ព័ត៌មានជាតិ
អភិបាលខណ្ឌច្បារអំពៅ ណែនាំចៅសង្កាត់ទាំង៨ចុះផ្សព្វផ្សាយឱ្យពលរដ្ឋបង្ការជំងឺកូវិដ-១៩
ភ្នំពេញ៖ លោក ចេង មុនីរ៉ា អភិបាលខណ្ឌច្បារអំពៅបានមានប្រសាសន៍ថា នៅព្រឹកថ្ងៃទី២១ ខែកុម្ភះនេះ លោកបានណែនាំដល់លោកចៅសង្កាត់ទាំង៨ក្នុងមូលដ្ឋានខណ្ឌច្បារអំពៅ ឱ្យដឹកនាំមេភូមិ ដោយមានការចូលរួមពីសមត្ថកិច្ចចម្រុះចុះផ្សព្វផ្សាយតាមខ្នងផ្ទះព្រមទាំងនាំយកម៉ាស់ អាល់កុល ជែល ចែកជូនប្រជាពលរដ្ឋដើម្បីប្រើប្រាស់ឱ្យបានគ្រប់ៗគ្នា។
លោក ចេង មុនីរ៉ា បាបបន្ថែមថា ដើម្បីទប់ស្កាត់ការចម្លងជំងឺកូវីដ-១៩ចូលដល់សហគមន៍ គឺតម្រូវឱ្យប្រជាពលរដ្ឋគ្រប់រូបត្រូវការពារ និងសំអាតកាយឱ្យបានល្អ នោះទើបមេរោគចង្រៃនេះមិនឆ្លងចូលក្នុងខ្លួនយើងបាន។
លោក យ៉ិន វុធ ចៅសង្កាត់ច្បារអំពៅទី២ បានឱ្យដឹងថា ថ្ងៃនេះលោកបានទទួលប្រសាសន៍ណែនាំពីលោក ចេង មុនីរ៉ា អភិបាលខណ្ឌច្បារអំពៅឱ្យដឹកនាំកម្លាំងចុះធ្វើការផ្សព្វផ្សាយលិខិតលេខ ២២៣ សខល ចុះថ្ងៃទី៨ ខែវិច្ឆិកា ឆ្នាំ២០២០របស់ក្រសួងសុខាភិបាលស្តីពីវិធានការណ៍ទប់ស្កាត់ជំងឺកូវិដ-១៩ កុំឲ្យឆ្លងរាលដាលដល់សហគមន៍។
លោកចៅសង្កាត់បន្តថា ការចុះផ្សព្វផ្សាយតាមខ្នងផ្ទះប្រជាពលរដ្ឋតាមគ្រប់រូបភាពក្នុងនោះក៏តម្រូវឱ្យមេភូមិ មេក្រុមទាំងអស់ត្រូវចូលរួមដោយខានមិនបាន។
ចំណែកលោក ពៅ ហួត ចៅសង្កាត់ច្បារអំពៅទី១ បានឲ្យដឹងដែរថា លោក និងលោក លោកស្រីចៅរងសង្កាត់ទាំងអស់បានចុះផ្សព្វផ្សាយតាមខ្នងផ្ទះដើម្បីសុំឱ្យប្រជាពលរដ្ឋចូលរួមទប់ស្កាត់ជំងឺកូវិដ-១៩ នេះកុំឱ្យឆ្លងដល់សហគមន៍។ ក្នុងនោះត្រូវកុំភ្លេចពីការពាក់ម៉ាស់ និងប្រើប្រាស់សាប៊ូ ឬអាល់កុល ជែល សម្រាប់លាងដៃឲ្យបានគ្រប់ៗគ្នា។
ទាក់ទិនទៅនឹងយុទ្ធនា ចុះផ្សព្វផ្សាយស្តីពីការទប់ស្កាត់ជំងឺកូវិដ-១៩ឆ្លងដល់សហគមន៍នេះ អាជ្ញាធរមូលដ្ឋានបានផ្សព្វផ្សាយដោយសំឡេងមេក្រូចល័តតាមខ្នងផ្ទះប្រជាពលរដ្ឋឱ្យយល់ដឹងពីការទប់ស្កាត់ជំងឺកូវិដ-១៩ឆ្លងចូលដល់សហគមន៍៕
អត្ថបទ៖ នរា
សូមអានព័ត៌មានពាក់ព័ន្ធ៖ សម្ដេចតេជោ ហ៊ុន សែន ប្រកាស ព្រឹត្តិការណ៍សហគមន៍លើកទី៣នៅកម្ពុជា“ព្រឹត្តិការណ៍សហគមន៍ ២០ កុម្ភៈ”
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង