ព័ត៌មានជាតិ
ឃាត់ខ្លួនមនុស្សពីរនាក់ សរសេរបំភ្លៃព័ត៌មានពាក់ព័ន្ធនឹងការចាក់វ៉ាក់សាំងកូវីដ-១៩
ភ្នំពេញ៖ សមត្ថកិច្ចបានឃាត់ខ្លួនមនុស្សពីរនាក់ដែលសរសេរបំភ្លៃព័ត៌មានពាក់ព័ន្ធនឹងការចាក់វ៉ាក់សាំងកូវីដ-១៩ ហើយគ្រោងនឹងបញ្ជូនទៅតុលាការនៅល្ងាចនេះ ដើម្បីធ្វើការកាត់ទោសទៅតាមច្បាប់។
លោក វរសេនីយ៍ឯក សាន សុខសីហា អ្នកនាំពាក្យស្នងការដ្ឋានរាជធានីភ្នំពេញបានឲ្យដឹងនៅរសៀលថ្ងៃនេះថាសមត្ថកិច្ចបានចាប់អ្នកទាំងពីរកាលពីម្សិលមិញនៅរាជធានីភ្នំពេញពីបទល្មើសជាក់ស្តែង បង្កភាពវឹកវរដល់សង្គមជាតិដោយសារតែពួកគេបានបង្ហោះនូវព័ត៌មានបំភ្លៃការពិតពាក់ព័ន្ធនឹងការចាក់វ៉ាក់សាំងកូវីដ១៩។
លោក គឹម សន្តិភាព រដ្ឋលេខាធិការក្រសួងយុត្តិធម៌មានប្រសាសន៍ថា ការបង្កើតព័ត៌មានញុះញង់បានចែងនៅក្នុងក្រមព្រហ្មទណ្ឌមាត្រា ៤៩៤ និងក្នុងមាត្រា ៤៩៥ ដែលជាមាត្រាបន្ទាប់ក្នុងក្រមព្រហ្មទណ្ឌនេះកំណត់ថា បើការញុះញង់នោះបង្កឱ្យមានភាពវឹកវរដល់សន្តិសុខសណ្តាប់ធ្នាប់សង្គមធ្ងន់ធ្ងរនឹងមានការផ្តន្ទាទោសដាក់ពន្ធនាគារពី ៦ ខែ ទៅ ២ ឆ្នាំ និងពិន័យជាប្រាក់ពី ១ លានទៅ ៤ លានរៀល។
លោក គឹម សន្តិភាព បញ្ជាក់ទៀតថា ចំពោះអ្នកដែលចាប់ផ្តើមពីការបញ្ចេញនូវព័ត៌មានមិនពិតជាការទទួលខុសត្រូវមួយតាមមាត្រា ៤៩៥ ប៉ុន្តែចំពោះអ្នកចែកចាយបន្តចង់ឬមិនចង់គឺជាប់ជំពាក់ជាកម្មវត្ថុនៃការស្រាវជ្រាវរបស់អាជ្ញាធរមានសមត្ថកិច្ច។
លោកក៏បានអំពាវនាវដល់អ្នកលេងបណ្តាញសង្គមហ្វេសប៊ុកទាំងអស់ មុននឹងចែកចាយព័ត៌មានណាមួយត្រូវពិនិត្យឲ្យបានច្បាស់លាស់ដើម្បីចៀសវាងប្រឈមនឹងការជាប់ទោសព្រហ្មទណ្ឌ៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១៨ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ២០ ម៉ោង ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា