ព័ត៌មានជាតិ

ហុងកុងចាប់អារម្មណ៍ ដាក់ទុនវិនិយោគលើវិស័យឧស្សាហកម្មវាយនភណ្ឌនៅកម្ពុជា

បានផុស

២ years មុន

នៅ

ថ្ងៃពុធ ៤ កញ្ញា ២០២៤

ដោយ

គណៈប្រតិភូសម្ព័ន្ធក្រុមហ៊ុនហ្វុង (FUNG Group) ដែលមកពីតំបន់រដ្ឋបាលពិសេសហុងកុង បានបង្ហាញការចំណាប់អារម្មណ៍ខ្ពស់ក្នុងការវិនិយោគលើឧស្សាហកម្មវាយនភណ្ឌនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបជាមួយលោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ថ្ងៃទី០២ ខែកញ្ញា ឆ្នាំ២០២៤ នេះ គណៈប្រតិភូនៃសម្ព័ន្ធក្រុមហ៊ុនហ្វុង គ្រុប បានកត់សម្គាល់ពីការផ្លាស់ប្តូរមុខមាត់របស់កម្ពុជា ក្នុងការត្រៀមខ្លួនសម្រាប់ទទួលវិនិយោគិនពីបរទេស ពិសេសការគិតគូរពីបរិស្ថាន ការប្រើប្រាស់នូវថាមពលកកើតឡើងវិញ និងការលើកកម្ពស់កម្លាំងពលកម្មរបស់ស្ត្រី ក្នុងវិស័យឧស្សាហកម្មពាក់ព័ន្ធ។

គណៈប្រតិភូហុងកុង ក៏បង្ហាញនូវសុទិដ្ឋិនិយមក្នុងការពិនិត្យលទ្ធភាព និងឱកាសដាក់ទុនវិនិយោគមកកាន់កម្ពុជានាពេលខាងមុខ ដោយផ្តោតជាពិសេសលើឧស្សាហកម្មវាយនភណ្ឌ និងឧស្សាហកម្មកាត់ដេរផលិតសម្លៀកបំពាក់ នៅតាមបណ្តាតំបន់សេដ្ឋកិច្ចពិសេសដែលមានសក្តានុពល។

ឆ្លើយតបទៅវិនិយោគិនហុងកុង លោក ស៊ុន ចាន់ថុល បានរំលេចឡើងពីសក្តានុពលជាវិជ្ជមានរបស់កម្ពុជាមានជាអាទិ៍ សុខសន្តិភាព និងស្ថិរភាពនយោបាយ លំនឹងម៉ាក្រូសេដ្ឋកិច្ច កម្លាំងពលកម្មវ័យក្មេងដែលមានលក្ខណៈរួចរាល់សម្រាប់បរិវត្តកម្មឌីជីថល ហេដ្ឋារចនាសម្ព័ន្ធអន្តរមធ្យោបាយដែលបានកំពុងអភិវឌ្ឍឱ្យកាន់តែមានភាពសម្បូរបែប និងប្រទាក់ក្រឡា។

លោកឧបនាយករដ្ឋមន្រ្តី ក៏លើកពីការយកចិត្តទុកដាក់របស់រាជរដ្ឋាភិបាល លើការរីកលូតលាស់នៃវិស័យធុរកិច្ចឯកជន ដោយមានក្រុមប្រឹក្សាអភិវឌ្ឍន៍កម្ពុជា ជាសេនាធិការច្រកចេញចូលតែមួយក្នុងការសម្របសម្រួល ជាមួយនឹងបែបបទនៃការវិនិយោគដែលមានភាពបត់បែន សំដៅលើកកម្ពស់បរិយាកាសធុរកិច្ចឱ្យកាន់តែមានភាពទាក់ទាញ ភាពអំណោយផលខ្ពស់និងអនុគ្រោះបំផុត៕

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា