ព័ត៌មានជាតិ
អ្នកនាំពាក្យបញ្ជាក់លើសំណុំរឿងប្លន់ ជំរិតប្រាក់ នៅបុរីអង្គរថាម្ចាស់ផ្ទះមិនមានគ្រោះថ្នាក់ទេ
លោកឧត្តមសេនីយ៍ អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានថ្លែងប្រាប់កម្ពុជាថ្មី មុននេះបន្តិចថា ជនរងគ្រោះក្នុងករណីប្លន់ និងចាប់ជំរិត នៅបុរីអង្គរភ្នំពេញ ខណ្ឌសែនសុខព្រឹកថ្ងៃទី០១ ខែមីនានេះ មិនមានបញ្ហាគ្រោះថ្នាក់អ្វីនោះទេ ហើយមកដល់ពេលនេះ សមត្ថកិច្ចកំពុងបន្តស្រាវជ្រាវលើករណីនេះបន្ថែមទៀត។
លោក អេង ហ៊ី បញ្ជាក់ថា ពាក់ព័ន្ធករណីខាងលើនេះ យើងមិនទាន់អាចលម្អិតបានទេ គ្រាន់តែអាចបញ្ជាក់បានថា កាលពីព្រឹកមិញនេះកម្លាំងរបស់យើងបង្ក្រាបបានចំនួន០៤នាក់ ដោយសារតែមានការតដៃ។
បើតាមអ្នកនាំពាក្យកងរាជអាវុធហត្ថរូបនោះ ក្រុមជនល្មើសបានប្រើអាវុធវែង១ដើម និងអាវុធខ្លីចំនួន២ដើម។ លោកថា ករណីនេះ ជាករណីប្លន់ប្រដាប់អាវុធ និងជំរិតទារប្រាក់ ហើយអ្វីដែលនៅបន្ត គឺកម្លាំងរបស់យើងកំពុងតែបន្ត។ ទាក់ទងទៅនឹងជនរងគ្រោះនៅក្នុងសកម្មភាពនៃការជម្រើសនេះ លោក អេង ហ៊ី បានបញ្ជាក់ថា ជនរងគ្រោះមានសុវត្ថិភាពទេ មិនមានបញ្ហាគ្រោះថ្នាក់អ្វីនោះទេ។
សូមរំឭកថា នៅវេលាម៉ោងប្រមាណ១១ព្រឹក ថ្ងៃទី០១ ខែមីនា ឆ្នាំ២០២១ នេះ មានករណីប្លន់ និងចាប់ជំរិតចំនួន១លានដុល្លារ លើជនរងគ្រោះ នៅក្នុងគ្រួសារមួយ ស្ថិតនៅបុរីអង្គរភ្នំពេញ ខណ្ឌសែនសុខ រាជធានីភ្នំពេញ។
ក្រោយពីមានទទួលបានព័ត៌មាននេះ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ បានដឹកនាំបញ្ជា និងបើកប្រតិបត្តិការផ្ទាល់ ក្នុងបង្ក្រាបពួកក្រុមឧក្រិដ្ឋជនទាំងនោះ។
នៅក្នុងហេតុការនោះ ក្រុមឧក្រិដ្ឋជន បានប្រើប្រាស់កាំភ្លើងវែង AK ០១ដើម និងកាំភ្លើងខ្លី០២ដើម បាញ់ស្រោចមកលើកម្លាំងកងរាជអាវុធហត្ថ ប៉ុន្តែត្រូវបានកម្លាំងអាវុធហត្ថ ប្រើសិទ្ធិការពារខ្លួន បាញ់តបតត្រឡប់ទៅវិញ បណ្តាលឲ្យក្រុមឧក្រិដ្ឋជនទាំង០៤នាក់ ស្លាប់នៅនឹងកន្លែង។
បើតាមប្រភពមួយចំនួនបានបង្ហើបថា ពួកឧក្រិដ្ឋជនទាំនោះ បានរៀបផែនការជម្រិតយកប្រាក់ចំនួន១លានដុល្លារជាមុន ទើបប្លន់សម្លាប់ម្ចាស់ផ្ទះជាក្រោយ តែសំណាងល្អ មិនបណ្តាលឲ្យជនរងគ្រោះរងគ្រោះថ្នាក់នោះទេ ហើយអ្វីដែលឈានទៅធ្វើឲ្យពួកគេបរាជ័យនោះ គឺដោយសារតែមានគ្នាគេម្នាក់រាយការណ៍ដល់ម្ចាស់ផ្ទះ។
តែទោះយ៉ាងណា មកដល់ពេលនេះ មិនទាន់មានប្រភពណាមួយ បង្ហើបពីអត្តសញ្ញាណ ឧក្រិដ្ឋជនទាំង០៤នាក់នោះនៅឡើយទេ។
តាមប្រភពមួយចំនួនបាននិយាយថា ជនចាប់ជំរិតនោះ មានគ្នាចំនួន៥ នាក់ ក្នុងនោះមាន២នាក់ជាអ្នកស្នាក់នៅធ្វើការ និងធ្លាប់បើកឡានឱ្យជនរងគ្រោះ ប៉ុន្តែបានលាឈប់។
ក្រោយមកជនល្មើសទាំង២នាក់ បានមកសុំជនរងគ្រោះនៅវិញ ប៉ុន្តែជនរងគ្រោះមិនព្រមឲ្យនៅ ទើបជនល្មើសម្នាក់ខឹងបែកគំនិត ហើយបានរៀបផែនការចាប់ជំរិត និងប្លន់តែម្តង ដោយរកបានបក្ខពួក៣ នាក់បន្ថែមទៀត។ តែសំណាងល្អ ម្នាក់ក្នុងចំណោម២ នាក់នេះបានក្បត់ និងមិនព្រមចូលសកម្មភាពជាមួយ ក៏រាយការណ៍ទៅជនរងគ្រោះ និងសមត្ថកិច្ច រហូតបានត្រៀមបង្ក្រាបចំនួន៣ថ្ងៃមុនឯណោះ៕
អត្ថបទ៖កោះកែវ
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ