ស្ថានភាពកោះពេជ្រ និងអ្នកខុនដូពាក់ព័ន្ធ "ព្រឹត្តិការណ៍ ២០ កុម្ភៈ" បច្ចុប្បន្ន
Connect with us
Helistar Cambodia - Helicopter Charter Services

ព័ត៌មានជាតិ

ស្ថានភាពកោះពេជ្រ និងអ្នកខុនដូពាក់ព័ន្ធ “ព្រឹត្តិការណ៍ ២០ កុម្ភៈ” បច្ចុប្បន្ន

Published

on

បន្ទាប់ពីបិទចរាចរណ៍ចេញចូលកោះពេជ្រចាប់ពីយប់រំលងអធ្រាត្រឈានចូលថ្ងៃសៅរ៍ ដើម្បីទប់ស្កាត់ការឆ្លងមេរោគកូវីដ១៩ ចូលសហគមន៍ ក្នុង “ព្រឹត្តិការណ៍ ទី២០ ខែកុម្ភៈ” នោះមក មកដល់ពេលនេះអាជ្ញាធរបានបើកឱ្យប្រជាពលរដ្ឋធ្វើចរាចរណ៍ចេញចូលទីក្រុងកោះពេជ្រតាមច្រកទាំង៣ឡើងវិញហើយ ប៉ុន្តែសមត្ថិកិច្ចនៅតែបន្តពង្រឹងសន្តិសុខខុនដូមួយដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថេង សុថុន អភិបាល ខណ្ឌចំការមន បានប្រាប់កម្ពុជាថ្មី អំបាញ់មិញនេះថា មកដល់ពេលនេះអាជ្ញាធរបានបើកឱ្យសាធារជនធ្វើចរាចរាណ៍ចេញចូលទីក្រុងកោះពេជ្របានជាប្រក្រតីហើយ ទាំងស្ពានឥន្ទធនូ ស្ពានហង្ស និងស្ពាននាគ ប៉ុន្តែសមត្ថកិច្ចនៅតែបន្តឹងសន្តិសុខសុវត្ថិភាពដោយមិនអនុញ្ញាតឱ្យមានការចេញចូលខុនដូមួយកន្លែងដែលបានរកឃើញមានអ្នកឆ្លងមេរោគកូវីដ-១៩ពីដំបូងនោះឡើយ។

លោក ថេង សុថុន មានប្រសាសន៍បន្ត ថា៖ “ខុនដូ​ដែលពាក់ព័ន្ធនឹង “ព្រឹត្តិការណ៍ ២០ កុម្ភៈ” ហ្នឹង គឺយើងបានដាក់កងកម្លាំងទៅបិទ ដោយប្រចាំការ២៤ម៉ោង លើ២៤ម៉ោង នៅទីតាំងហ្នឹងតែម្ដង មិនឱ្យមានការចេញចូលទេ”។

លោក ថេង សុថុន បញ្ជាក់ថា នៅលើកោះពេជ្រមានតែខុនដូ Casa By Meridian មួយកន្លែងទេដែលជាប់ពាក់ព័ន្ធព្រឹត្តិការណ៍ ២០ កុម្ភៈ ដែលមានទាំងអ្នករស់នៅ រួមទាំងបុគ្គលិកបម្រើការងារនៅខុនដូនោះចំនួនជាង៣០០នាក់។    

លោក ថេង សុថុន មានប្រសាសន៍ថា៖ “ចំពោះអាជ្ញាធរ យើងបានប្រើវិធានការរឹតបន្តឹងការពារតំបន់ហ្នឹងមិនឱ្យមានការចេញចូល ប៉ុន្តែយើងបានសម្រួលអាហារហូបចុកសម្រាប់តែកម្លាំងការពារហ្នឹងទេ ដោយឡែកអ្នករស់នៅខុនដូហ្នឹងមានលទ្ធភាព និងអាចដោះស្រាយខ្លួនឯងបានហើយ ដោយកន្លងមកមិនឃើញមានបញ្ហាអ្វីពាក់ព័ន្ធនឹងការហូបចុករបស់ពួកគាត់កើតឡើងនោះទេ”។

លោកមានប្រសាសន៍បញ្ជាក់ថា៖ “អ្នករស់នៅក្នុងខុនដូ ហ្នឹង អាចទិញអីហូប គឺគេយកមកដាក់នៅមុខអ៊ីចឹងទៅ ហើយអ្នកពីក្នុងចេញពីក្រៅមកយកនៅហ្នឹងទៅ។ ចំណែកអ្នកខ្លះ ក្នុងរយៈពេលប៉ុន្មានថ្ងៃហ្នឹង គាត់មានអាហារស្តុកទុកសម្រាប់ពិសាស្រាប់ដែរ។”​

លោក ថេង សុថុន មានប្រសាន៍ថា ជាទូទៅអាជ្ញាធរមានតួនាទីតែគ្រប់គ្រងស្ថានភាពទីតាំងនានា តាមការផ្ដល់ព័ត៌មានពីខាងក្រសួងសុខាភិបាល ដោយពុំមានទិន្នន័យអ្នករស់នៅខុនដូបានឆ្លងវីរុសកូវីដ-១៩ប៉ុន្មាននាក់នោះទេ។

លោក មានប្រសាសន៍ថា៖ “នៅពេលយកសំណាកទៅធ្វើតេស្តរកមេរោគកូវីដ-១៩ ហើយលទ្ធផលបង្ហាញថាមានអ្នកវិជ្ជមាន គឺក្រុមការងារសុខាភិបាលបានមកយកអ្នកជំងឺកំឡុងម៉ោង១យប់ ដើម្បីទៅព្យាបាលរាល់យប់ ដោយយប់ខ្លះមាន៧នាក់ ឬ ម្នាក់ ២នាក់ក៏មាន”។

គួររំលឹកថា កាលពីព្រឹកថ្ងៃសៅរ៍ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសការឆ្លងកូវីដ-១៩​ចូល​សហគមន៍​លើកទី៣នៅកម្ពុជា ដែលហៅថា “ព្រឹត្តិការណ៍សហគមន៍ ២០ កុម្ភៈ” ឈានទៅដល់បិទទីតាំងពាក់ព័ន្ធមួយចំនួនដូចជា ទីក្រុងកោះពេជ្រ និង ក្លឹប N8 និងទីកន្លែងដទៃទៀត ដែលមកដល់ពេលមានមានចំនួន៦៣ទីតាំងនៅរាជធានីភ្នំពេញ។

គិតត្រឹមថ្ងៃទី២៥ ខែកុម្ភៈ ឆ្នាំ២០២១នេះ កម្ពុជាបានរកឃើញអ្នកផ្ទុកមេរោគកូវីដ-១៩ ពាក់ព័ន្ធ ការឆ្លងក្នុងសហគមន៍នៃ  “ព្រឹត្តិការណ៍ ២០ កុម្ភៈ” សរុបចំនួន១៩៤នាក់ហើយ ដោយនៅព្រឹកនេះ ក្រសួងសុខាភិបាល បានចេញសេចក្តីប្រកាសព័ត៌មានរកឃើញអ្នកឆ្លងកូវីដ-១៩ ចំនួន៥៨នាក់ទៀត។

ក្រសួងសុខាភិបាលបានបញ្ជាក់ថា ក្នុងចំណោមអ្នកជំងឺឆ្លងក្នុងសហគមន៍ទាំង៥៨នាក់ មានជនជាតិចិនចំនួន ៤១នាក់ វៀតណាម៩នាក់ ខ្មែរ៥នាក់ កូរ៉េម្នាក់ សង្ហិបុរីម្នាក់ និងជប៉ុនម្នាក់។

គួរបញ្ជាក់ថា គិតត្រឹមព្រឹកនេះ កម្ពុជាបានរកឃើញអ្នកឆ្លងកូវីដ-១៩ ចំនួន ៦៩៧នាក់ ក្នុងនោះអ្នកជាសះស្បើយចំនួន ៤៧៧នាក់ និងអ្នកកំពុងសម្រាកព្យាបាល នៅមន្ទីរពេទ្យមានចំនួន ២១៧នាក់៕

អត្ថបទ៖ ច័ន្ទ វីរៈ

សូមអានព័ត៌មានពាក់ព័ន្ធ៖

ក្រសួងសុខាភិបាលបញ្ជាក់ ការដាក់អ្នកឆ្លងកូវីដ១៩ ថាជាអ្នកដំណើរ មិនដាក់ក្នុង “ព្រឹត្តិការណ៍ ២០ កុម្ភៈ”

មនុស្ស៤២​នាក់កំពុង​សម្រាក​ព្យាបាល​ជំងឺកូវីដ-១៩ នៅ​មន្ទីរ​ពេទ្យរុស្ស៊ី​ក្នុង​ព្រឹត្តិការណ៍ សហគមន៍​២០​កុម្ភៈ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ13 mins ago

រដ្ឋបាល​ខេត្តកណ្តាល​សម្រេច​ផ្អាក​ការលក់​គ្រឿង​ស្រវឹង​គ្រប់​ប្រភេទ​ជា​បណ្ដោះអាសន្ន​

ព័ត៌មានជាតិ58 mins ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ1 hour ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ2 hours ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ3 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

Sokha Hotels

ព័ត៌មានពេញនិយម

Helistar Cambodia - Helicopter Charter Services