រាជរដ្ឋាភិបាលកម្ពុជាអនុវត្តវិធានការច្បាប់បន្ថែម ដើម្បីទប់ស្កាត់ការរីករាលដាលនៃជំងឺ កូវីដ១៩

ដើម្បីពង្រឹងប្រសិទ្ធភាពការងារទប់ស្កាត់ការរីករាលដាលនៃជំងឺកូវីដ១៩ក្នុងសហគមន៍ រាជរដ្ឋាភិបាលកម្ពុជាយល់ព្រមជាគោលការណ៍ឱ្យអនុវត្តនូវវិធានការច្បាប់បន្ថែមចំពោះបុគ្គល និងទីតាំងដែលមិនសហការនូវវិធានការមួយចំនួនដូចខាងក្រោម៖

១, ចំពោះជនបរទេស ត្រូវបណ្ដេញចេញពីព្រះរាជាណាចក្រកម្ពុជា និងហាមចូលប្រទេសសារជាថ្មី។

២, ចំពោះជនជាតិខ្មែរ ត្រូវចាត់វិធានការតាមផ្លូវច្បាប់។

៣, ចំពោះទីតាំង ត្រូវដកហូតអាជ្ញាប័ណ្ណ និងបិទអាជីវកម្មក្នុងទីតាំង។

គួរបញ្ជាក់ថា វិធានការច្បាប់បន្ថែមនេះ ត្រូវអនុវត្តចំពោះបុគ្គលមិនអនុវត្តតាមវិធានរបស់សុខាភិបាលចំពោះការធ្វើ ចត្តាឡីស័ក បុគ្គលគេចវេសមិនព្រមចូលព្យាបាល ឫមិនសហការផ្ដល់ការសម្ភាសន៍ និងទីតាំងដែលមិនសហការផ្ដល់ព័ត៌មានការស្រាវជ្រាវ និងទប់ស្កាត់ការរីករាលដាលនៃជំងឺកូវីដ១៩។

អត្ថបទ៖ វ៉ាត វិន