ជប៉ុនផ្តល់ជំនួយជាង១១ម៉ឺនដុល្លារដល់កម្ពុជាដើម្បីលើកកម្ពស់ការអប់រំកាយ និងអនាម័យនៅតាមសាលារៀន
Connect with us
Helistar Cambodia - Helicopter Charter Services

ព័ត៌មានជាតិ

ជប៉ុនផ្តល់ជំនួយជាង១១ម៉ឺនដុល្លារដល់កម្ពុជាដើម្បីលើកកម្ពស់ការអប់រំកាយ និងអនាម័យនៅតាមសាលារៀន

Published

on

រាជរដ្ឋាភិបាលជប៉ុនបានផ្តល់ជំនួយឥតសំណងសម្រាប់គម្រោងទ្រង់ទ្រាយតូចផ្នែកវប្បធម៌គូសាណូណិ និងគម្រោងទ្រង់ទ្រាយតូចសន្តិសុខមនុស្សជាតិគូសាណូណិ ដែលមានទឹកប្រាក់សរុប១១៦,១៧៤ដុល្លារអាមេរិកដល់កម្ពុជា សម្រាប់យកទៅអនុវត្តផ្នែកអប់រំកាយសម្បទា និងអនាម័យនៅតាមសាលារៀននៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីផ្តល់ជំនួយនេះបានចុះហត្ថលេខាដោយលោក មិកាមិ ម៉ាសាហ៊ីរ៉ូ ឯកអគ្គរាជទូតប្រទេសជប៉ុនប្រចាំនៅកម្ពុជាជាមួយភាគីទទួលជំនួយនៅថ្ងៃទី០៥ ខែមីនា ឆ្នាំ២០២១ តាមរយៈប្រព័ន្ធវីដេអូពីចម្ងាយ។

លោក មិកាមិ ម៉ាសាហ៊ីរ៉ូ បានមានប្រសាសន៍ថា ទឹកប្រាក់ទាំងនេះត្រូវបានផ្តល់បែងចែកទៅឱ្យវិទ្យាស្ថានជាតិអប់រំ កាយ និងកីឡាចំនួន៩០,៦៤០ដុល្លារ សម្រាប់គម្រោងសាងសង់ផ្លូវរត់អត្តពលកម្មចំនួន៨ខ្សែនៅក្នុងវិទ្យាស្ថាននេះ ដើម្បីលើកកម្ពស់វប្បធម៌ និងការអប់រំថ្នាក់ឧត្តមសិក្សានៅកម្ពុជា។

គរុសិស្ស និងគ្រូប្រមាណ៤០០នាក់នៅវិទ្យាស្ថាននេះ និងសិស្សជាង៩៣ម៉ឺននាក់មកពីសាលារៀនជិតខាង នឹងអាចប្រើប្រាស់ផ្លូវរត់អត្តពលកម្មថ្មីនេះសម្រាប់ការប្រឡង និងព្រឹត្តិការណ៍កីឡាផ្សេងៗ ព្រមទាំងអាចទទួលបានការអប់រំកាយប្រសើរជាងមុន។

លោក មិកាមិ ម៉ាសាហ៊ីរ៉ូ បានបន្តទៀតថា ចំណែកថវិកាចំនួន២៥,៥៣៤ដុល្លារទៀត ផ្តល់ទៅឱ្យមន្ទីរអប់រំ យុវជន និងកីឡាខេត្តស្ទឹងត្រែងសម្រាប់គម្រោងសាងសង់កន្លែងលាងដៃនៅក្នុងសាលារៀនចំនួន៦ នៅភាគខាងលិចនៃខេត្តស្ទឹងត្រែង ដែលមានសិស្សប្រមាណ៨៤០នាក់ និងគ្រូ៨០នាក់ ទទួលផលពីគម្រោងនេះ។

គួរបញ្ជាក់ថា ចាប់តាំងពីឆ្នំា១៩៩១ រដ្ឋាភិបាលជប៉ុនបានផ្តល់ថវិកាជាង៦៣លានដុល្លារអាមេរិកដល់អាជ្ញាធរមូលដ្ឋាន និងអង្គការក្រៅរដ្ឋាភិបាល ដើម្បីអនុវត្តគម្រោងគូសាណូណិចំនួន៦៤២គម្រោងនៅទូទាំងប្រទេសកម្ពុជា សំដៅចូលរួមចំណែកដោយផ្ទាល់ក្នុងការកែលម្អគុណភាពនៃជីវភាពរបស់ប្រជាជនកម្ពុជានៅកម្រិតមូលដ្ឋាន និងការលើកកម្ពស់វប្បធម៌ និងការអប់រំថ្នាក់ឧត្តមសិក្សានៅកម្រិតមូលដ្ឋាន៕

អត្ថបទ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ38 mins ago

រដ្ឋបាល​ខេត្តកណ្តាល​សម្រេច​ផ្អាក​ការលក់​គ្រឿង​ស្រវឹង​គ្រប់​ប្រភេទ​ជា​បណ្ដោះអាសន្ន​

ព័ត៌មានជាតិ1 hour ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ2 hours ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ2 hours ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ3 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

Sokha Hotels

ព័ត៌មានពេញនិយម

Helistar Cambodia - Helicopter Charter Services