ព័ត៌មានជាតិ

មកស្គាល់មន្ទីរពេទ្យធំៗ អ្នកអាយុ ៦០ ឆ្នាំ អាចចាក់វ៉ាក់សាំង AstraZeneca ឥតគិតថ្លៃ

បានផុស

៣ years មុន

នៅ

ថ្ងៃសៅរ៍ ៦ មីនា ២០២១

ដោយ

ក្រសួងសុខាភិបាលបានជូនដំណឹងពីយុទ្ធនាការចាក់វ៉ាក់សាំង AstraZeneca ដល់ជនងាយរងគ្រោះមានអាយុចាប់ពី ៦០ ឆ្នាំឡើង តាមមន្ទីរពេទ្យរដ្ឋធំៗមួយចំនួន រួមទាំងមន្ទីរពេទ្យបង្អែករាជធានីខេត្ត និងមន្ទីរពេទ្យបង្អែកស្រុកប្រតិបត្តិ។

តាមការសេចក្តីជូនដំណឹង យុទ្ធនាការចាក់វា៉ក់សាំងរបស់ក្រុមហ៊ុន AstraZeneca អនុវត្តតាមគោលការណ៍ស្ម័គ្រចិត្ត និងឥតគិតថ្លៃ គោលដៅអាទិភាពលើខេត្តក្រុងចំនួន ៣ រួមមានរាជធានីភ្នំពេញ ខេត្តកណ្តាល និងខេត្តព្រះសីហនុ។

ក្រសួងសុខាភិបាលបានបង្ហាញមន្ទីរពេទ្យរដ្ឋធំៗចំនួន ៤ នៅមន្ទីរពេទ្យបង្អែកដែលផ្តល់ការចាក់វ៉ាក់សាំង AstraZeneca រួមមាន៖

-មន្ទីរពេទ្យមិត្តភាពខ្មែរសូវៀត
-មន្ទីរពេទ្យព្រះអង្គឌួង
-មន្ទីរពេទ្យកុមារជាតិ
-មន្ទីរពេទ្យបង្អែករាជធានីខេត្ត និងមន្ទីរពេទ្យបង្អែកស្រុកប្រតិបត្តិតាមមូលដ្ឋាន
-មន្ទីរពេទ្យកាល់ម៉ែត (សម្រាប់ឥស្សរជនជាន់ខ្ពស់មានអាយុចាប់ពី ៦០ ឆ្នាំឡើងទៅ)

ជាមួយគ្នានេះ មន្រ្តីរាជការ កងកម្លាំងប្រដាប់អាវុធ និងកម្មករប្រមូលសំរាម ដែលមានអាយុពី ១៨ ឆ្នាំ ដល់ ៥៩ ឆ្នាំ អាចទៅចាក់វ៉ាក់សាំងរបស់ក្រុមហ៊ុនសុីណូហ្វាម នៅតាមមន្ទីរពេទ្យបង្អែក និងទីកន្លែងដែលក្រសួងបានកំណត់និងជូនដំណឹងកន្លងមក៕