ព័ត៌មានជាតិ
បឹងរាំងពេន៣ត មានរឿងតំណាលនិងក្លាយជាតំបន់ទេសចរណ៍គួរឲ្យទាក់ទាញ
អភិរក្សរាំងពេន៣ត ស្ថិតនៅក្នុងដែនគ្រប់គ្រងសហគមន៍នេសាទស្តីក្រោមរហាលសួង ក្នុងឃុំព្រែកហ្លួង ស្រុកឯកភ្នំ ខេត្តបាត់ដំបង មានចម្ងាយប្រមាណ៣០គីឡូម៉ែត្រពីទីរួមខេត្តបាត់ដំបងដែលមានផ្ទៃដីព្រៃលិចទឹកជាង៥០ហិកតា និងបឹងចំនួន៥គឺ បឹងរាំងពេន បឹង៣ត បឹងតាមាក បឹងទទឹង និងបឹងតាអួ និងត្រៀមលក្ខណៈក្លាយជាតំបន់អេកូទេសចរណ៍ធម្មជាតិ និងជលផល។
ប្រធានសហគមន៍នេសាទស្តីក្រោមរហាលសួង លោក ភី ហឿត បានឲ្យដឹងថា បឹងអភិរក្សរាំងពេន៣ត ភ្ញៀវទេសចរអាចចូលមកកម្សាន្តតាមផ្លូវទឹក កាណូតនារដូវវស្សាដោយចេញពីទីរួមខេត្តបាត់ដំបងមកហើយបើក្នុងរដូវប្រាំងអាចធ្វើដំណើរតាមរថយន្តចូលដល់បឹងនេះតែម្តង។
លោក ភី ហឿត បន្តថាក្នុងការទាក់ទាញភ្ញៀវទេសចរអាចចូលមកកម្សាន្តក្នុងតំបន់រាំងពេន៣តនេះមានការមើលព្រៃលិចទឹកដែលពោរពេញទៅដោយដើមរំដេញ មើលហ្វូងសត្វ និងស្ទួចត្រីកម្សាន្តក្នុងបឹងជាដើម។
លោក ហោ សំអាត អនុប្រធានសហគមន៍ទទួលបន្ទុកអភិរក្សបឹងរាំងពេន៣ត បានប្រាប់ថា រាំងពេន៣ត បានបង្កើតឡើងនៅឆ្នាំ២០០៧ ដោយមានការទទួលស្គាល់ និងឯកភាពពីអាជ្ញាធរភូមិ ឃុំ ស្រុក ខេត្ត រដ្ឋបាលជលផល និងក្រសួងកសិកម្មរុក្ខាប្រមាញ់និងនេសាទ ហើយការដាក់ឈ្មោះ រាំងពេន៣តនេះគឺសហគមន៍យកតាមឈ្មោះបឹងចំនួនពីរ គឺបឹងរាំងពេន និងបឹង៣ត ដែលជាកន្លែងអភិរក្សមច្ឆជាតិនាពេលបច្ចុប្បន្ន។
បើតាមមន្ត្រីសហគមន៍រូបនេះ ចំពោះឈ្មោះបឹងរាំងពេន តាមការរៀបរាប់របស់ចាស់ៗប្រាប់ថា ដោយនៅមាត់បឹងនោះមានដើមរាំងពត់ពេន ទើបបានគេឲ្យឈ្មោះបឹងនោះរាំងពេន ឯបឹង៣តពុំដឹងថាហេតុអ្វីបានចាស់ៗជំនាន់មុនហៅឈ្មោះបឹងនេះថា៣តទេ។
លោក ហោ សំអាត ថាមានកាលដំណាលដែលទាក់ទិននឹងប្រវត្តិបឹងរាំងពេន៣ត នេះចាស់ៗតែងនិទានថាដោយយកតាមការសំអាងលើកឡើងរបស់លោកតា ស៊ន ដែលរស់នៅក្នុងសហគមន៍នេះដែរបានឲ្យដឹងថា កាលពីដើមមកតំបន់បឹងទាំងពីរនេះជាភូមិសាស្ត្រព្រៃរនាមដោយតំណាលរឿងថា មានអ្នកយកឃ្មុំបានតាមដានមេឃ្មុំដោយរាយគ្នាជា៣ក្រុម ដោយអ្នកទី១ នៅពេលដែលឃើញមេឃ្មុំហើរទៅក៏ស្រែកប្រកូកទៅអ្នកទី២ដែលឈរចាំមើលឃ្មុំដែរ ក្នុងបឹង១ផ្សេងទៀត ហើយអ្នកទី២នៅពេលដែលឃើញឃ្មុំក៏ស្រែកបន្តទៅអ្នកទី៣បន្តទៀតអញ្ចឹងហើយគេកំណត់អ្នកឈរទី៣ដែលជាចំណុចបឹង៣តនោះឯង នេះគ្រាន់តែជារឿងនិទានតៗគ្នាប៉ុណ្ណោះហើយបានប្រែក្លាយជាឈ្មោះបឹងរាំងពេន៣តរៀងរហូតដល់បច្ចុប្បន្ន៕
អត្ថបទ៖កញ្ញា វ៉ាត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ