ព័ត៌មានជាតិ
សម្ដេចពិជ័យសេនា ទៀ បាញ់៖ ទោះបីកម្ពុជាចាប់ផ្តើមចាក់វ៉ាក់សាំង តែជំងឺកូវីដ-១៩នៅតែគំរាមកំហែងខ្ពស់
សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានបញ្ជាក់ថា ទោះបីកម្ពុជាចាប់ផ្តើមយុទ្ធនាការចាក់វ៉ាក់សាំងបង្ការជំងឺកូវីដ-១៩ក៏ដោយ ប៉ុន្តែជំងឺនេះ នៅតែគំរាមកំហែងខ្ពស់ ហើយសម្តេចបានអំពាវនាវដល់កងទ័ព និងប្រជាពលរដ្ឋទាំងអស់ កុំមានការធ្វេសប្រហែស និងមានការប្រុងប្រយ័ត្នខ្ពស់។
ការលើកឡើងរបស់សម្ដេចពិជ័យសេនា ទៀ បាញ់ បានធ្វើឡើងតាមរយៈបណ្តាញទំនាក់ទំនងសង្គមហ្វេសប៊ុកផេកផ្លូវការរបស់សម្តេច នាថ្ងៃទី១៨ ខែកុម្ភៈ ឆ្នាំ២០២១នេះ។
ប្រមុខការពារជាតិរូបនោះបញ្ជាក់យ៉ាងនេះថា “ទោះបីជាកម្ពុជាបានចាប់ផ្តើមយុទ្ធនាការចាក់វ៉ាក់សាំងការពារជំងឺ កូវីដ-១៩ លើកដំបូងកាលពីថ្ងៃទី១០ ខែកុម្ភៈ តែការគំរាមកំហែងនៅមានកម្រិតខ្ពស់។ ដូចនេះ សូមបងប្អូនកងទ័ព និងប្រជាពលរដ្ឋទាំងអស់ កុំមានការធ្វេសប្រហែស ហើយត្រូវបន្តការពារខ្លួនពីការចម្លងមេរោគដ៏កាចសាហាវនេះ ជាពិសេសបងប្អូនដែលធ្វើដំណើរត្រឡប់ពីប្រទេសជិតខាង ត្រូវធ្វើចត្តាឡីស័កឱ្យបានម៉ឺងម៉ាត់ ដើម្បីរួមគ្នាការពារការចម្លងចូលក្នុងសហគមន៍របស់យើង”។
សូមបញ្ជាក់ថា បើតាមលោកស្រីវេជ្ជបណ្ឌិត ឳ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានឲ្យដឹងថា យុទ្ធនាការចាក់វ៉ាក់សាំងបង្ការកូវីដ-១៩ ដែលបានចាប់ពីថ្ងៃទី១០ ហើយរហូតដល់ថ្ងៃទី១៦ ខែកុម្ភៈ មានអ្នកបានចាក់វ៉ាក់សាំងរួចចំនួន២៦១១នាក់ (ស្រី៨៥៥នាក់) និងមានអ្នកដែលត្រូវគ្រូពេទ្យមិនអនុញ្ញាតិចំនួន៦០៨ នាក់ (ស្រី៣៣៣ នាក់)។
តាមក្រសួងសុខាភិបាល រហូតមកដល់ពេលនេះ កម្ពុជាបានរកឃើញអ្នកឆ្លងវីរុសកូវីដ១៩សរុប៤៨៣ករណី ក្នុងនោះអ្នកជំងឺ៤៧០នាក់ បានជាសះស្បើយ ហើយកំពុងព្យាបាលចំនួន១៣ ករណី៕
កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត