ព័ត៌មានជាតិ
រដ្ឋមន្រី្តការបរទេសអាស៊ាន មានក្តីបារម្ភចំពោះស្ថានការណ៍នៅមីយ៉ាន់ម៉ា
រដ្ឋមន្ត្រីការបរទេសអាស៊ាន នៅថ្ងៃទី ២ ដើមខែមីនា បានសម្តែងក្រីបារម្ភចំពោះស្ថានការណ៍នៅប្រទេសមីយ៉ាន់ម៉ា បន្ទាប់ពីកើតមានរដ្ឋប្រហារ និងការតវ៉ាវប្រឆាំងពួកយោធានៅក្នុងប្រទេសអាស៊ានមួយនេះ។
ការសម្តែងក្តីបារម្ភរួមគ្នា ចំពោះស្ថានការណ៍នៅប្រទេសមីយ៉ាន់ម៉ានេះ បានធ្វើឡើងនៅក្នុងកិច្ចប្រជុំក្រៅផ្លូវការរដ្ឋមន្ត្រីការបរទេសអាស៊ាន តាមប្រព័ន្ឋវីដេអូដែលមានវត្តមាន លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា ផងដែរ។
រដ្ឋមន្រី្តការបរទេសអាស៊ានបានធ្វើការពិភាក្សាគ្នាយ៉ាងស៊ីជម្រៅ និងប្រកបដោយភាពស្មោះត្រង់ អំពីកិច្ចខិតខំប្រឹងប្រែង និងការបន្តលើកកំពស់វឌ្ឍនភាពក្នុងការកសាងសហគមន៍អាស៊ាន ការពង្រឹងពង្រីកទំនាក់ទំនងរបស់អាស៊ាន ជាមួយដៃគូខាងក្រៅ និងការពង្រឹងមជ្ឈភាពរបស់អាស៊ាន នៅក្នុងនិម្មាបនកម្មតំបន់ដែលកំពុងវិវត្ត។
រដ្ឋមន្រី្តទាំងអស់ក៏បានយល់ស្របគ្នាអំពីភាពចាំបាច់បន្ទាន់ ដែលត្រូវបង្កើនកិច្ចប្រឹងប្រែងរួមគ្នារបស់អាស៊ាន ដើម្បីឆ្លើយតបជំងឺរាតត្បាតកូវីដ-១៩ ហើយនិងស្តារឡើងវិញនូវស្ថានភាពសេដ្ឋកិច្ចសង្គម ដែលរងផលប៉ះពាល់ពីជំងឺនេះ។
រដ្ឋមន្រី្តការបរទេសអាស៊ាន ក៏បានផ្លាស់ប្តូរយោបល់ផងដែរ លើបញ្ហាតំបន់ និងអន្តរជាតិ ដែលជាក្តីបារម្ភ និងចំណាប់អារម្មណ៍រួមគ្នា រួមទាំងការវិវឌ្ឍនៃស្ថានការណ៍បច្ចុប្បន្ននៅប្រទេសមីយ៉ាន់ម៉ា។
រដ្ឋមន្ត្រីការបរទេសសិង្ហបុរី លោក Vivian Balakrishnan អំពាវនាវឲ្យ មានការដោះលែងមេដឹកនាំលោកស្រី អ៊ុងសាន ស៊ូជី ជាបន្ទាន់ ហើយកិច្ចប្រជុំនោះ នឹងត្រូវស្តាប់ការបកស្រាយរបស់តំណាងអាជ្ញាធរយោធាមីយ៉ាន់ម៉ាផងដែរ។ ហើយក៏លោកជំរុញឲ្យអាជ្ញាធរយោធាមីយ៉ាន់ម៉ាបញ្ឈប់ពីការប្រើប្រាស់កម្លាំងហួសហេតុ នឹងត្រូវចាត់វិធានការជាបន្ទាន់ ដើម្បីសម្រាលស្ថានការណ៍ ដើម្បីទប់ស្កាត់ការបង្ហូរឈាម អំពើហិង្សានិងការស្លាប់បន្ថែមទៀត និងបានជំរុញផងដែរ ឲ្យគ្រប់ភាគីទាំងអស់នៅក្នុងប្រទេសមីយ៉ាន់ម៉ា ចូលរួមកិច្ចពិភាក្សា ដើម្បីស្វែងរកដំណោះស្រាយនយោបាយរយៈពេលវែង រួមទាំងវិធីដើម្បីវិលត្រឡប់ទៅរកផ្លូវនៃការឈានទៅរកលទ្ធិប្រជាធិបតេយ្យ។
លោកជឿជាក់ថា រឿងនេះអាចចាប់ផ្តើមបាន លុះត្រាតែលោកប្រធានាធិបតី Win Myint, ទីប្រឹក្សារដ្ឋ និងជារដ្ឋមន្ត្រីក្រសួងការបរទេសលោកស្រី អ៊ុងសាន ស៊ូជី និងអ្នកជាប់ឃុំនយោបាយផ្សេងទៀតត្រូវបានដោះលែង។
សូមរំឭកថា កាលពីថ្ងៃទី១ ខែកុម្ភៈ ឆ្នាំ២០២១ រដ្ឋប្រហារយោធាមួយបានកើតឡើងនៅប្រទេសមីយ៉ាន់ម៉ា ដោយបានធ្វើការចាប់ខ្លួនលោកស្រី អ៊ុងសាន ស៊ូជី និងប្រធានាធិបតី វីន ម្យីន ព្រមទាំងមនុស្សសំខាន់ៗជាច្រើនទៀត។
ក្រោយពីរដ្ឋប្រហារយោធានេះបានកើតឡើង ការតវ៉ាប្រឆាំងទៅនឹងរដ្ឋប្រហារយោធានេះ បានកើតឡើងជាបន្តបន្ទាប់ពីសំណាក់ប្រជាពលរដ្ឋ មន្ត្រីរាជការ និងកងកម្លាំង ដែលមិនគាំទ្ររបបយោធានេះ ហើយសកម្មភាពនៃការតវ៉ាប្រឆាំងរដ្ឋប្រហារយោធានេះ ក៏ទទួលរងនូវការបង្ក្រាបដោយអំពើហឹង្សាផងដែរ ពីសំណាក់កងកម្លាំង ដែលគាំទ្ររបបយោធានេះ ហើយកាលពីថ្ងៃអាទិត្យចុងសប្តាហ៏កន្លងទៅនេះ ក្រុមអ្នកតវ៉ានៅក្នុងប្រទេសមីយ៉ាន់ម៉ា ក៏បានទទួលរងនូវការបង្ក្រាបយ៉ាងចាស់ដៃមួយទៀត ពីកងកម្លាំងសន្តិសុខ និងបានបណ្តាលឲ្យមនុស្សយ៉ាងតិច១៨នាក់បានស្លាប់ និងរាបសិននាក់រងរបួស ខណៈពួកគេកំពុងដើរក្បួនតវ៉ា៕
អត្ថបទ៖កោះកែវ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ