ព័ត៌មានជាតិ

បន្ទាន់! អ្នកខេត្តព្រះសីហនុកំពុងមានអាការៈសង្ស័យ ត្រូវទៅធ្វើតេស្តរកកូវីដ១៩ បើបានទៅ៤ទីតាំងនេះ

បានផុស

៣ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

រដ្ឋបាលខេត្តព្រះសីហនុ នេះថ្ងៃទី០៤ ខែមីនា ឆ្នាំ២០២១នេះ បានប្រកាសសូមអញ្ជើញបងប្អូនដែលមានរោគសញ្ញា ដូចជាគ្រុនក្ដៅ ក្អក កណ្ដាស់ ឈឺបំពង់ក ឬពិបាកដកដង្ហើម និងអាជីវករលក់ដូរ ព្រមទាំងអ្នកដែលបានចេញចូលទីតាំងហាងលក់គ្រឿងអគ្គិសនី ស្ថិតនៅសណ្ឋាគារ មីង ហួយ ផ្សារក្ដាម និងផ្សារពាណិជ្ជកម្ម សូមអញ្ជើញទៅធ្វើតេស្តសំណាក នៅសាលាបឋម-អនុវិទ្យាល័យ តេជោសែនកម្មករ ឲ្យបានឆាប់បំផុត។ ចំពោះបុគ្គលដែលមិនមានរោគសញ្ញា ឬប៉ះពាល់ដោយប្រយោល សូមតាមដានសុខភាពរបស់ខ្លួន និងត្រូវធ្វើចត្តាឡីស័ករយៈពេល១៤ថ្ងៃ នៅផ្ទះរៀងៗខ្លួន រាប់ចាប់ពីថ្ងៃដែលមានការពាក់ព័ន្ធតទៅ ដើម្បីចូលរួមការពារ ទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តព្រះសីហនុ បានជម្រាបជូនសារធាណៈជនឱ្យបានជ្រាបថា នៅថ្ងៃទី២ ខែមីនា ឆ្នាំ២០២១ កន្លងមក ក្រុមឆ្លើយតបបន្ទាន់នៃមន្ទីរសុខាភិបាលខេត្ត បានយកសំណាកតេស្តពីបុរសជនជាតិចិន អាយុ ៣៤ឆ្នាំ និងស្រ្តីជាសង្សារម្នាក់ ស្នាក់នៅក្នុងហាងលក់គ្រឿងអគ្គិសនី ស្ថិតក្នុងសណ្ឋាគារ មីង ហួយ (Min Hui) ផ្លូវ២៨មិថុនា ភូមិ១ សង្កាត់លេខ៣ ក្រុងព្រះសីហនុ ខេត្តព្រះសីហនុ។

នៅថ្ងៃទី០២ ខែកុម្ភៈ ឆ្នាំ២០២១ ដោយមានអាការៈក្ដៅខ្លួនខ្លាំង ទើបគាត់ជាមួយសង្សារបានជិះរថយន្តផ្ទាល់ខ្លួនទៅពិនិត្យសុខភាព និងយកសំណាកនៅមន្ទីរពេទ្យបង្អែកខេត្តព្រះសីហនុ។ នៅថ្ងៃទី០៣ ខែមីនា ឆ្នាំ២០២១ ចេញលទ្ធផលវិជ្ជមានវីរុសកូវីដ១៩ ទើបក្រុមគ្រូពេទ្យនាំពួកគាត់ទាំងពីរនាក់ មកព្យាបាល។

តាមលទ្ធផលសម្ភាសន៍អំពីសកម្មភាពដំណើរឆ្លងកាត់ ពួកគេទាំងពីរបានឆ្លងកាត់ទីតាំងមួយចំនួន តាមម៉ោងដូចមានក្នុងសេចក្ដីប្រកាសខាងក្រោម៖

គួរបញ្ជាក់ថា គិតមកដល់ម៉ោង ០៨:៣០ ព្រឹកថ្ងៃទី៤ ខែមីនា ឆ្នាំ២០២១នេះ នាយកដ្ឋានប្រយុទ្ធនឹងជំងឺឆ្លងបានរកឃេីញករណីជំងឺកូវីដ-១៩ សរុបចំនួន ៣១នាក់ ក្នុងនោះឆ្លងសហគមន៍ ២៨នាក់ និង ករណីនាំចូល៣នាក់ ដោយករណីឆ្លងសហគមន៍នៅភ្នំពេញមានចំនួន ១៣នាក់ (សហគមន៍ ១០នាក់ នាំចូល ៣នាក់) និង ក្រុងព្រះសីហនុ ១៨នាក់) និងមានជាសះស្បេីយ ២នាក់។ ដូច្នេះចំនួនករណីជំងឺកូវីដ-១៩ក្នុងប្រទេសកម្ពុជាសរុប កេីនដល់៩០៩នាក់ ចំនួនសំរាកពេទ្យកេីន ៤២៥នាក់ និងចំនួនជាសះស្បេីយសរុប ៤៨៤នាក់៕

អត្ថបទ៖ ច័ន្ទ វីរៈ

សូមអានព័ត៌មានបន្ត៖

ខេត្តបីមានហានិភ័យខ្ពស់ មានអាទិភាពទទួលវ៉ាក់សាំង AstraZeneca
តើពេលនេះរោងចក្រ Y & W មានស្ថានភាពដូចម្ដេច ក្រោយពេលរកឃើញកម្មករមានកូវីដ-១៩?