លំហាត់កាយតាមផ្លូវសម្មាធិអប់រំចិត្តអាចជួយបំបាត់ជំងឺឈឺថ្កាត់​​មួយ​ចំនួន​ដែរ

តាមការប្រតិបត្តិរបៀបលំហាត់កាយសម្មាធិធម៌អប់រំផ្លូវចិត្តត្រូវបានបង្ហាញជាសាធារណៈថាវិធីនេះអាចជួយបំបាត់ជំងឺជា​ច្រើន​មុខ ក្នុងពេលដែលពុទ្ធបរិស័ទយើងចង់សិក្សាស្វែងយល់ពីធម៌សម្មាធិនេះ។

ឧបាសិកាអ្នកគ្រូ ចិន្តា ដែលជាគ្រូបង្ហាត់តាមផ្លូវសម្មាធិអប់រំផ្លូវចិត្ត ផ្លូវកាយបានឲ្យដឹងថា អ្នកប្រតិបត្តិតាមផ្លូវសម្មាធិនេះយូរឆ្នាំមកហើយ។ ទើបតែប៉ុន្មានឆ្នាំចុងក្រោយនេះ អ្នកប្រតិបត្តិតាមផ្លូវសម្មាធិភាគច្រើនឆាប់ជាពីជំងឺក្រពះពោះរៀន ផ្តាសាយ រលាកច្រមុះ លើសឈាម លើសជាតិខ្លាញ់ ក្រហាយក្នុងទ្រូង ឈឺក្បាលជា​ដើម​។ ឧបាសិកាអ្នកគ្រូ ចិន្តាបន្តទៀតថា ពុទ្ធបរិស័ទប្រុសស្រីដែលមានវ័យចំណាស់បានមកចូលរៀនផ្លូវសម្មាធិនេះចំនួន១១វគ្គមកហើយដោយក្នុង១វគ្គចំនួន២៥នាក់ទៅ៣០នាក់។

បច្ចុប្បន្ននេះ ទីកន្លែងសាលសម្មាធិអប់រំផ្លូវចិត្តនេះមានពីរកន្លែង ដោយ១កន្លែងនៅភ្នំពេញនិង១កន្លែងថ្មីទៀតនៅសៀមរាប។

ចំពោះវិធីសម្មាធិនេះតាមការបញ្ជាក់របស់អ្នកគ្រូ ចិន្តា ថាវិធីសាស្ត្រធម៌សម្មាធិជួយព្យាបាលផ្លូវកាយនិងផ្លូវចិត្ត ពិសេសជំងឺដម្កាត់ក្នុងខ្លួនយើងតែម្តងហើយការឆ្លងវគ្គសម្មាធិនេះប្រើរយៈពេលតែ១អាទិត្យប៉ុណ្ណោះ៕

កញ្ញា វ៉ាត.