ព័ត៌មានជាតិ

អ្នកនាំពាក្យច្រានចោល ព័ត៌មានថា លោក សែម សុគន្ធា មានវិជ្ជមានកូវីដ១៩

បានផុស

៣ years មុន

នៅ

ថ្ងៃចន្ទ ៨ មីនា ២០២១

ដោយ

មន្ត្រីអ្នកនាំពាក្យ ស្នងការដ្ឋាននគរបាលរាជធានីភ្នំពេញ លោកសាន សុខសីហា បានប្រាប់កម្ពុជាថ្មីមនុនេះបន្តិចថា រហូតមកដល់ពេលនេះ មិនមានការបញ្ជាក់ផ្លូវការណាមួយពីក្រសួងសុខាភិបាល ជុំវិញការផ្សព្វផ្សាយថា លោកឧត្តមសេនីយ៍ត្រី សែម សុគន្ធា ស្នងការរងនគរបាលរាជធានីភ្នំពេញ មានវិជ្ជមានកូវីដ-១៩។

លោក សាន សុខសីហា បញ្ជាក់ថា “សំខាន់យើងយោងតាមឯកសាររបាយការណ៍ប្រចាំថ្ងៃ របស់ក្រសួង បើចេញមកយ៉ាងម៉េច យើងថាយ៉ាងនោះ មិនមែនថា ឲ្យតែមនុស្សហ្នឹងឈឺសុទ្ធតែកូវីដនោះទេ។ មើលតែរបាយការណ៍ក្រសួងទៅដឹងហើយ បើអត់មានទេ យើងមិនអាចយោងលើសារនេះ សារនោះ ជាផ្លូវការនោះទេ”។

**លោកសាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាលោកអះអាងថា លោកមិនបានសួរបញ្ជាក់ឲ្យច្បាស់ពីស្ថានភាពជំងឺរបស់គាត់នោះទេ ថាជាជំងឺអ្វី គ្រាន់តែដឹងថា គាត់ឈឺធម្មតា។

កាលកាលពីថ្មីៗនេះ មានសារសម្លេងមួយ ត្រូវបានគេផ្សព្វផ្សាយពីម្នាក់ទៅម្នាក់ថា លោកឧត្តមសេនីយ៍ត្រី សែម សុគន្ធា ស្នងការរងនគរបាលរាជធានីភ្នំពេញ មានវិជ្ជមានកូវីដ-១៩ និងងបានផ្សព្វផ្សាយរូបភាពរបស់លោកឧត្តមសេនីយ៍ត្រី សែម សុគន្ធា អង្គុយព្យួរស៊ីរ៉ូមលើគ្រែពេទ្យថែមទៀតផង៕

អត្ថបទ៖កោះកែវ