ព័ត៌មានជាតិ
ខេត្តព្រះសីហនុហាមពលរដ្ឋធ្វើដំណើរចល័តចេញចូលក្នុងខេត្ត ខណៈករណីឆ្លងនិងអ្នកពាក់ព័ន្ធកាន់តែច្រើន
រដ្ឋបាលខេត្តព្រះសីហនុបានហាមប្រាមប្រជាពលរដ្ឋធ្វើដំណើរចល័តចេញចូលក្នុងខេត្ត ដើម្បីទប់ស្កាត់ជំងឺកូវីដ១៩ ខណៈខេត្តនេះមានអ្នកឆ្លងជំងឺនេះរហូតដល់៨នាក់ និងមានអ្នកពាក់ព័ន្ធជាង១៥០០នាក់។
តាមសេចក្តីអំពាវនាវរបស់រដ្ឋបាលខេត្តព្រះសីហនុដែលបានចេញផ្សាយកាលពីល្ងាចថ្ងៃទី២៥កុម្ភៈបានបញ្ជាក់ថា «កុំធ្វើដំណើរចល័តចូលទៅរាជធានីភ្នំពេញឬតាមបណ្តាខេត្តផ្សេងៗទៀត ឬក្រុងស្រុកនានាចូលក្នុងខេត្តព្រះសីហនុឡើយ ត្រូវស្នាក់នៅផ្ទះនិងកន្លែងធ្វើការបើមិនមានការចាំបាច់កុំចេញក្រៅផ្ទះ»។
គិតមកដល់ថ្ងៃទី២៥ខែកុម្ភៈឆ្នាំ២០២១ រដ្ឋបាលខេត្តព្រះសីហនុមានជនបរទេសចំនួន៨នាក់មានវិជ្ជមានកូវីដ១៩និងបានយកសំណាកអ្នកដែលពាក់ព័ន្ធទៅធ្វើតេស្តចំនួន១៥៦២នាក់ស្រី៥០៣នាក់ ។
ជាមួយគ្នានេះដែររដ្ឋបាលខេត្តបានបិទទីតាំងចំនួន៦កន្លែងរួមមានសណ្ឋាគារនិងអគារស្នាក់នៅហើយក្រុមឆ្លើយតបបន្ទាន់កំពុងមមាញឹកក្នុងការស្វែងសំណាកសង្ស័យបន្ថែមទៀតផងដែរ។
រដ្ឋបាលខេត្តព្រះសីហនុ បានណែនាំដល់ប្រជាពលរដ្ឋ សាធារណជន អាជីវករក៏ដូចជាជនបរទេសទាំងឡាយ ត្រូវបង្កើនការប្រុងប្រយ័ត្នឱ្យបានតឹងរឹងបន្ថែមទៀតចំពោះការឆ្លងរីករាលដាលនៃជំងឺកូវីដ១៩ តាមរយៈការអនុវត្តតាមវិធានសុវត្ថិភាពរបស់រាជរដ្ឋាភិបាលនិងវិធានអនាម័យរបស់ក្រសួងសុខាភិបាល។
ពិសេសអនុវត្តវិធានការ៣ការពារ រួមមានពាក់ម៉ាស លេងដៃជាមួយសាប៊ូជែលឬទឹកអាកុលនិងរក្សាគម្លាតសុវត្តិភាពបុគ្គលពី១ម៉ែត្រកន្លះឡើងទៅ និង៣កុំដោយទី១កុំទៅកន្លែងណាដែលមានមនុស្សកកកុញច្រើន ទី២កុំទៅកន្លែងដែលមានបិទជិតនិងប្រើម៉ាស៊ីនត្រជាក់និងទី៣កុំអោបនិងចាប់ដៃគ្នាដើម្បីការពារកុំឲ្យឆ្លងរីករាលដាលលក្ខណៈទ្រង់ទ្រាយធំចូលសហគមន៍៕
អត្ថបទ ៖ សំអឿន
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)