ព័ត៌មានជាតិ
នាំអាជីវករផ្សាររកាកោង មួយគ្រួសារ ទៅធ្វើចត្តាឡីស័ក មានកូនធ្វើការនៅកោះពេជ្រ
សមាជិកក្រុមគ្រួសាររបស់លោក ហែម ឈៀង រស់នៅភូមិរកាកោង ស្រុកមុខកំពូល ខេត្តកណ្តាល មានគ្នា៨នាក់ ដែលមានកូនធ្វើការនៅកោះពេជ្រ ត្រូវអាជ្ញាធរបញ្ជូនទៅធ្វើចត្តាឡីស័កនៅក្នុងវិទ្យាល័យសិរីមង្គល ស្រុកមុខកំពូល ខេត្តកណ្តាល។
ការចាត់វិធានការបន្ទាន់នេះ ត្រូវបានអាជ្ញាធរអះអាងថា ដើម្បីបង្ការការពារ ព្រោះមានសមាជិកគ្រួសារនេះធ្វើការនៅកោះពេជ្រ ជាគោលដៅដែលត្រូវប្រុងប្រយ័ត្ន។
លោក គង់ សោភ័ណ្ឌ អភិបាលខេត្តកណ្តាល បានប្រាប់កម្ពុជាថ្មីនៅថ្ងៃនេះថា លោក ហែម ឈៀង គឺជាអាជីវករលក់ដូរនៅផ្សាររកាកោង ស្រុកមុខកំពូលដែលមានកូនធ្វើការនៅកោះពេជ្រ ដែលជាចំណុចសង្ស័យរបស់មន្រ្តីសុខាភិបាល។
“ឲ្យតែអ្នកធ្វើការនៅកោះពេជ្រអាជ្ញាធរត្រូវតែយកសំណាកដើម្បីឲ្យអស់ចិត្ត ប៉ុន្តែក៏មិនស្ថិតនៅក្នុងមុខសញ្ញាពាក់ព័ន្ធដោយផ្ទាល់នោះដែរ”។
អាជ្ញាធរខេត្តកណ្តាល បានយកវិទ្យាល័យសិរីមង្គល ធ្វើជាមណ្ឌលចត្តាឡីស័ក មានក្រុមគ្រួសារលោក ហែម ឈៀង ចំនួន ៨ នាក់ និងគ្រូពេទ្យធ្វើការនៅពេទ្យបង្អែករកាកោងម្នាក់និងកូនរបស់អ្នកគ្រូពេទ្យម្នាក់។
លោកគួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានឲ្យដឹងថា អ្នកជាប់ចត្តាឡីស័កទាំង ១០ នាក់ មានការប៉ះពាល់ដោយប្រយោល ហើយការអនុវត្តនេះគ្រាន់តែជាវិធានាការប្រុងប្រយ័ត្នជាមុនប៉ុណ្ណោះ។
លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានឲ្យដឹងដែរថា ខេត្តកណ្តាលមានប្រជាពលរដ្ឋជាប់ពាក់ព័ន្ធនឹងព្រឹត្តិការណ៍សហគមន៍២០កម្ភៈចំនួន៩៤២នាក់ស្រី៥០៧នាក់និងបានយកសំណាកទៅធ្វើតេស្តចំនួន៧០៩នាក់ក្នុងនោះមាន១៨នាក់ឆ្លងជំងឺកូវីដ១៩។
ក្នុងចំណោម៩៤២នាក់នាក់នោះ បានបញ្ជួនទៅធ្វើចត្តាឡីស័កចំនួន១៩៨នាក់និង៦៩៧នាក់ធ្វើចត្តាឡីស័កនៅតាមផ្ទះរៀងៗខ្លួន៕
អត្ថបទ៖ ឡេង ដេត
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ