ព័ត៌មានជាតិ
យកដីការជូនដំណឹងពីសាលក្រមផ្ដន្ទាទោស សម រង្ស៊ី និងបក្សពួក បិទនៅសាលាសង្កាត់
នៅវេលាម៉ោងប្រមាណ២រសៀល ថ្ងៃទី០៣ ខែមីនា ឆ្នាំ២០២១នេះ សមត្ថកិច្ចបានយកដីកាជូនដំណឹងអំពីសាលក្រមផ្តន្ទាទោសលើលោក សម រង្ស៊ី និងបក្ខពួកចំនួន០៩នាក់ ទៅបិទនៅសាលាសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដែលសាលក្រមនេះ បានប្រកាសជាសាធារណៈកាលពីថ្ងៃទី០១ ខែមីនា កន្លងទៅថ្មីៗនេះ។
បើតាមសេចក្តីជូនដំណឹងនោះ សាលាដំបូងរាជធានីភ្នំពេញបានសម្រេច៖ ទី១. ផ្ដន្ទាទោសឈ្មោះ សម រង្ស៊ី ដាក់ពន្ធនាគារកំណត់រយៈពេល២៥ឆ្នាំ។ ទី២. ឈ្មោះ មូរ សុខហួរ និងឈ្មោះ អេង ឆៃអ៊ាង ដាក់ពន្ធនាគារកំណត់ក្នុងម្នាក់ៗរយៈពេល ២២ឆ្នាំ។ ទី៣. ឈ្មោះ ជូឡុង ស៊ូមូរ៉ា, ឈ្មោះ ម៉ែន សុថាវរិន្ទ្រ, ឈ្មោះ អ៊ូ ច័ន្ទឫទ្ធិ, ឈ្មោះ ហូរ វ៉ាន់, ឈ្មោះឡុង រី និងឈ្មោះ នុត រំដួល ត្រូវបានដាក់ពន្ធនាគារក្នុងម្នាក់ៗកំណត់រយៈពេល២០ឆ្នាំ។បើតាមសាលក្រមនោះ ក្រៅពីផ្ដន្ទាទោសតាមកំណត់ខាងលើ អ្នកទាំងនោះ ក៏ត្រូវបានដកសិទ្ធិពលរដ្ឋជាស្ថាពរផងដែរ ដែលក្នុងនោះរួមមាន៖ សិទ្ធិបោះឆ្នោត, សិទ្ធឈរឈ្មោះឲ្យគេបោះឆ្នោត និងសិទ្ធិបំពេញការងារជាមន្ត្រីក្របខ័ណ្ឌមុខងារសាធារណៈ។
តាមសាលក្រមដដែល តុលាការក៏បានបង្គាប់ឲ្យសមត្ថកិច្ចចាប់ខ្លួនជនជាប់ចោទឈ្មោះ សម រង្ស៊ី, ឈ្មោះ មូរ សុខហួរ, ឈ្មោះ អេង ឆៃអ៊ាង, ឈ្មោះ អ៊ូ ច័ន្ទឫទ្ធិ, ឈ្មោះ ហូរ វ៉ាន់, ឈ្មោះ ឡុង រី, ឈ្មោះ ម៉ែន សុថាវរិន្ទ្រ, ឈ្មោះ ជូឡុង សូមួរ៉ា និងឈ្មោះ នុត រំដួល ដើម្បីយកមកអនុវត្តទោស តាមអំណាចសាលក្រមនេះ តាមបញ្ញត្តិមាត្រា៣៥៣ នៃក្រមនីតិវិធីព្រហ្មទណ្ឌ ផងដែរ។
ជាមួយគ្នានោះតុលាការ បានបង្គាប់ឲ្យជនជាប់ចោទឈ្មោះ សម រង្ស៊ី, ឈ្មោះ មូរ សុខហួរ, ឈ្មោះ អេង ឆៃអ៊ាង, ឈ្មោះ អ៊ូ ច័ន្ទឫទ្ធិ, ឈ្មោះ ហូរ វ៉ាន់, ឈ្មោះ ឡុង រី, ឈ្មោះ ម៉ែន សុថាវរិន្ទ្រ, ឈ្មោះ ជូឡុង សូមួរ៉ា និងឈ្មោះ នុត រំដួល រួមគ្នាសងសំណងការខូចខាតជាប្រាក់ចំនួន ១.៨០០.០០០.០០០ (មួយពាន់ប្រាំបីរយលាន) រៀល ទៅឱ្យរាជរដ្ឋាភិបាលនៃព្រះរាជាណាចក្រកម្ពុជា។
សូមបញ្ជាក់ថា កាលពីថ្ងៃទី០១ ខែមីនា ឆ្នាំ២០២១ ចៅក្រមសាលាដំបូងរាជធានីភ្នំពេញ បានបើកសវនាការប្រកាសសាលក្រមកាត់ទោសលោក សម រង្ស៉ី និងបក្ខពួក ក្នុងសំណុំរឿង “ឧបឃាត” តាមមាត្រា២៧ និង៤៥១ នៃក្រមព្រហ្មទណ្ឌ ដែលសំណុំរឿងនេះមានជនជាប់ចោទចំនួន០៩នាក់ខាងលើនេះ (ឈ្មោះ ឈ្មោះ សម រង្ស៊ី, ឈ្មោះ មូរ សុខហួរ, ឈ្មោះ អេង ឆៃអ៊ាង, ឈ្មោះ អ៊ូ ច័ន្ទឫទ្ធិ, ឈ្មោះ ហូរ វ៉ាន់, ឈ្មោះ ឡុង រី, ឈ្មោះ ម៉ែន សុថាវរិន្ទ្រ, ឈ្មោះ ជូឡុង សូមួរ៉ា និងឈ្មោះ នុត រំដួល)។
សម រង្ស៉ី និងបក្ខពួក ត្រូវបានចោទប្រកាន់ពីបទ “ឧបឃាត” តាមមាត្រា២៧ និង៤៥១ នៃក្រមព្រហ្មទណ្ឌ ពាក់ព័ន្ធការប៉ុនប៉ងធ្វើរដ្ឋប្រហារ ផ្ដួលរំលំរាជរដ្ឋាភិបាលស្របច្បាប់ ក្រោមឧបាយកលជាផែនការនៃការវិលត្រឡប់ចូលប្រទេសកម្ពុជា អំឡុងព្រឹត្តិការណ៍ ០៩ វិច្ឆិកា ២០១៩៕
កោះកែវ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)