ក្រសួងសុខាភិបាលរៀបចំទីតាំងយកសំណាកចំពោះជនជាតិចិន នៅកោះពេជ្រ
Connect with us
Helistar Cambodia - Helicopter Charter Services

ព័ត៌មានជាតិ

ក្រសួងសុខាភិបាលរៀបចំទីតាំងយកសំណាកចំពោះជនជាតិចិន នៅកោះពេជ្រ

Published

on

រដ្ឋលេខាធិការក្រសួងសុខាភិបាល លោកស្រី យក់ សម្បត្តិ នៅថ្ងៃនេះ បានបញ្ជាក់ថា ក្រសួងសុខាភិបាលបានរៀបចំទីតាំងយកសំណាកមួយនៅសាលសហគមន៍កោះពេជ្រ សម្រាប់សម្រួលដល់ជនជាតិចិន។

ជាមួយគ្នានេះ លោកស្រី ក៏សូមអំពាវនាវ ដែលអ្នកពាក់ព័ន្ធដែលមានការសង្ស័យថា បានប៉ះពាល់ ដោយប្រយោល ឬសង្ស័យបានជួបប្រាស្រ័យ ជាមួយករណី “ព្រឹត្តិការណ៍សហគមន៍ ២០ កុម្ភៈ” អាចអញ្ជើញមកកោះពេជ្រដើម្បីយកសំណាក និងពិគ្រោះជាមួយគ្រូពេទ្យ។

គួរបញ្ជាក់ថា នៅរសៀលថ្ងៃនេះ ក្រសួងសុខាភិបាល និងសាលារាជធានីភ្នំពេញ បានរៀបចំ និង អំពាវនាវឱ្យអ្នករត់ឡាន TAXI និងម៉ូតូកង់បី ដែលធ្លាប់បានដឹកភ្ញៀវនៅតាម២៣ទីតាំង ទៅធ្វើតេស្តរកកូវីដ-១៩​នៅស្តាតអូឡាំពិក នាវេលាម៉ោង ២រសៀល។

ក្រសួងសុខាភិបាល​បានបង្ហាញ​ជា​ផ្លូវការ​នូវ​ទីតាំង​ចំនួន​២៣​ដែល​ពាក់ព័ន្ធ​នឹង​ព្រឹត្តិការណ៍​២០​កុម្ភៈ​ ដែល​ក្នុងនោះ​មាន​ក្លិប​កម្សាន្ត ភោជនីយដ្ឋាន អា​ផាត​មិន សណ្ឋាគារ សាលារៀន ​ដែលស្ថិតនៅក្នុងខណ្ឌបឹងកេងកង, ចំការមន ដូនពេញ, ទួលគោក, ជ្រោយចង្វារ, ៧មករានិងពោធិ៍សែនជ័យ។​ ទីតាំងទាំងនេះក៏ត្រូវបានបិទរួចហើយដែរ។

ជាមួយគ្នានេះក្រសួងសុខាភិបាល បានលើកឡើងថា បុគ្គល ដែលធ្លាប់បានចេញចូលទីតាំង​ខាងលើ ពីថ្ងៃទី០៦ ដល់ថ្ងៃទី២០ ខែកុម្ភៈ ឬបុគ្គល​ពាក់ព័ន្ធទៅនឹងព្រឹត្តិការណ៍ ឬដឹងថា ខ្លួនជាអ្នកប៉ះពាល់ជាមួយ​អ្នកមានវីរុសកូវីដ១៩ ត្រូវមានភាពស្មោះត្រង់ មិនលាក់លៀម និងស្ម័គ្រចិត្ត មកធ្វើតេស្តរកមេរោគកូវីដ១៩ នៅរៀងរាល់ម៉ោងធ្វើការ នៅមណ្ឌលសុខភាពចាក់អង្រែ ក្នុងរាជធានីភ្នំពេញ។ អ្នកទាំងនេះ ក៏ត្រូវដាក់ខ្លួន​នៅដាច់ដោយឡែកពីក្រុមគ្រួសារ ធ្វើចត្តាឡីស័ក ចំនួន ១៤ថ្ងៃ នៅតាមផ្ទះរៀងៗខ្លួន ព្រមទាំងតាមដាន​សុខភាពជារៀងរាល់ថ្ងៃ។ ប្រសិនបើមានអាការៈមិនស្រួលខ្លួន ដូចជាមានឡើងកំដៅខ្លួន ក្អក ផ្តាសាយ ឈឺបំពងក ឬពិបាកដកដង្ហើម ជាដើម សូមហៅទៅលេខទូរស័ព្ទទាន់ហេតុការណ៍ ១១៥  ដើម្បីជួយអន្តរាគមន៍សុខភាពបានទាន់ពេលវេលា​។

គួរឱ្យដឹងដែរថា គិតដល់ព្រឹកថ្ងៃទី២១ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ-១៩ ពាក់ព័ន្ធព្រឹត្តិការណ៍សហគមន៍ ២០ កុម្ភៈ សរុបចំនួន ៧៦នាក់។ ដូចនេះកម្ពុជាមានអ្នកជំងឺកូវីដ-១៩ ចំនួន៥៦៨នាក់ ដោយក្នុងនោះ មានអ្នកជាសះស្បើយចំនួន ៤៧៥នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ៩៣នាក់៕

អត្ថបទ៖ ច័ន្ទ វីរៈ

សូមអានអត្ថបទពាក់ព័ន្ធ៖ បន្ទាន់! ក្រសួង អំពាវនាវអ្នករត់ឡាន TAXI និងម៉ូតូកង់បី ទៅធ្វើតេស្តរកកូវីដ-១៩

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ41 mins ago

ជនសង្ស័យ​ម្នាក់​ធ្លាប់​ជាប់គុក​១​ឆ្នាំ​ ចេញ​មក​វិញ​ខ្លាំង​លើស​ដើម​ ត្រូវ​អាវុធហត្ថ​ឃាត់​ខ្លួន​បញ្ជូន​ទៅ​​វិញ

ព័ត៌មានជាតិ1 hour ago

ខេត្ត​ព្រះសីហនុ​ប្រកាស​ផ្លាស់ប្តូរ​មន្ត្រី​សំខាន់ៗ​មួយចំនួន​ដើម្បី​ពង្រឹង​ប្រសិទ្ធភាព​ការងារ​បន្ថែម​ទៀត​

ព័ត៌មានជាតិ2 hours ago

មេប៉ូលិស​ក្រុង​ព្រមាន​ចាត់វិធានការ​តាមច្បាប់​ចំពោះ​ជន​ណា​អុកឡុក ឬ​បង្កបញ្ហា​ពេលធ្វើ​ច​ត្តា​ឡី​ស័ក

ព័ត៌មានជាតិ2 hours ago

រកឃើញឆ្លងកូវីដម្នាក់ទៀតនៅព្រះសីហនុ បិទទីតាំងសណ្ឋាគារ អេស អេស

ព័ត៌មានជាតិ2 hours ago

ធ្លាប់​លឺ​ទេ ? សត្វ​ជ្រូកព្រៃ​ខ្វេះ​មនុស្ស​ឲ្យ​ស្លាប់ ពេលនេះ​ប៉ះ​ហើយ !

Sokha Hotels

ព័ត៌មានពេញនិយម

Helistar Cambodia - Helicopter Charter Services