ថ្ងៃនេះ ក្រសួងសេដ្ឋកិច្ចនឹងបើកកិច្ចប្រជុំអន្តរក្រសួងផ្តោតលើការស្ដារឡើងវិញហេដ្ឋារចនាសម្ពន្ធខូចខាតដោយជំនន់ទឹកភ្លៀង – Kampuchea Thmey Daily
Connect with us

ព័ត៌មានជាតិ

ថ្ងៃនេះ ក្រសួងសេដ្ឋកិច្ចនឹងបើកកិច្ចប្រជុំអន្តរក្រសួងផ្តោតលើការស្ដារឡើងវិញហេដ្ឋារចនាសម្ពន្ធខូចខាតដោយជំនន់ទឹកភ្លៀង

Published

on

ភ្នំពេញ៖ក្រសួងសេដ្ឋកិច្ចនិងហិរញ្ញវត្ថុនឹងបើកកិច្ចប្រជុំ ជាមួយតំណាងមកពីក្រសួងក្រសួងធនធានទឹកនិងឧតុនិយមតំណាងមកពីក្រសួងសាធារណការនិងដឹកជញ្ជូននៅវេលាម៉ោង៩ព្រឹកនេះ នៅទីស្តីការក្រសួងសេដ្ឋកិច្ចក្រោមអធិបតីភាពលោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រីនិងជារដ្ឋលេខាធិការប្រចាំការក្រសួងសេដ្ឋកិច្ចនិងហិរញ្ញវត្ថុនិងជាសហប្រធានគណៈកម្មការអន្តរក្រសួង។

តាមរយៈលិខិតរបស់ក្រសួងសេដ្ឋកិច្ចនិងហិរញ្ញ លោក វង្សី វិស្សុតបានឲ្យដឹងថា«ខ្ញុំសូមអញ្ជើញឯកឧត្តមអនុប្រធានសមាជិកពាក់ព័ន្ធនៃគណៈកម្មាធិការគណៈកម្មការអន្តរក្រសួងដឹកនាំការងារគម្រោងកម្មវិធីអភិវឌ្ឍន៍និងជួសជុលថែទាំផ្លូវថ្នល់ស្ពានផ្លូវដែកនិងកំពង់ផែទន្លេនិងប្រព័ន្ធធារាសាស្ត្រ ម្បីចូលរួមកិច្ចប្រជុំពិភាក្សាលើគោការណ៍និងនីតិវិធីសម្រាប់អនុវត្តគម្រោងស្ដារឡើងវិញនូវហេដ្ឋារចនាសម្ព័ន្ធផ្លូវថ្នល់និងប្រព័ន្ធធារាសាស្ត្រដែលរងការខូចខាតដោយជំនន់ទឹកភ្លៀងឆ្នាំ២០២០ដែលនឹងប្រព្រឹត្តទៅនៅថ្ងៃទី៤ខែវិច្ឆិកាឆ្នាំ ២០២០ វេលាម៉ោង ៩ព្រឹកនៅទីស្តីការក្រសួងសេដ្ឋកិច្ចនិងហិរញ្ញវត្ថុ»។

យោងតាមគណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថាចាប់ពីថ្ងៃទី១ខែកញ្ញារហូតមកដល់ថ្ងៃទី២៧តុលាឆ្នាំ២០២០ជំនន់ទឹកភ្លៀងបានធ្វើឲ្យប៉ះពាល់រាជធានី-ខេត្ត ចំនួន២០ បណ្តាលឲ្យមនុស្សស្លាប់ចំនួន៤៤នាក់ ប៉ះពាល់ដល់ពលរដ្ឋជិត៦០ម៉ឺននាក់ក្នុងនោះមានជាង៤ម៉ឺន៧ពាន់នាក់ ត្រូវបានជម្លៀសទៅកន្លែងមានសុវត្ថិភាព។ផ្ទះប៉ះពាល់ប្រមា ណ១៣៤,០០៣ខ្នង និងខូចខាត៦៣ខ្នង សាលារៀនលិចទឹកប្រមាណ៩៥១កន្លែង និងវត្តលិចទឹកប្រមាណ៣០៧កន្លែង។

ផ្លូវជាតិ ផ្លូវខេត្ត ផ្លូវគ្រួសក្រហម ប៉ះពាល់ប្រមាណ៦២៧គ.ម ផ្លូវលំជនបទលិចទឹកប្រមាណ១,៦៨៥ គ.ម , ទំនប់ ប៉ះពាល់ប្រមាណ៤៩គ.ម, ប្រឡាយមេប៉ះពាល់ប្រមាណ២៧១គ.ម, ប្រឡាយរងប៉ះពាល់ប្រមាណ ២៧២គ.ម, ប្រឡាយប្រឡាយស្រោចស្រព ប៉ះពាល់ប្រមាណ១៤៦គ.ម, ច្រាំងទន្លេ ប៉ះពាល់២១៩៥ ម៉ែត្រនិងស្ពាន៨២កន្លែង៕

អត្ថបទ៖ សំអឿន

ចុច Like Facebook កម្ពុជាថ្មី

ព័ត៌មានពេញនិយម