពស់បន្ថែមទៀត។

បន្ថែមពីនេះទៀត លោកបានបន្តទៀតថា គម្រោងគាំទ្រផែនការអនុវត្តគណនេយ្យភាពសង្គម ដំណាក់កាលទី២ អាចមានវិសាលភាពធំជាងដំណាក់កាលទី១ ដោយសារតែដំណាក់កាលទី១ ធ្វើឡើងតែសេវាសុខាភិបាល សេវាអប់រំ សេវារដ្ឋបាលឃុំ-សង្កាត់។ ប៉ុន្តែដំណាក់កាលទី២នេះ បានពង្រីកកិច្ចការងារមួយចំនួនទៀត ហើយក៏បានពង្រីកដល់ខេត្ត-ក្រុង មួយចំនួន ដើម្បីធ្វើយ៉ាងឲ្យប្រជាពលរដ្ឋមានជំនឿទុកចិត្តលើសេវាសាធារណៈរបស់រាជរដ្ឋាភិបាល ទាំងថ្នាក់ជាតិ និងក្រោមជាតិ។

លោករដ្ឋលេខាធិការ បានបង្ហាញក្ដីសង្ឃឹមថា តាមរយៈសកម្មភាពខាងលើ ប្រជាពលរដ្ឋ ជាពិសេស ស្ត្រី កុមារ យុវជន ជនជាតិដើមភាគតិច និងប្រជាពលរដ្ឋក្រីក្រទូទាំងប្រទេស នឹងទទួលបានផលប្រយោជន៍ ពីការអនុវត្តគម្រោងគាំទ្រផែនការ អនុវត្តគណនេយ្យភាពសង្គម ដំណាក់កាលទី២នេះ។

គួរបញ្ជាក់ថាផែនការអនុវត្តគណនេយ្យភាពសង្គម មាន២ដំណាក់កាល ដែលផែនការដំណាក់កាលទី១ (២០១៦-២០១៨) បានអនុវត្តរួចមកហើយលើវិស័យបីគឺ៖ រដ្ឋបាលឃុំ សាលាបឋមសិក្សា និងមណ្ឌលសុខភាពដែល គ្របដណ្តប់លើស្រុកគោលដៅចំនួន៩៨ នៃខេត្តចំនួន១៨។

ចំណែកដំណាក់កាលទី២នេះ មានរយៈពេល៥ឆ្នាំ (២០១៩-២០២៣) ហើយនៅក្នុងឆ្នាំ២០២០កន្លងទៅ ការអនុវត្តការងារគណនេយ្យភាពសង្គមនេះ បានគ្របដណ្តប់លើ ក្រុង ស្រុក ខណ្ឌ គោលដៅចំនួន១៧០ ក្នុងរាជធានី ខេត្តចំនួន២៤ ដែលផ្តោត សំខាន់លើអង្គភាពផ្តល់សេវារដ្ឋបាលឃុំ សង្កាត់ចំនួន១.៣៩៨ សាលាបឋមសិក្សាចំនួន ៦.១៩០ និងមណ្ឌលសុខភាព ចំនួន១.០៩៥៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ3 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ3 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ5 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ5 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services