ព័ត៌មានជាតិ
សមត្ថកិច្ចខេត្តសៀមរាបចុះរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យយានយន្តកែច្នៃខុសលក្ខណៈបច្ចេកទេស
សមត្ថកិច្ចចម្រុះ នៃខេត្តសៀមរាបបានដាក់គោលដៅ រឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យយានយន្តកែច្នៃខុសលក្ខណៈបច្ចេកទេស ដើម្បីជៀសវាងការបង្កឱ្យមានគ្រោះថ្នាក់ និងកកស្ទះចរាចរណ៍ពេលធ្វើដំណើរលើផ្លូវសាធារណៈ ។
មន្ទីរសាធារណការនិងដឹកជញ្ជូនខេត្តសៀមរាប ដោយមានការសហការជាមួយសមត្ថកិច្ចចម្រុះគ្រប់ផ្នែកពាក់ព័ន្ធ បានដាក់គោលដៅរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យយានយន្តកែច្នៃខុសលក្ខណៈបច្ចេកទេស នៅតាមបណ្តោយផ្លូវជាតិលេខ៦ នៅក្នុងឃុំក្រឡាញ់ ស្រុកក្រឡាញ់ ខេត្តសៀមរាប ដោយទទួលបានលទ្ធផលដូចខាងក្រោម ៖ បានត្រួតពិនិត្យយានយន្តសរុបចំនួន១៤៨ គ្រឿង យានយន្តត្រឹមត្រូវចំនួន១៣៧គ្រឿង យានយន្តខុសលក្ខណៈបច្ចេកទេសចំនួន១១គ្រឿង ។
ដោះភ្លើងបំពាក់រថយន្តខុសលក្ខណៈបច្ចេកទេសចំនួន០៥គ្រឿង បកស្កុតខ្មៅបិតកញ្ចក់រថយន្តចំនួន ០៣គ្រឿង ដោះរានក្រោយរថយន្តចំនួន០១គ្រឿង ពិន័យអ្នកបើកបររថយន្តមិនពាក់ខ្សែក្រវ៉ាត់សុវត្ថិភាពចំនួន០១នាក់ ។ ត្រួតពិនិត្យរកសារធាតុញៀនសរុបចំនួន៣៥នាក់ មានសារធាតុញៀនក្នុងខ្លួនចំនួន០៥នាក់ (អ្នកបើកបររថយន្តចំនួន០១នាក់ និងអ្នករួមដំណើរចំនួន០៤នាក់)។
នាពេលនោះដែរ សមត្ថកិច្ចចម្រុះ បានចែកសៀវភៅច្បាប់ចរាចរណ៍ផ្លូវគោក និងខិតបណ្ណអប់រំផ្សព្វផ្សាយ ជូនដល់អ្នកបើកបរ ដើម្បីបានសិក្សាស្វែងយល់កាន់តែច្បាស់ ជៀសវាងការបង្កគ្រោះថ្នាក់ ការកកស្ទះចរាចរណ៍ និងកត្តាហានិភ័យផ្សេងៗទៀតពេលធ្វើដំណើរលើដងផ្លូវសាធារណៈ ៕
អត្ថបទ ៖ រ៉ាវុទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤៦ នាទី ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)