ព័ត៌មានជាតិ

ប្រធានសហគមន៍អ្នកក្រីក្រ ត្រូវគេវាយបែកក្បាលសន្លប់នៅនឹងកន្លែង ខណៈចូលឃាត់ជម្លោះ

បានផុស

៣ years មុន

នៅ

ថ្ងៃពុធ ២៤ កុម្ភៈ ២០២១

ដោយ

ប្រធានសហគមន៍អ្នកក្រីក្រភូមិដើមស្លែង ត្រូវជនមិនស្គាល់មុខលបវាយពីក្រោយបណ្តាលឲ្យបែកក្បាល។ ហេតុការណ៍នេះបានកើតឡើងនៅវេលាម៉ោង២១និង៤៥នាទីយប់កាលពីថ្ងៃទី២៣ ខែកុម្ភៈ នៅចំណុចភូមិដើមស្លែងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោក នេត ឆាន់ ចៅរងទី១សង្កាត់ច្បារអំពៅទី២ បានឲ្យដឹងថា មុនពេលកើតហេតុ មានក្រុមក្មេងស្ទាវឈ្លោះប្រកែកគ្នាហើយអ្នកស្រី នូ សំអូន អាយុ៥៧ឆ្នាំ ដែលជាប្រធានសហគមន៍នឹងមានទីលំនៅចំណុចកើតហេតុ ក៏ចេញទៅឃាត់កុំឲ្យឈ្លោះគ្នា ក៏ត្រូវជនមិនស្គាល់យកដំបងវាយពីក្រោយបណ្តាលឲ្យបែកក្បាលដួលសន្លប់នៅនឹងកន្លែង ហើយត្រូវបានប្រជាពលរដ្ឋរាយការណ៍ទៅអាជ្ញាធរឲ្យយករថយន្តសង្គ្រោះទៅដឹកយកមកមន្ទីរពេទ្យបង្អែកច្បារអំពៅ ដើម្បីព្យាបាលរបួសភ្លាមៗ។

លោក នេត ឆាន់ បន្តថាតាមសាក្សីបាននិយាយប្រាប់សមត្ថកិច្ចថា ជនដែលលបវាយស្ត្រីជាប្រធានសហគមន៍នោះ គឺជាមនុស្សស្រីដែលមានលំនៅឋានមុខផ្ទះជនរងគ្រោះតែម្តង។ លោកចៅរងទី១បានបញ្ជាក់ថា បន្ទាប់ពីមានហេតុការណ៍នេះកើតឡើង លោក ចេង មុនីរ៉ា អភិបាលខណ្ឌច្បារអំពៅបានដឹកនាំកម្លាំងចុះទៅធ្វើការអង្កេតរឿងរ៉ាវនេះ ដល់ចំណុចកើតហេតុ ដើម្បីតាមចាប់មុខសញ្ញា ដែលលបវាយស្ត្រីរងគ្រោះ ដើម្បីចាត់ការតាមផ្លូវច្បាប់មិនឲ្យរួចខ្លួនឡើយ។ ដោយឡែកតម្លៃព្យាបាលរបួស គឺលោកអភិបាលខណ្ឌច្បារអំពៅជាអ្នកចេញទាំងស្រុង៕

អត្ថបទ៖ នរា

សូមចុចអាន៖ ចូលលួចកាបូបលុយបានសម្រេចគេចខ្លួនមិនរួច

Related Topics:ខណ្ឌច្បារអំពៅ