ក្រុមហ៊ុន​ល្បីឈ្មោះ​ក្នុង​ស្រុក៣​ បរិច្ចាគទឹកប្រាក់​​៣០​ម៉ឺន​ដុល្លារ ជូន​ដល់​មូលនិធិ​ត្រីចក្រ​យាន​កម្ពុជា​
Connect with us
Helistar Cambodia - Helicopter Charter Services

ព័ត៌មានជាតិ

ក្រុមហ៊ុន​ល្បីឈ្មោះ​ក្នុង​ស្រុក៣​ បរិច្ចាគទឹកប្រាក់​​៣០​ម៉ឺន​ដុល្លារ ជូន​ដល់​មូលនិធិ​ត្រីចក្រ​យាន​កម្ពុជា​

Published

on

ក្រុមហ៊ុន​ឯកជន​ល្បីៗ​ឈ្មោះ​នៅក្នុង​ស្រុក​ចំនួន៣​ បាន​បរិច្ចាគ​នូវ​ទឹកប្រាក់​ចំនួន​៣០​ម៉ឺន​ដុល្លារ ជូន​ដល់​មូលនិធិ​ត្រីចក្រយាន​កម្ពុជា​( ស៊ីក្លូ​) ដើម្បី​ជួយសម្រួល​ជីវភាព​អ្នកធាក់ស៊ីក្លូ​ក្នុង​រាជធានី​ភ្នំពេញ​អាច​ទទួលបាន​នូវ​ការហូបចុក និង​ការរស់នៅ​សមរម្យ ខណៈដែល​ពួកគាត់មាន​ជីវភាព​ក្រីក្រ​និង​ភាគច្រើន​ជា​មនុស្ស​ចាស់​ផង​នោះ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន​ទាំង៣​ ដែល​បានមក​សម្តែង​ការគួរសម និង​ផ្តល់​ថវិកា​ទាំងនេះជូន​លោក​ ឃួ​ង ស្រេង​អភិបាល​នៃ​គណៈ​អភិបាល​រាជធានី​ភ្នំពេញ កាលពី​ព្រឹក​ថ្ងៃទី​០២ ខែមិនា ឆ្នាំ​២០២១ នៅ​សាលា​រាជ​ធានី​ភ្នំពេញ ។​

ក្រុមហ៊ុន​ដែល​បរិច្ចាគ​ទឹកប្រាក់​ជូន​ដល់​មូលនិធិ​ត្រីចក្រយាន​កម្ពុជា​( ស៊ីក្លូ​)​ខាងលើនេះ​រួមមាន​៖

ទី​១ លោក អ៊ឹ​ង ស៊ីវ​ម៉េង តំណាង​លោក​ឧកញ៉ា អ៊ឹង ប៊ុន​ហ៊ូ​វ ជា​ប្រធាន​អគ្គនាយក នៃ​ក្រុមហ៊ុន អាយ​អិន​ជី ហូល​ឌី​ង (ING Holdings Co., Ltd ) ផ្តល់ជូន​ថវិកា​ចំនួន​១០​ម៉ឺន​ដុល្លារ​អាម​រិ​ក ។​ ទី​២ ក្រុមហ៊ុន​ជីប ម៉ុង ​ឧបត្ថម្ភ​នូវ​ទឹកប្រាក់​ចំនួន​១០​ម៉ឺន​ដុល្លារ​អាមេរិក​។ ទី​៣ ក្រុមហ៊ុន​ ប៉េង ហួត ឧបត្ថម្ភ​នូវ​ទឹក​ប្រាក់​ចំនួន​១០​ម៉ឺន​ដុល្លារ​ដែរ។​ សរុប​ទាំងអស់​ចំនួន​៣០​ម៉ឺន​ដុល្លារ​សហរដ្ឋអាមេរិក​ដើម្បី​ជួយ​សម្រួល​ជីវភាព​បងប្អូន​អ្នក​ធាក់​ស៊ីក្លូ ដែល​ពួកគាត់​ភាគច្រើន​ជា​មនុស្ស​ចាស់ ដែល​បាននឹងកំពុង​រកស៊ី​ធាក់​ស៊ីក្លូ នៅ​រាជធានី​ភ្នំពេញ ។​

ក្នុងឱកាស​នោះ លោក ​ឃួ​ង ស្រេង ​ក៏បាន​ថ្លែង​នូវ​អំណរ​អរគុណ​យ៉ាង​ជ្រាលជ្រៅ​ចំពោះសប្បុរស​ជន​ទាំងបី​ក្រុមហ៊ុន​ដែល​បាន​យកចិត្តទុកដាក់​ជួយ​សម្រួល​ដល់​ជីវភាព​បងប្អូន​អ្នកធាក់ស៊ីក្លូ​នៅ​ភ្នំ​ពេញ ដើម្បី​ឲ្យ​ពួកគាត់​ដោះស្រាយ​ជីវភាព​បាន​មួយ​កម្រិត​ថែមទៀត​។​

គួរ​បញ្ជាក់ថា មូលនិធិ​នេះ​ត្រូវបាន​បង្កើតឡើង​តាំងពី​ថ្ងៃទី​១៣ ​ខែមករា​ ឆ្នាំ​២០១៨​ មាន​រយៈពេល​ជាង​៣​ឆ្នាំ​មកហើយ ក្រោម​ការផ្តួចផ្តើម​រប​ស់ស​ម្តេច​តេ​ជោ​ហ៊ុនសែន ។ សម្តេច​តេ​ជោ ជា​ប្រធានកិត្តិ​យស ហើយ​លោក ឃួ​ង ស្រេង អភិបាល​រាជធានី​ភ្នំពេញ ជា​ប្រធាន​ក្រុមប្រឹក្សា​មូលនិធិ​នេះ​។​

មូលនិធិ​ត្រីចក្រយាន​កម្ពុជា​តែង​បាន​ផ្តល់ជូន​ថវិកា​ទ្រទ្រង់​ដល់​អ្នក​ប្រកបរ​បរធាក់​ស៊ីក្លូ ក្នុង​ម្នាក់​៧​ពាន់​រៀល ក្នុង​១​ថ្ងៃ ព្រមទាំង​មាន​អំណោយ​ពេល​បុណ្យទាន​ផ្សេងៗ រួមទាំង​ការផ្តល់​ជា​ឯកសណ្ឋាន​អ្នកធាក់ស៊ីក្លូ​និង​បណ្ណ័ ប​.​ស​.​ស​ដើម្បីឱ្យ​បងប្អូន​ទៅ​ព្យាបាល​ជំងឺ​ដោយ​មិន​អស់ប្រាក់​ថែមទៀត​។​

មូលនិធិ​ត្រីចក្រយាន​នេះ អាច​នឹងត្រូវ​ចំណាយ​ក្នុង​រង្វង់​ពី​២៤-៣០​ម៉ឺន​ដុល្លារ​អាមេរិក​ក្នុង​មួយឆ្នាំ ដោយ​សម្តេច​តេ​ជោ បានសម្រេច​ដាក់​ថវិកា​ចូល​មូលនិធិ​ដំបូង​៥០០​លាន​រៀល (​ប្រមាណ​១៤​ម៉ឺន​ដុល្លារ​អាមេរិក​) ហើយ​ឧបត្ថម្ភ​ប្រចាំខែ​ប្រមាណ ២​ម៉ឺន​ដុល្លារ​ថែម​ទៀតផង​៕​

អត្ថបទ ៖​ ស្រីរ័ត្ន​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services