ខេត្តកណ្តាល​ត្រៀម​សាលា​មួយ​កន្លែង​ទៀត​មាន​ចំណុះ​១០០​គ្រែ​សម្រាប់​ធ្វើជា​មណ្ឌល​ច​ត្តា​ឡី​ស័ក​ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ខេត្តកណ្តាល​ត្រៀម​សាលា​មួយ​កន្លែង​ទៀត​មាន​ចំណុះ​១០០​គ្រែ​សម្រាប់​ធ្វើជា​មណ្ឌល​ច​ត្តា​ឡី​ស័ក​

Published

on

រដ្ឋបាល​ខេត្តកណ្តាល​បានសម្រេច​យក​សាលា​វិទ្យាល័យ​ហ៊ុនសែន​តាខ្មៅ​មួយកន្លែង​ទៀត​ដែល​អាច​ផ្ទុក​គ្រែ​បាន​ចំនួន​១០០​គ្រែ​សម្រាប់​ធ្វើជា​មណ្ឌល​ច​ត្តា​ឡី​ស័ក​ដើម្បី​ត្រៀម​ដាក់​ប្រជាពលរដ្ឋ​ដែល​ប៉ះពាល់​នឹង​ព្រឹត្តិការណ៍​សហគមន៍​២០​កុម្ភៈ​។

លោក​វេជ្ជបណ្ឌិត គួ​យ​ប៊ុនធឿន​ ប្រធាន​មន្ទីរ​សុខាភិបាល​ខេត្តកណ្តាល​បាន​ឲ្យ​ដឹង​ថា ​ការ​ជ្រើសរើស​យក​សាលា​វិទ្យាល័យ​ហ៊ុនសែន​នេះ​ ដោយសារ​សាលា​នេះ​មាន​លក្ខណៈ​ធំ​ទូលាយ​អាចដាក់​មនុស្ស​បាន​ច្រើន​ដែល​អាចដាក់​គ្រែ​បាន​រហូតដល់​១០០​គ្រែ​។

លោក​បាន​បន្ត​ថា ​រហូត​មកដល់ពេលនេះ​ខេត្ត​នៅ​មិនទាន់មាន​ការ​ខ្វះខាត​ម​ណ្ឌ​ល​ច​ត្តា​ឡី​ស័ក​នៅឡើយ​ទេ​។ ​ប៉ុន្តែ​ដើម្បី​បង្ការ​ទុកជាមុន​ទើប​រដ្ឋបាលខេត្ត​បានស្នើ​សុំ​ទៅ​ក្រសួង​អប់រំ​យុវជន​និង​កីឡា វិទ្យាល័យ​ហ៊ុនសែន​តាខ្មៅ​នេះ ​សម្រាប់​ត្រៀម​ធ្វើជា​មណ្ឌល​ច​ត្តា​ឡី​ស័ក​។

ទន្ទឹម​នឹង​នេះ លោក​បាន​បន្តទៀតថា​ រ​ដ្ឋ​បាល​ខេត្ត​បាន​ត្រៀម​មន្ទីរពេទ្យ​ជ័យជំនះ​សម្រាប់​ធ្វើជា​កន្លែង​ព្យាបាល​ជំងឺ​កូ​វីដ​១៩​ផងដែរ​។

លោក​បាន​បន្ថែម​ថា ​«​ដោយ​ទទួលបាន​ការណែនាំ​ពី​ឯកឧត្តម​រដ្ឋមន្ត្រីក្រសួង​សុខាភិបាល​ឲ្យ​មន្ទីរ​រៀបចំ​មន្ទីរពេទ្យ​ជ័យជំនះ​នេះ​ត្រៀម​បម្រុង​សម្រាប់​ព្យាបាល​ជំងឺ​កូ​វីដ​១៩​នៅពេល​ដែល​មាន​អ្នកជំងឺ​កើនឡើង​»​។

លោក​បាន​បញ្ជាក់ថា​មន្ទីរពេទ្យ​នេះ​អាចដាក់​គ្រែ​អ្នកជំងឺ​បាន​ចំនួន​៥០​គ្រែ​ហើយ​មន្ទីរពេទ្យ​ក៏បាន​បណ្តុះបណ្តាល​ដល់​គ្រូពេទ្យ​រួចហើយ​ផងដែរ​។

​លោក​គង់ សោ​ភ័​ណ្ឌ អភិបាលខេត្ត​កណ្ដាល​ដែល​បាន​ដឹកនាំ​ក្រុមការងារ មន្ទីរជំនាញ​ពាក់ព័ន្ធ បាន​ចុះ​ពិនិត្យ​មណ្ឌល​ច​ត្តា​លី​ស័ក នៅ​មន្ទីរពេទ្យ​ជ័យជំនះ​កាលពី​រសៀល​ថ្ងៃទី​២៣ ខែកុម្ភៈ ឆ្នាំ​២០២១ បាន​ណែនាំ​ដល់​មន្ទីរ​សុខាភិបាល និង​ប្រធាន​ពេទ្យ​ជ័យជំនះ ត្រូវធ្វើ​ការសម្អាត​នូវ​អគារ​ដែល​បាន​ត្រៀម​ទុក ព្រមទាំង​រៀបចំ​នូវ​សម្ភារៈ គ្រឿង​បរិក្ខារ​ពេទ្យ បន្ទប់ទឹក សម្រាប់​ត្រៀម​បង្ការ ក្នុងករណី​មានការ​កើនឡើង នៅ​ប្រជាពលរដ្ឋ​ដែល​បាន​ប៉ះពាល់ ក្នុង​ព្រឹត្តិការណ៍​សហគមន៍ ២០ កុម្ភៈ​នេះ​ផងដែរ​។

លោក គ្រុយ ម៉ា​ឡែ​ន នាយក​រដ្ឋបាល​សាលា​ខេត្តកណ្តាល​បាន​ឲ្យ​ដឹង​ថា ​គិត​ត្រឹម​ថ្ងៃទី​២១​កុម្ភៈ​ឆ្នាំ​២០២១​នេះ​ខេត្ត​កណ្តាល​មាន​ប្រជាពលរដ្ឋ​ជាប់​ពាក់ព័ន្ធ​នឹង​ព្រឹត្តិការណ៍​សហគមន៍​២០​កុម្ភៈ​ចំនួន​៦៥០​នាក់​និង​បាន​យក​សំណាក់​ទៅធ្វើ​តេស្ត​ចំនួន​២៧១​នាក់​ក្នុងនោះ​មាន​១​នាក់​ឆ្លង​ជំងឺ​កូ​វីដ​១៩៕

ដោយ ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services