ព័ត៌មានជាតិ
អ្នកភូមិទឹកចេញ ស្រុកទឹកផុស សំណូមពរដល់អាជ្ញាធរជួយស្ថាបនាផ្លូវ និងតបណ្ដាញអគ្គិសនីក្នុងភូមិ
ភូមិទឹកចេញ ឃុំក្បាលទឹក ស្រុកទឹកផុស ខេត្តកំពង់ឆ្នាំង គឺជាតំបន់ព្រៃភ្នំមានទីតាំងនៅជាប់ជើងភ្នំឱរ៉ាល់ដែលបច្ចុប្បន្ននេះផ្លូវលំក្នុងភូមិមានការខូចខាតដោយអន្លើ និងអ្នកស្រុកក្នុងភូមិពុំទាន់មានអគ្គិសនីប្រើប្រាស់ឡើយ ហេតុនេះហើយអ្នកស្រុកសំណូមពរដល់អាជ្ញាធរពាក់ព័ន្ធជួយស្ថាបនាផ្លូវនិង តបណ្ដាញអគ្គិសនីឱ្យអ្នកស្រុកក្នុងភូមិទឹកចេញបានប្រើប្រាស់ផងចុះ។
បុរសជាកសិករម្នាក់ ឈ្មោះ លែម ឈិន អាយុ៦៤ឆ្នាំ រស់នៅភូមិទឹកចេញ ឃុំក្បាលទឹក ស្រុកទឹកផុស ខេត្តកំពង់ឆ្នាំង នៅល្ងាចថ្ងៃទី១៧ ខែកុម្ភៈនេះ បានបញ្ជាក់ឲ្យដឹងថា លោកបានដាំចេកជាង២ ពាន់គុម្ព នៅលើដីចម្ការជាង៣ហិកតា រយៈពេល៣ឆ្នាំមកហើយ ដែលលោកបានទទួលផលពីវាជារៀងរាល់ឆ្នាំសម្រាប់ផ្គត់ផ្គង់ជីវភាពក្នុងគ្រួសារបានយ៉ាងល្អប្រសើរ។
លោក លែម ឈិន បានបញ្ជាក់ទៀតថា តម្លៃផ្លែចេកសព្វថ្ងៃនេះ គឺលោកបានលក់បោះដុំឱ្យម៉ូយ ដែលមកទទួលទិញដល់ចម្ការ ដោយក្នុងចេកមួយស្និតលក់បានថ្លៃ១៥០០រៀល ហើយក្នុង១ខែលោកអាចកាត់ផ្លែចេកលក់បាន២០០០ ទៅ ២៥០០ស្និត សម្រាប់ខែវស្សាពេលចេកសំបូរផ្លែ។ ដោយឡែកនៅក្នុងរដូវប្រាំងនេះ វិញក្នុងមួយខែលោក អាចកាត់ផ្លែចេកលក់បានប្រមាណ១០០០ ទៅ១៥០០ ស្និតតែប៉ុណ្ណោះ ព្រោះផ្លែចេកខែក្តៅមិនសូវផ្លែ។ ចំណែកត្រយូងចេកវិញក៏អាចកាត់លក់បានថ្លៃក្នុងមួយៗ ថ្លៃ៥០០រៀល ទៅ១៥០០រៀលផងដែរ តាមចេកតូចឬធំ។
ប្រជាកសិករនៅក្នុងភូមិខាងលើក៏បានបញ្ជាក់ឱ្យដឹងទៀតថា នៅក្នុងភូមិទឹកចេញបច្ចុប្បន្ននេះ ផ្លូវលំមិនសូវស្អាតល្អទេ គឺមានផលវិបាកច្រើន ចំណែកអគ្គិសនីនៅក្នុងភូមិ ក៏មិនទាន់មានប្រើប្រាស់ដែរ គឺមានតែប្រើផ្ទាំងសូឡាពន្លឺព្រះអាទិត្យតែប៉ុណ្ណោះ។ ប៉ុន្តែនៅខែវស្សាផ្ទាំងសូឡាននេះ មិនអាចស្រូបពន្លឺគ្រប់គ្រាន់សម្រាប់បញ្ចេញភ្លើងយកមកប្រើប្រាស់ឡើយ ព្រោះនៅក្នុងតំបន់នេះជាតំបន់ព្រៃភ្នំសម្បូរភ្លៀងជារៀងរាល់ថ្ងៃនៅខែវស្សា។
អាស្រ័យហេតុនេះ ពួកគាត់សំណូមពរដល់អាជ្ញាធរ និងមន្ទីរពាក់ព័ន្ធមេត្តាជួយជួសជុលផ្លូវក្នុងភូមិ និងជួយតបណ្ដាញអគ្គិសនីឲ្យបានដល់ភូមិទឹកចេញដើម្បីអ្នកស្រុកក្នុងភូមិបានប្រើប្រាស់ដោយអនុគ្រោះផងចុះ ៕
អត្ថបទ ៖ ឈៀង ថារិទ្ធ
រថយន្ត ដឹកលើសទម្ងន់លើស ពី២០%នឹងត្រូវបង់ពិន័យ និងឃាត់រថយន្តទុករយៈពេល១ឆ្នាំ
បោះជំរុំក្នុងព្រៃលួចលាក់ ជួញ ដូរសារធាតុញៀន ដោយខុសច្បាប់ត្រូវកំលាំងនគរបាលស្រុកសំរោងទងបង្ក្រាប
សម្ដេចតេជោ ហ៊ុន សែន ប្រកាសចាក់វ៉ាក់សាំង AstraZeneca
លោកជំទាវ ម៉ែន សំអន ទទួលបានម៉ាស់ចំនួន ២៥ ម៉ឺនពីក្រុមហ៊ុន រ៉ាកាន់ណាហ្គា ខេមបូឌា ហើយបន្តចែកជូនខណ្ឌទាំង១៤
វ៉ាក់សាំង AstraZeneca ចំនួន ៣២៤ ពាន់ដូសនឹងមកដល់កម្ពុជាខានស្អែកនេះ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ2 days agoវេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត
-
ព័ត៌មានអន្ដរជាតិ5 days agoរឿងមួយកុំធ្វើដាច់ខាត ក្រោយចាក់វ៉ាក់សាំងកូវីដ
-
ព័ត៌មានជាតិ1 week agoទីតាំងអាជីវកម្ម១៣ កន្លែងត្រូវអាជ្ញាធរបិទបណ្តោះអាសន្ន ពាក់ព័ន្ធព្រឹត្តិការណ៍ ២០ កុម្ភៈ
-
ព័ត៌មានជាតិ1 week agoសង្ស័យបុគ្គលិកភោជនីយដ្ឋាន នៅក្រុងតាខ្មៅ ពាក់ព័ន្ធព្រឹត្តិការណ៍ ២០ កុម្ភៈ
-
ព័ត៌មានជាតិ1 week agoព្រឹត្តិការណ៍សហគមន៍២០កុម្ភៈនឹងធ្វើឲ្យប៉ះពាល់ដល់គ្រឹះស្ថានអប់រំឯកជនថែមទៀត
-
ព័ត៌មានជាតិ7 days agoសម្តេច ហ៊ុន សែន ឲ្យត្រៀមមន្ទីរពេទ្យទាហាននិងមន្ទីពេទ្យផ្សេងទៀតដាក់អ្នកជំងឺកូវី១៩ ខណៈមានអ្នកឆ្លងកើនឡើងយ៉ាងគំហុក
-
ព័ត៌មានអន្ដរជាតិ5 days agoមូលហេតុសំខាន់មួយដែលបុរសមានហានិភ័យឆ្លងនិងស្លាប់ដោយសារកូវីដច្រើនជាងស្ត្រី
-
ព័ត៌មានជាតិ1 week agoបើកការណូតមកពីធ្វើបុណ្យជាប់ហ្គែរបុកច្រាំងស្លាប់និងរបួសច្រើននាក់
