ព័ត៌មានជាតិ

បោះជំរុំក្នុងព្រៃលួចលាក់ ជួញ ដូរសារធាតុញៀន ដោយខុសច្បាប់ត្រូវកំលាំងនគរបាលស្រុកសំរោងទងបង្ក្រាប

បានផុស

៣ years មុន

នៅ

ថ្ងៃអាទិត្យ ២៨ កុម្ភៈ ២០២១

ដោយ

មុខសញ្ញាជួញដូរគ្រឿងញៀន ដោយខុសច្បាប់ចំនួន ០៣នាក់ ដែលបោះជំរុំលួចលាក់លក់ និងប្រើប្រាស់គ្រឿងញៀន ត្រូវបានកម្លាំងនគរបាលស្រុកសំរោងទង ស្រាវជ្រាវបង្ក្រាបរឹបអូសបានវត្ថុតាងមួយចំនួន ។

នគរបាលបានឱ្យដឹងថា ដោយមានសេចក្តីរាយការណ៍ពីប្រជាពលរដ្ឋមានពីករណីជួញដូរប្រេីប្រាស់គ្រឿងញៀន ស្នងការដ្ឋាននគរបាលខេត្ដកំពង់ស្ពឺ បានដាក់បទបញ្ជារទៅអធិការដ្ឋានស្រុកសំរោង ចុះស្រាវជ្រាវនិងឈានដល់ការបង្រ្កាប ជាក់ស្ដែង នៅថ្ងៃទី២៨ ខែកុម្ភៈ ឆ្នាំ២០២១ នៅចំណុចរោងចាំចាប ភូមិតាំងតាឡាត់ ឃុំព្នាយ ស្រុកសំរោងទង ខេត្តកំពង់ស្ពឺ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រតិបត្តិការ បង្ក្រាបទីតាំងជួញដូរ និងប្រើប្រាស់គ្រឿងខាងលើនេះ ដឹកនាំដោយលោកវរសេនីយ៍ឯក ឃុត សុផល អធិការស្រុកសំរោងទង សម្របសម្រួលនីតិវិធីដោយលោក ខៃ សម្ជស្ស ព្រះរាជអាជ្ញារង នៃអយ្យការអមសាលាដំបូងខេត្ដកំពង់ស្ពឺ ។

នគរបាលបន្តទៀតថា មុខសញ្ញាជួញដូរចំនួន ០៣នាក់ ដែលត្រូវនគរបាលឃាត់ខ្លួននោះ រួមមាន៖

១-ឈ្មោះ ហៀង តាក់ ភេទប្រុស អាយុ ៣១ឆ្នាំ, ២-ឈ្មោះ សឿន ភាន់ ភេទប្រុស អាយុ ៣៩ឆ្នាំ នៅភូមិត្នោតជ្រុំ ឃុំព្នាយ ស្រុកសំរោងទង និងឈ្មោះ ភីន ណាន់ ភេទប្រុស អាយុ ១៩ឆ្នាំ នៅភូមិតាសាលឃុំជើងរាស់ ស្រុកឧដុង្គ ខេត្តកំពង់ស្ពឺ ។

នគរបាលបញ្ជាក់ថា វត្ថុតាងដកហូតបាន ម្សៅក្រាមពណស សង្ស័យជាគ្រឿងញៀនចំនួន ២៦កញ្ចប់, ទូរស័ព្ទដៃ ០១គ្រឿង និងសម្ភារៈសម្រាប់ប្រើប្រាស់គ្រឿងញៀនមួយចំនួនទៀត។

បច្ចុប្បន្នមុខសញ្ញាទាំង ០៣នាក់ត្រូវបានបញ្ជូនទៅកាន់ការិយាល័យជំនាញ នៃស្នងការដ្ឋាននគរបាលខេត្ដកំពង់ស្ពឺ ដើម្បីចាត់ការបន្តតាមនិតិវិធីបន្ត ៕

ភួង រដ្ឋា