ត្រឹម​៥​ថ្ងៃ​មាន​អ្នក​ឆ្លង​ជំងឺ​កូ​វីដ​១៩​ក្នុង​ព្រឹត្តិការណ៍​២០​កុម្ភៈ​កើនឡើង​ដល់​ជិត​១៤០​នាក់​
Connect with us
Helistar Cambodia - Helicopter Charter Services

ព័ត៌មានជាតិ

ត្រឹម​៥​ថ្ងៃ​មាន​អ្នក​ឆ្លង​ជំងឺ​កូ​វីដ​១៩​ក្នុង​ព្រឹត្តិការណ៍​២០​កុម្ភៈ​កើនឡើង​ដល់​ជិត​១៤០​នាក់​

Published

on

​គ្រាន់តែ​ក្នុង​រយៈពេល​៥​ថ្ងៃ​ប៉ុណ្ណោះ​មាន​អ្នក​ឆ្លង​ជំងឺ​កូ​វីដ​១៩​ក្នុង​ព្រឹត្តិការ​ណ៍សហគមន៍​២០​កុម្ភៈ​បាន​កើនឡើង​រហូតដល់​ជិត​១៤០ករណី ភាគច្រើន​ជា​ជន​ជាតិចិន​ក្នុងនោះ​មាន​៣​ករណី​មាន​មេរោគ​កូ​វីដ​១៩​បម្លែង​ខ្លួន​ថ្មី​។​

យោងតាម​របាយការណ៍​របស់​ក្រសួងសុខាភិបាល​ដែល​ចេញផ្សាយ​នៅ​ព្រឹក​ថ្ងៃទី​២៤​កុម្ភៈ​នេះ ​បាន​ឲ្យ​ដឹងថា​ករណី​ឆ្លង​ជំងឺ​កូ​វីដ​១៩​ ក្នុង​ព្រឹត្តិការណ៍​សហគមន៍​២០​កុម្ភៈ ​មានការកើនឡើង​ជាបន្តបន្ទាប់​មិនមាន​ការ​ថមថយ​ទេ ​ពោលគឺ​ចាប់ពី​ថ្ងៃទី​២០​រហូតដល់​ថ្ងៃទី​២៤ ​កុម្ភៈ​នេះ ​មាន​អ្នក​ឆ្លង​ចំនួន​១៣៧​នាក់​ ស្រី​៧១​នាក់​និង​បុរស​៦៦​នាក់​។​

ជាក់ស្តែង​នៅ​ព្រឹក​នេះ ​ក្នុង​ចំ​ណោមអ្នកឆ្លង​ថ្មី​៤០​នាក់​ ក្នុងនោះ​មាន៣៨នាក់​ភាគច្រើន​ជា​ជន​ជាតិចិន​ពាក់ព័ន្ធ​នឹង​ព្រឹត្តិការណ៍​សហគមន៍​២០​កុម្ភៈ​។​

លោក ស្រី ឱ វណ្ណឌី​ន រដ្ឋលេខាធិការ​និង​ជា​អ្នក​នាំពាក្យ​ក្រ​សួង​សុខាភិបាល​បាន​ឲ្យ​ដឹងថា​ព្រឹត្តិ​ការណ៍​សហគមន៍​២០​កុម្ភៈ​នេះ​ មាន​លក្ខណៈ​ស្មុគស្មាញ​និង​ស៊ាំ​ញ៉ាំ​ជាង​ព្រឹត្តិការណ៍​សហគមន៍​២៨​វិច្ឆិកា​ដែល​បាន​បិទ​បញ្ចប់​កន្លងទៅ​ដោយ​សារ​វា​មានការ​ចម្លង​ទ្រង់ទ្រាយ​ធំ​និង​លឿន​រហ័ស​ជាង​មុន​ដែល​ទាមទារ​ឲ្យ​គ្រប់ភាគីពាក់ព័ន្ធ​ត្រូវ​រួម​សាមគ្គី​គ្នា​ឲ្យ​បាន​រឹងមាំ​ដើម្បី​ទប់ស្កាត់​ជំងឺ​កូ​វីដ​១៩​កុំ​ឲ្យ​ឆ្លង​ចូល​សហគមន៍ទ្រង់ទ្រាយ​ធំ​។​

ចំណែក​លោកស្រី លី អាយលែន​ តំណាង​អង្គការ​សុខភាព​ពិភពលោក​ប្រចាំ​នៅ​កម្ពុជា បានបង្ហាញ​ពី​ការព្រួយបារម្ភ​យ៉ាងខ្លាំង​ចំពោះ​ការផ្ទុះ​ជំងឺ​កូ​វីដ​១៩ ក្នុង​ព្រឹត្តិការណ៍​សហគមន៍​២០​កុម្ភៈ​ ព្រោះ​អាច​នឹង​ផ្ទុះ​ខ្លាំង​ចូលសហគមន៍​នៅពេល​ខាងមុខ​។​

ថ្លែង​ក្នុង​សន្និសីទកាសែត​កាលពី​ម្សិលមិញ ​នៅ​ទីស្តីការក្រសួង​លោកស្រី​បាន​ឲ្យ​ដឹងថា មេរោគ​កូ​វីដ​១៩ បាន​កំពុង​មានការ​បំប្លែង​ខ្លួន​ថ្មី ដូច្នេះ​ត្រូវតែមាន​ការប្រុងប្រយ័ត្ន​ខ្ពស់​។​ ដរាបណា​មេរោគ​នៅតែចរាចរណ៍​ នៅ​កន្លែង​ណាក៏ដោយ គឺ​ប្រជាជន​នៅតែ​បន្ត​គម្រាមកំហែង​។​

លោកស្រី​បាន​បន្តថា ​«​ពេលនេះ​កម្ពុជា​បាន​កំពុង​រងការ​វាយ​លុយ​ជា​ចង្កោម​ទ្រង់ទ្រាយ​តូច​នៅក្នុង​ស្រុក ប៉ុន្តែ​ខ្ញុំ​សូម​ថា​យើង​កំពុងជួប​ហានិភ័យ​ក្នុង​ការកើត​ផ្ទុះឡើង ជា​ទ្រង់ទ្រាយ​ធំ​នៅក្នុង​សហគមន៍​

ដូច្នេះ​យើង​ត្រូវ​ធ្វើការ​រួមគ្នា​ការពារ​កម្ចាត់​នូវ​សេណារីយូ​កុំ​ឲ្យ​វា​កើតឡើងពីព្រោះ​ករណី​កើ​ឡើង​ទ្រង់​ទ្រាយ​ធំ​នៅក្នុង​សហគមន៍​អាច​នឹងធ្វើ​ឲ្យ​ប៉ះពាល់​សុខភាពសង្គម និង​ផ្នែក​សេដ្ឋកិច្ច​»​។​

លោកស្រី​បន្ថែមថា ប្រសិនបើ​មាន​ករណី​ឆ្លង​ជំងឺ​កូ​វីដ​១៩កាន់តែច្រើន​នោះ​អាចមាន ភាព​ធ្ងន់ធ្ងរ​រហូតដល់​បាត់បង់​ជីវិតពេលនោះ​ក្នុង​មន្ទីរពេទ្យ​ឬ​ក្រសួងសុខាភិបាល​នឹង​ទទួលបន្ទុក​ធ្ងន់ធ្ងរ​៕

​អត្ថបទ ៖ សំអឿន​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ36 mins ago

អ្នក​ភ្នំពេញ​រស់នៅ​តំបន់​ផ្ទុះ​កូ​វីដ​១៩​ចង់ទៅ​ខេត្តកោះកុង​ត្រូវយក​សំណាក​និង​ធ្វើ​ច​ត្តា​ឡី​ស័ក​១៤​ថ្ងៃ​សិន

ព័ត៌មានជាតិ1 hour ago

លោក ជិន ម៉ា​លីន ពន្យល់​៣​ចំណុច​អំពី​ទិដ្ឋភាព​ច្បាប់ និង​នីតិវិធីតុលាការ ពាក់ព័ន្ធ​ព្រឹត្តិការ​ណ៏​៩ វិច្ឆិកា​

ព័ត៌មានជាតិ1 hour ago

រក​ឃើញ​អ្នក​ពាក់ព័ន្ធ​ជាង​១៥០​នាក់​ជាមួយ​ជនជាតិ​ចិន​២​នាក់ ឆ្លង​កូ​វីដ​១៩​នៅ​ខេត្តកោះកុង

ព័ត៌មានជាតិ2 hours ago

ចាប់ពិន័យបុរស​ពីរ​នាក់ នៅខេត្ត​​ព្រះសីហនុ​ម្នាក់២លាន​រៀល​ ដោយសារបំពានវិធាន​ការ​ចត្តាឡីស័ក

ព័ត៌មានជាតិ2 hours ago

បេ​ក្ខ​នារី​វគ្គ​ផ្ដាច់ព្រ័ត្រ​នៃ​កម្មវិធី​ពានរង្វាន់​ពលរដ្ឋ​គំរូ Smart ៖ កុមារ​គ្រប់រូប​មាន​សិទ្ធិ​ស្មើគ្នា​ក្នុង​ការទទួល​បានការ​អប់រំ​ប្រកបដោយ​គុណភាព

Sokha Hotels

ព័ត៌មានពេញនិយម

Helistar Cambodia - Helicopter Charter Services