ព័ត៌មានជាតិ
ស្ថានទូតរំឭកកុំឲ្យមហាជនជឿពាក្យចចាមអារ៉ាមរឿងជនជាតិចិនឆ្លងកូវីដស្លាប់
ស្ថានទូតនៃសាធារណរដ្ឋប្រជាមានិតចិនប្រចាំនៅកម្ពុជា បានប្រាប់កុំឲ្យមហាជនជឿលើពាក្យចចាមអារាម ទាក់ទងករណីជនជាតិចិនម្នាក់ដែលបានស្លាប់ ខណៈកំពុងដាក់ព្យាបាលជំងឺកូវីដ-១៩ នៅមណ្ឌលចត្តាឡីស័ករាជធានីភ្នំពេញ នេះបើតាមសេចក្តីថ្លែងការណ៍របស់ស្ថានទូតចិនស្តីពីមរណភាពរបស់ពលរដ្ឋចិនកាលពីថ្ងៃទី៤ ខែមីនា នៅមណ្ឌលចត្តាឡីស័កព្រែព្នៅ។
បើតាមស្ថានទូត កាលពីថ្ងៃទី៤ ខែមីនា មានវីដេអូខ្លីៗ ជាច្រើនបានផ្សព្វផ្សាយតាមអ៊ិនធឺណិត ដែលឆ្លុះបញ្ចាំងពីការស្លាប់ភ្លាមៗរបស់ពលរដ្ឋចិននៅមជ្ឈមណ្ឌលព្យាបាលជំងឺរលាកសួតថ្មីមួយ នៅរាជធានីភ្នំពេញ ប្រទេសកម្ពុជា។ ស្ថានទូតបន្តថា មានអ្នកខ្លះគិតថា គាត់ស្លាប់ដោយសារការព្យាបាលមិនបានល្អ។
បន្ទាប់ពីបានដឹងអំពីរឿងនេះ ស្ថានទូតចិនប្រចាំនៅកម្ពុជា បានទាក់ទងទៅក្រសួងមហាផ្ទៃកម្ពុជា ក្រសួងសុខាភិបាល និងនាយកដ្ឋាននគរបាលរាជធានីភ្នំពេញ ដើម្បីជំរុញឲ្យភាគីកម្ពុជាស្វែងរកមូលហេតុនៃការស្លាប់ឲ្យបានឆាប់បំផុត។
ក្រសួងសុខាភិបាលកម្ពុជា បានរៀបចំអ្នកជំនាញ ដើម្បីស៊ើបអង្កេតរកមូលហេតុ នៃការស្លាប់របស់គាត់ ហើយបានរកឃើញថា មានកំហាប់ថ្នាំមេតំហ្វេតាមីនខ្ពស់នៅក្នុងទឹកនោមរបស់អ្នកស្លាប់ ហើយក្រុមអ្នកជំនាញជឿជាក់ថា គាត់បានស្លាប់ដោយសារជំងឺរលាកសួត ដោយសារគាត់ប្រើថ្នាំមេតំហ្វេតាមីនច្រើនពេកបណ្តាលឱ្យគាំងបេះដូង។
ស្ថានទូតចិនប្រចាំនៅកម្ពុជា ក៏បានចូលរួមរំលែកទុក្ខចំពោះមរណភាពរបស់ពលរដ្ឋចិន និងចូលរួមរំលែកទុក្ខដល់ក្រុមគ្រួសារសព និងបានសន្យាជួយក្រុមគ្រួសារ ដោះស្រាយបញ្ហាដែលពាក់ព័ន្ធ។
ទន្ទឹមនឹងនេះ ស្ថានទូបានរំលឹកជាថ្មីម្តងទៀតយ៉ាងឱឡារិកដល់មនុស្សគ្រប់គ្នាថា មិនត្រូវផ្សព្វផ្សាយ ឬជឿលើពាក្យចចាមអារាមឡើយ។ ជនជាតិចិនម្នាក់ឈ្មោះ ឡាយ ប៊ីនស៊ាង (Lay Binxiang) ភេទប្រុស អាយុ៣៤ ឆ្នាំ បានស្លាប់នៅវេលាម៉ោង៩ ព្រឹកថ្ងៃទី០៤ ខែមីនា ឆ្នាំ២០២១ នៅអំឡុងពេលទទួលការព្យាបាលជំងឺកូវីដ-១៩ នៅមណ្ឌលព្យាបាលកូវីដ-១៩ ព្រែកព្នៅ រាជធានីភ្នំពេញ។
បុរសជនជាតិចិននេះ មានទីកន្លែងកំណើត ខេត្តហ្វ៊ូជាន ប្រទេសចិន កាន់លិខិតឆ្លងដែនលេខ EH5340113 ស្ម័គ្រនៅសណ្ឋាគារ ខូល័រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ បុរសជនជាតិចិននេះ បានចូលមកដល់ប្រទេសកម្ពុជា (ខេត្តព្រះសីហនុ) នៅថ្ងៃទី២៥ ខែតុលា ឆ្នាំ២០១៩ ហើយបានយកសំណាកធ្វើតេស្តជំងឺកូវីដ-១៩ នៅថ្ងៃទី២៨ ខែកុម្ភៈ ឆ្នាំ២០២១។
ក្រោយពីធ្វើតេស្តបានចេញលទ្ធផលវិជ្ជមានជំងឺកូវីដ-១៩ ហើយបានដាក់ឲ្យសម្រាកព្យាបាលនៅមណ្ឌលព្យាបាលជំងឺកូវីដ-១៩ ព្រែកព្នៅនៅថ្ងៃទី០១ ខែមីនា ឆ្នាំ២០២១។ ក្រសួងសុខាភិបាលបញ្ជាក់ថា ជនជាតិចិនរូបនោះជាមនុស្សជក់បារីច្រើន ហើយមុនពេលស្លាប់អ្នកជំងឺ បាននិងកំពុងសម្រាកព្យាបាលនៅមណ្ឌលព្យាបាលជំងឺកូវីដ-១៩ ព្រែកព្នៅ ដោយមានលទ្ធផលវិភាគវត្ថុសំណាក់មានវិជ្ជមានជំងឺកូវីដ-១៩ ដោយមិនមានរោគសញ្ញា។
ក្រោយពីក្រុមការងារកោសលវិច្ច័យបានពិនិត្យសាកសពនៅថ្ងៃទី០៤ ខែមីនា ឆ្នាំ២០២១ ឃើញថា មានសារធាតុអំហ្វេតាមីនខ្ពស់។ ដូច្នេះបុគ្គលនេះបានប្រើប្រាស់សារធាតុញៀនប្រភេទអំហ្វេតាមីនក្នុងរយៈពេលយូរមកហើយ។
បើតាមសេចក្តីសន្និដ្ឋានបញ្ជាក់ថា “អ្នកជំងឺទទួលមរណភាពភ្លាមៗ ដោយសភាពរើមេថ្នាំញៀនធ្ងន់ធ្ងរ បណ្ដាលឱ្យគាំងបេះដូងស្លាប់ភ្លាមៗតែម្ដង”៕
អត្ថបទ៖ កោះកែវ
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ២២ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល