ព័ត៌មានជាតិ

ស្នងការដ្ឋាននគរបាលខេត្តឧត្តរមានជ័យ ទទួលបានការឧបត្ថម្ភពីក្រុមហ៊ុន លឹម ហេង គ្រុប

បានផុស

៣ years មុន

នៅ

ថ្ងៃចន្ទ ១ មីនា ២០២១

ដោយ

នៅថ្ងៃទី០១ ខែមីនា ឆ្នាំ២០២១នេះ នៅប៉ុស្តិ៍នគរបាលការពារព្រំដែនគោកអូរស្មាច់ តាមខ្សែបន្ទាត់ព្រំដែនថៃ លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ ដោយមានការចូលរួមពីលោកឧត្តមសេនីយ៍ត្រីស្នងការរងទទួលការងារព្រំដែនគោក លោកមេបញ្ជាការវរៈសេនាតូចការពារព្រំដែនគោកទាំង២ (វរៈ៧០២និងវរៈ៩០៥) បានទទួលការឧបត្ថម្ភជាគ្រឿងឧបភោគ បរិភោគ និងម៉ាស់ ពីក្រុមហ៊ុន លឹម ហេង គ្រុប សរុបជាទឹកប្រាក់៤១លានរៀល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ទោ ហួត សុធី ស្នងការនគរបាលខេត្ត ក្នុងនាមគណៈស្នងការ និងកងកម្លាំងក្រោមឱវាទបាន ថ្លែងអំណរគុណចំពោះលោកឧកញ៉ា លឹម ហេង អគ្គនាយកក្រុមហ៊ុន លឹម ហេង គ្រុប ដែលបានយកចិត្តទុកដាក់ និងជួយឧបត្ថម្ភជូនដល់ស្នងការដ្ឋាន សម្រាប់កងកម្លាំងនគរបាលឈរជើងប្រចាំការការពារនៅតាមគោលដៅព្រំដែនប្រើប្រាស់ក្នុងការចួលរួមបង្ការទប់ស្កាត់ការរីករាលដាលជំងឺកូវីដ-១៩ ។

សម្ភារៈដែលទទួលបានរួមមានដូចជា ៖ អង្ករផ្កាម្លិះ ចំនួន ១០តោន, ទឹកត្រី ចំនួន ១០០យួរ, ទឹកស៊ីអ៊ីវ ចំនួន ១០០យួរ, មីជាតិ ចំនួន ១០០កេស, ត្រីខកំប៉ុង ចំនួន ១០០យួរ, ទឹកបរិសុទ្ធសិង្ហ ចំនួន១០០យួរ, ម៉ាស់ ចំនួន ២០,០០០បន្ទះ ។

ជាចុងក្រោយ លោកឧត្តមសេនីយ៍ទោស្នងការនគរបាលខេត្ត បានគោរពជូនពរចំពោះ លោកឧកញ៉ា លឹម ហេង អគ្គនាយកក្រុមហ៊ុន លឹម ហេង គ្រុប និងសហការី សូមមានសុខភាពល្អបរិបូណ៍ ប្រកបរបរជំនួញរីកចម្រើ និងជួបប្រសព្វនូវពុទ្ធពរ ៤ប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ ជាពិសេសសូមជៀសផុតពីជំងឺកូវីដ-១៩៕

អត្ថបទ ៖ ចាន់ ធី